Esdras 9:2 - Q'eqchi Bible

² Xe'sumlaak rik'ineb' li xrab'in li tenamit a'an, ut jo'kan ajwi' xe'xb'aanu eb' li ralal. Li xtenamit li Yos xe'xmux rib' rik'ineb' li jalaneb' xtenamit. Ut eb' laj k'amol b'e jo'wi' eb' laj jolominel, a'aneb' xb'een chi q'etok aatin”, chankeb'.

Li Santil hu

² Yo̱queb chi sumla̱c riqꞌuineb ut yo̱queb ajcuiꞌ chixsumubanquil eb li ralal riqꞌuineb lix rabin li cuanqueb saꞌ li tenamit aꞌan. Lix tenamit li Dios, li ti̱queb raj xchꞌo̱l, queꞌxjunaji ribeb riqꞌuineb li jalaneb xtenamit. Ut eb li queꞌcꞌamoc xbe chixba̱nunquil li ma̱c aꞌan, aꞌaneb ajcuiꞌ li cuanqueb saꞌ xcuanquil ut eb li nequeꞌtaklan saꞌ xbe̱neb li tenamit, chanqueb.

Esdras 9:2 ပူးပေါင်းရင်းမြစ်များ

Deuteronomio 7:6

Xb'aan naq laa'at jun tenamit q'axtesinb'il cho'q re li Qaawa' laaYos. A'an xsik'ok aawu sa' xyanqeb' chixjunil li tenamit li wankeb' sa' ruuchich'och' re naq laa'ataq tz'aqal li xtenamit.

Éxodo 34:16

Jo'kan ajwi', mare anchal taak'e li xrab'ineb' cho'q rixaqileb' laawalal ut, naq te'xmux rib' li ixaqilb'ej chi xloq'oninkil li xyoseb', te'xk'am ajwi' eb' laawalal chi xb'aanunkil maa'usilal chirix li xyoseb'.

Esdras 10:2

Ut laj Sekanías, ralal laj Jehiel, xkomoneb' laj Elam, kixye re laj Esdras: “Xqaq'etq'eti qib' chiru li qaYos naq xoosumlaje'k rik'ineb' li ixq jalan xtenamiteb', xe'qak'am sa' xyanqeb' li wankeb' arin sa' li qana'aj. Ab'anan toj wank royb'enihom laj Israel.

1 Corintios 7:14

Xb'aan naq li b'eelomej maak'a' xpaab'aal a'an santob'resinb'il sa' xk'ab'a' li rixaqil, ut li ixaqilb'ej maak'a' xpaab'aal a'an santob'resinb'il sa' xk'ab'a' li xb'eelom aj paab'anel. Wi ta ink'a' jo'kan, eb' leeralal eek'ajol tz'aj raj ru li xyu'ameb', a'ut anaqwan santeb'.

Malaquías 2:15

Ma ink'a' tab'i' jun ajwi' chi Yos xyoob'tesink re li ixq, li xtz'ejwal ut li xmusiq'? Ut k'aru naxsik' li Yos rik'in li junjunq? Naxsik' naq te'wanq ralal xk'ajol q'axtesinb'ilaqeb' re A'an. Cherahaq b'i' eerib' chiru leeyu'am ut meeb'alaq'i leesum'aatin li xexsumlaak wi' sa' leesaajilal.

Malaquías 2:11

Eb' laj Judá xe'xb'alaq'i li Qaawa', ut junes tz'i'b'eetalil b'aanuhom na'uxmank Israel ut Jerusalén. Xb'aan naq eb' laj Judá xe'xmux xloq'al li ochoch jwal raaro xb'aan li Yos, naq xe'sumlaak rik'ineb' li ixq neke'loq'onink ru jalanil yos.

Deuteronomio 14:2

Xb'aan naq laa'at jun tenamit q'axtesinb'ilat re li Qaawa' laaYos, ut A'an xsik'ok aawu re naq laa'ataq li xtz'aqal tenamit sa' xyanqeb' chixjunil li tenamit li wankeb' sa' ruuchich'och'.

