Esdras 8:19 - Q'eqchi Bible

¹⁹ Ke'xtaqla ajwi' chaq laj Jasabías rochb'een laj Isaías li riitz'in, xkomoneb' laj Merarí, jo' ajwi' eb' li ralal xk'ajol: junmay chi winq chixjunileb'.

Li Santil hu

¹⁹ Ut queꞌchal ajcuiꞌ laj Hasabías rochben laj Jesaías xcomoneb li ralal xcꞌajol laj Merari. Queꞌchal rochben li ralal ut li ras. Junmayeb (20) chixjunileb.

Esdras 8:19 ပူးပေါင်းရင်းမြစ်များ

1 Crónicas 6:16

Eb' li ralal xk'ajol laj Leví a'aneb' a'in: laj Kersón, laj Kehat ut laj Merarí.

1 Crónicas 6:1

Eb' li ralal xk'ajol laj Leví a'aneb' a'in: laj Kersón, laj Kehat ut laj Merarí.

Nehemías 10:11

laj Miká, laj Rejob, laj Jasabías,

Nehemías 3:17

Chirix chik a'an ke'tz'akab'k laj Leví: laj Rejún, ralal laj Baní; chi xk'atq a'an laj Jasabías, xjolomil xyiijachil li teep Kehilá, sa' xk'ab'a'eb' li wankeb' sa' xteepal.

1 Crónicas 6:19

Eb' li ralal xk'ajol laj Merarí a'aneb' a'in: laj Majlí ut laj Musí. A'aneb' chaq a'in li ralal xk'ajol laj Leví, a' yaal chanru li xjunkab'aleb'.

Esdras 8:18

B'anyox re li Yos, xb'aan xnimal xrahom li Qaawa' ke'xk'am chaq qe jun li winq chaab'il xna'leb', aj Serebías xk'ab'a', ralal laj Majlí, ralal laj Leví, ralal laj Israel. Ke'chalk rochb'een eb' li ralal ut eb' li ras riitz'in: waqxaqlajuheb' chi winq.

Esdras 8:20

Ke'chalk ajwi' junlajuk'aal (220) chi k'anjelak sa' rochoch li Yos, a'eb' li ke'xaqab'aak junxil xb'aan laj David ut eb' laj jolominel chi xtenq'ankileb' laj Leví. Chixjunileb' a'an b'oqb'ileb' rik'in li xk'ab'a'eb'.

Esdras 8:24

Kinsik' ruheb' kab'laju xjolomileb' laj tij: a'aneb' laj Serebías ut laj Jasabías, rochb'eeneb' lajeeb' chik.