Esdras 9:1 - Q'eqchi Bible

¹ Chirix chik a'an ke'k'ulunk wik'in eb' laj k'amol b'e ut ke'xye we: “Eb' laj Israel, eb' laj tij ut eb' laj Leví ink'a' xe'xjek' rib' rik'in li jalaneb' xtenamit, a'eb' laj Kanahán, eb' laj Hit, eb' laj Perés, eb' laj Jebús, eb' laj Amón, eb' laj Ejiipt ut eb' laj Amor, ut a' ajwi' li xmaa'usilaleb' li tenamit a'an xe'xb'aanu.

Li Santil hu

¹ Ut chirix chic aꞌan, eb laj cꞌamol be saꞌ xya̱nkeb laj Israel queꞌcuulac cuiqꞌuin ut queꞌxye cue: —Cuanqueb aj Israel yo̱queb chixjunajinquil ribeb riqꞌuineb li jalaneb xtenamit. Saꞌ xya̱nkeb aꞌan cuanqueb laj tij ut laj levita. Yo̱queb chixjunajinquil ribeb riqꞌuineb laj cananeo, eb laj heteo, eb laj ferezeo, eb laj jebuseo, eb laj amonita, eb laj moabita, eb laj Egipto ut eb laj amorreo ut yo̱queb chixba̱nunquil li ma̱usilal nequeꞌxba̱nu eb aꞌan.

Esdras 9:1 ပူးပေါင်းရင်းမြစ်များ

Nehemías 9:2

Ke'risi rib' sa' xyanqeb' chixjunileb' laj ab'l tenamit, ke'xxaqab' rib' ut ke'xxooto li xmaakeb' jo' ajwi' xmaakeb' li xna' xyuwa'eb'.

Éxodo 33:16

Xb'aan naq k'aru taanawmanq wi' naq usilal xintaw chawu wochb'een lintenamit? Ma ink'a' tab'i' rik'in naq laa'at nakoohaawochb'eeni? A'an reetalil naq sik'b'il qu aab'aan, chiruheb' chixjunil li tenamit junsut junrub'el choxa”.

Jeremías 26:16

Toja' naq eb' li xjolomil li tenamit ut chixjunileb' li poyanam ke'xye reheb' laj tij ut eb' li propeet: “Li winq a'in moko xk'ulub' ta kamsiik, xb'aan naq xooraatina sa' xk'ab'a' li Qaawa' li qaYos”, chankeb'.

Jeremías 26:10

Naq eb' li xjolomileb' laj Judá ke'rab'i a'in, ke'elk sa' rochochil li awab'ej, koheb' sa' rochoch li Yos ut aran, sa' li Ak' Okeb'aal, ke'xk'ojob' rib'eb'.

Isaías 52:11

Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

Salmos 106:35

ke'xlaq'ab' b'an chik rib' rik'ineb' li maak'a'eb' xpaab'aal ut ke'xtzol chixjunil li neke'xb'aanu a'an.

Nehemías 4:3

Toja' naq laj Tobías aj Amón kixye re laj Sanbalat li wank chi xk'atq: “Kanab'eb' chi tz'akab'k. Maak'a' xkawilal li tz'ak a'an: wi junaq yak taataqe'q sa' xb'een, relik chi yaal naq a'an taat'anoq re!”, chan.

Esdras 10:8

Yalaq ani ink'a' taawulaq chiru oxib' kutan, taamaq'e'q chiru jo'ch'inal jo'nimal wank re, ut a'an ajwi' taa'isiiq sa' xyanq xkomonileb' laj Israel, jo' chanru k'uub'k'u xb'aaneb' laj k'amol b'e ut eb' laj jolominel.

2 Crónicas 33:2

Ab'anan ink'a' kixb'aanu li us chiru li Qaawa', kixb'aanu b'an chik li tz'i'b'eetalil, jo' neke'xb'aanu eb' li tenamit li ke'aanilasiik xb'aan li Qaawa' chiruheb' laj Israel.

1 Reyes 11:1

Us ta ak wank cho'q tz'aqal rixaqil li xrab'in laj Parahón, laj Salomón li awab'ej kiwank chik naab'al li rixaqil, jalan xtenamiteb': ixqeb' aj Mohab, aj Amón, aj Edom, aj Sidón ut aj Hit.

Deuteronomio 18:9

“Naq akaq xat-ok sa' li ch'och' tixk'e aawe li Qaawa' laaYos, maatzol xb'aanunkil li yib' aj na'leb', jo' neke'xb'aanu li tenamit a'an.