Éxodo 22:31

“Laa'ex q'axtesinb'ilaqex cho'q we. “Meetiw xtib'el li xul li xt'upiik xb'aan junaq josq' aj xul sa' pim; tz'eqomaq b'an chi xtiweb' li tz'i'.

Éxodo 19:6

Laa'exaq jun santil tenamit, ut tex'awab'ejinq jo' aj tij». A'aneb' a'in li aatin taaye reheb' li ralal xk'ajol laj Israel”.

2 Corintios 6:14

Meelaq'ab' eerib' rik'ineb' li maak'a' neke'xpaab', re riiqaninkil li moko eek'ulub' ta. K'aru wank re li tiikilal rik'in li maa'usilal? Ma truuq tab'i' taawanq sa' komonil li saqenk rik'in li aak'ab'?

Génesis 6:2

Eb' li ralal xk'ajol li Yos ke'ril naq q'axal ch'ina'useb' li xrab'ineb' li winq ut ke'xk'ameb' cho'q rixaqil, jo'k'ihaleb' ke'wulak chiruheb'.

Isaías 6:13

Us ta jun aj chik li poyanam tkanaaq sa' xyanq li lajeetq, taasache'q ajwi' ru a'an jo' na'uxk re li ji malaj li tz'unu'j che' naq nayok'mank: ka'aj chik li xtoonal nakanaak. Ab'anan sa' li xtoonal taa'elq jun li santil tuxm”, chan li Qaawa'.

Nehemías 13:28

Jun reheb' li ralal laj Johadá, ralal laj Eliasib li xyuwa'il aj tij, a'an chaq xhi' laj Sanbalat aj Jorón, ut laa'in kiwisi chink'atq.

Nehemías 13:17

Toja' naq keb'inq'us chi kaw li wankeb' chi jolomink re Judá ut kinye reheb': “K'ajo' xyib'al ru yookex naq nekemux li kutan sábado!

Josué 23:12

“Ab'anan wi texnajto'q rik'in li Qaawa' ut teejunaji eerib' rik'ineb' li tenamit a'in li xe'kanaak sa' eeyanq, wi nekerech'alalin eerib' ut nekeb'on eerib' rik'ineb',

Esdras 9:12

Jo'kan utan, meek'e leerab'in reheb' li ralaleb', chi moko teesumub' leeralal rik'ineb' li xrab'ineb' a'an. Maajun wa teesik' tuqtuukilal ut sahilal cho'q reheb' li poyanam a'an, re naq kawaq eerib' laa'ex, teetzeka linchaab'il eechej na'elk sa' li ch'och' ut teekanab' leeralal eek'ajol chi reechaninkil li na'ajej chi junelik».

Esdras 9:14

ma truuq tab'i' too'ok wi' chik chi xq'etb'al laachaq'rab' ut xlaq'ab'ankil qib' rik'ineb' li poyanam a'in li neke'xb'aanu li maa'usilal? Ma ink'a' raj tchalq laajosq'il sa' qab'een ut toohaasach chi maajun junaq taakole'q?

Levítico 21:15

re naq ink'a' tixmux ruheb' li ralal xk'ajol sa' li xtenamiteb', xb'aan naq laa'in li Qaawa', li ninsantob'resink re”.

Josué 22:15

Ut naq eb' a'in ke'wulak wankeb' wi' laj Rubén, eb' laj Gad ut li xyiijachil xteepal laj Manasés, sa' li na'ajej Galahad, ke'raatinaheb' chi jo'ka'in:

1 Reyes 11:1

Us ta ak wank cho'q tz'aqal rixaqil li xrab'in laj Parahón, laj Salomón li awab'ej kiwank chik naab'al li rixaqil, jalan xtenamiteb': ixqeb' aj Mohab, aj Amón, aj Edom, aj Sidón ut aj Hit.