Ester 10:1 - Q'eqchi Bible

¹ Laj Asuero li awab'ej kixtitz' xtoj chixjunileb' li tenamit li wankeb' rub'el xwankil, jo' chi ch'och'el ut chiru palaw.

Li Santil hu

¹ Li rey Asuero quixtitzꞌ xtojeb chixjunileb li cuanqueb rubel xcuanquil. Quixtitzꞌ xtojeb li junju̱nk chi tenamit joꞌqueb ajcuiꞌ li naꞌajej li sutsu̱queb xban li palau.

Ester 10:1 ပူးပေါင်းရင်းမြစ်များ

Isaías 24:15

Jo'kan ajwi' sa' xjayal releb'l saq'e ut sa'eb' li tenamit wankeb' sa' sutha', taaterq'usiiq xk'ab'a' li Qaawa', li xYos laj Israel.

Salmos 72:10

Eb' li awab'ej re Tarsis ut li wankeb' sa' xyi li palaw che'xk'ameb' chaq xsimaatan. Eb' li awab'ej re Sabá ut Sebá che'xk'e xtojeb'.

San Lucas 2:1

Sa'eb' li kutan a'an ki'elk jun xchaq'rab' laj César Augusto naq chixjunileb' li wankeb' sa' ruuchich'och' te'xk'e chi tz'iib'aak li xk'ab'a'eb'.

Daniel 11:18

Moqon chik taaxik chi yalok rik'ineb' li tenamit wankeb' sa' sutha' ut naab'aleb' li taareechani; ab'anan jun xjolomileb' laj puub' taaq'axoq ru ut tixram li xutaanal b'aanuhem a'in, chi ink'a' chik tixkuy xsumenkil.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Ester 8:9

Chi junpaat ke'b'oqe'k laj tz'iib' li neke'k'anjelak chiru li awab'ej, sa' li oxib' xka'k'aal kutan xb'e li rox po, Sibán xk'ab'a', ut ke'xtz'iib'a eb' li aatin kixye laj Mardokeo, cho'q reheb' laj Judiiy, eb' li ninqeb' xwankil, eb' laj taqlanel ut eb' li xjolomil tenamit, chalen chaq sa' xteepal India toj Etiopía, cho'q reheb' ajwi' li wuqub' xwuqk'aal (127) teep chi tenamit, li junjunq jo' chanru li xtz'iib' ut li raatinob'aal; jo'kaneb' ajwi' cho'q reheb' laj Judiiy.

Ester 1:1

A'in kik'ulmank chiru xyu'am laj Asuero naq kitaqlank cho'q awab'ej sa' xb'een wuqub' xwuqk'aal (127) teep chi tenamit chalen chaq sa' xteepal India toj Etiopía

Génesis 10:5

Rik'ineb' a'in ke'xtikib' tenamito'k eb' li na'ajej sutsuukeb' xb'aan li palaw. A'aneb' a'in li ralal laj Jafet, ak xna'aj xna'aj, ak raatinob'aal raatinob'aal li junjunq, ak riyajil riyajil ut ak xtenamit xtenamit li junjunq.