Ester 1:13 - Q'eqchi Bible

¹³ ut kixye reheb' li ramiiw: “K'ehomaq reetal k'aru xinxsume wi' lix Vasti. Raqomaq aatin sa' xb'een ut yehomaq k'aru tento xb'aanunkil anaqwan”.

Li Santil hu

¹³ Xban nak yo̱ xjoskꞌil li rey quipatzꞌoc reheb li cuanqueb xnaꞌleb cꞌaꞌru us xba̱nunquil. Saꞌ eb li cutan aꞌan cꞌaynakeb li rey chixpatzꞌbal xnaꞌlebeb riqꞌuineb li nequeꞌxnau li chakꞌrab.

Ester 1:13 ပူးပေါင်းရင်းမြစ်များ

1 Crónicas 12:32

Sa' xyanqeb' laj Isakar li xk'ihaleb', a'an lajeek'aal (200) chi aj jolominel, rochb'eeneb' chixjunileb' li wankeb' rub'el xwankileb'. Eb' laj Isakar wankeb' xna'leb' re xnawb'al k'aru us te'xb'aanu eb' laj Israel.

Daniel 2:2

Toja' naq li awab'ej kixtaqla xb'oqb'aleb' laj q'e ut eb' laj nawal, eb' laj k'ehol na'leb' jo'wi' eb' laj tz'ilol rixeb' li chahim, re naq te'xch'olob' chiru k'aru xyaalal li xmatk'. Ut naq ke'wulak rik'in,

Jeremías 10:7

Ani ink'a' taaxiwanq aawu, at xReyeb' li xninqal ru tenamit? Relik chi yaal naq aak'ulub' naq xiwanb'ilaq aawu. Sa' xyanqeb' chixjunileb' li wankeb' xna'leb' ut sa' xyanqeb' li awab'ej sa' ruuchich'och' maajun chik wank jo' laa'at, at Qaawa'.

San Mateo 16:3

ut naq nasaqewk: «Hab'aq hoon, xb'aan naq kaqmoyink ru li choxa». Nekenaw b'i' xk'eeb'al reetal ru li choxa, ab'an ink'a' nekexruhank xtawb'al xyaalal li reetalil eb' li kutan a'in.

Daniel 5:7

Toja' naq li awab'ej kixjap re chi xb'oqb'aleb' chaq laj q'e, eb' laj nawal ut eb' laj tz'ilol rixeb' li chahim li wankeb' sa' xteepal Babilonia, ut kixye reheb': “Ani taa'iloq re li tz'iib'anb'il chiru li tz'ak ut tixch'olob' li xyaalal, taatiqib'aaq rik'in kaqi aq'ej reetalil li xwankil; taak'eemanq xq'ol oor chi xkux ut a'anaq li roxil chi taqlank sa' lin'awab'ejihom”, chan.

Daniel 2:12

Toja' naq li awab'ej k'ajo' naq kichalk xjosq'il ut kixye naq che'kamsiiq chixjunileb' laj k'ehol na'leb' sa' xteepal Babilonia.

San Mateo 2:1

Li Jesus kiyo'laak aran Belén sa' xteepal Judea, naq laj Herodes wan chaq chi awab'ejil. Sa'eb' li kutan a'an wankeb' aj q'e ke'chalk chaq sa' releb'l saq'e, kole'okaq Jerusalén

Daniel 2:27

Kichaq'ok laj Daniel ut kixye chi jo'ka'in: “Maajun junaq aj q'e, aj nawal, aj k'ehol na'leb' ut aj tz'ilol rixeb' li chahim te'ruhanq chi xch'olob'ankil chawu li taawaj xnawb'al, at awab'ej.

Ester 1:12

Ab'anan lix Vasti ink'a' kixpaab' li xb'oqb'al xb'aan li awab'ej. Toja' naq q'axal kiraho'k xch'ool li awab'ej; kijosq'o'k

1 Crónicas 12:33

Sa' xyanqeb' laj Sabulón li xk'ihaleb', a'an lajeeb' roxk'aal mil (50,000) chi winq yo'oon wankeb' chi yalok, wankeb' chixjunil li k'iila paay ru chi k'anjelob'aal re yalok, kaweb' xch'ool chi xtenq'ankil laj David.