Números 23:9

Toj sa' xb'een li saqoonak neke'wil, toj sa' xb'eeneb' li b'ool nink'e reetal: a'an jun tenamit li wankeb' xjunes; ink'a' k'eeb'ileb' sa' ajl sa' xyanqeb' li poyanam.

Levítico 18:3

“Meeb'aanu jo' k'aynaqeb' xb'aanunkil laj Ejiipt, b'arwi' kexwank chaq. “Meeb'aanu jo' na'uxmank sa' li tenamit Kanahán, b'arwi' texink'am, chi moko chexwanq jo' naxye li xchaq'rab'eb' a'an.

Éxodo 23:23

K'amolb'ehaq lin'ánjel chawu ut tatroksi sa' xch'och'eb' laj Amor, laj Hit, laj Perés, laj Kanahán, laj Jib ut laj Jebús, ut teb'insach chi junajwa.

Éxodo 13:5

Ut naq li Qaawa' toxatroksi sa' li xch'och'eb' laj Kanahán, laj Hit, laj Amor, laj Jib ut laj Jebús, a' li xq'emal ch'och' kixyeechi'i chaq rik'in jurament reheb' laana' laayuwa', jo'ka'in naq taaninq'ehi sa' li po a'in.

Génesis 15:16

Sa' li xka xteepal riyajileb' laawalal, eb' a'in te'sutq'iiq chaq arin xb'aan naq anaqwan toj maji' xtz'aqlok ru li xk'ihal xmaakeb' laj Amor”, chan li Qaawa'.

Nehemías 4:7

Naq laj Sanbalat, laj Tobías, eb' laj Arabia, eb' laj Amón ut eb' laj Asdod ke'rab'i resil naq kaw yookeb' chi xwaklesinkil wi' chik li xsuttz'akil Jerusalén jo'wi' xtz'apb'al eb' li hopox, q'axal ke'chalk xjosq'il

Nehemías 13:23

Sa'eb' li kutan a'an kink'e ajwi' reetal naq wankeb' aj Judiiy ke'sumlaak rik'ineb' li ixq aj Asdod, aj Amón ut aj Mohab.

Malaquías 2:11

Eb' laj Judá xe'xb'alaq'i li Qaawa', ut junes tz'i'b'eetalil b'aanuhom na'uxmank Israel ut Jerusalén. Xb'aan naq eb' laj Judá xe'xmux xloq'al li ochoch jwal raaro xb'aan li Yos, naq xe'sumlaak rik'ineb' li ixq neke'loq'onink ru jalanil yos.

Números 25:6

Ab'an jun li winq aj Israel kixk'am chaq jun li ixq aj Madián ut kiroksi sa' li xmuheb'aal, chiru laj Moisés ut chiruheb' chixjunil li poyanam naq yookeb' chi yaab'ak sa' rokeb'aal li Loq'laj Muheb'aal.

Deuteronomio 7:1

“Naq akaq xatroksi li Qaawa' laaYos sa' li ch'och' toxaaweechani, ut naq akaq xrisiheb' chawu eb' li k'iila tenamit (a'eb' laj Hit, laj Kirkás, laj Amor, laj Kanahán, laj Perés, laj Jib ut laj Jebús: wuqub'eb' chi tenamit jwal naab'aleb' ut q'axal kaweb' rib' chawu laa'at),

Deuteronomio 23:8

Eb' li ralal xk'ajoleb' a'an li te'yo'laaq sa' li rox xteepal riyajil truuq te'k'ule'q sa' li xkomonil li Qaawa'.

Josué 23:12

“Ab'anan wi texnajto'q rik'in li Qaawa' ut teejunaji eerib' rik'ineb' li tenamit a'in li xe'kanaak sa' eeyanq, wi nekerech'alalin eerib' ut nekeb'on eerib' rik'ineb',

2 Crónicas 8:7

Chixjunileb' laj Hit, laj Amor, laj Perés, laj Jib ut laj Jebús, li maawa'eb' aj Israel li ke'kanaak,

Esdras 10:2

Ut laj Sekanías, ralal laj Jehiel, xkomoneb' laj Elam, kixye re laj Esdras: “Xqaq'etq'eti qib' chiru li qaYos naq xoosumlaje'k rik'ineb' li ixq jalan xtenamiteb', xe'qak'am sa' xyanqeb' li wankeb' arin sa' li qana'aj. Ab'anan toj wank royb'enihom laj Israel.