Esdras 8:18 - Q'eqchi Bible

¹⁸ B'anyox re li Yos, xb'aan xnimal xrahom li Qaawa' ke'xk'am chaq qe jun li winq chaab'il xna'leb', aj Serebías xk'ab'a', ralal laj Majlí, ralal laj Leví, ralal laj Israel. Ke'chalk rochb'een eb' li ralal ut eb' li ras riitz'in: waqxaqlajuheb' chi winq.

Li Santil hu

¹⁸ Ut xban nak li Dios yo̱ chi tenkꞌa̱nc ke, queꞌxtau chak laj Serebías re ta̱xic chi cꞌanjelac. Aꞌan jun cui̱nk cha̱bil xnaꞌleb xcomoneb li ralal xcꞌajol laj Mahli laj levita. Queꞌchal rochben li ralal ut li ras. Cuakxaklajuheb (18) chixjunileb.

Esdras 8:18 ပူးပေါင်းရင်းမြစ်များ

Jeremías 3:15

Tinxaqab' eb' li te'k'aak'alenq eere jo' chanru naraj linch'ool, ut eb' a'an te'ch'oolaninq eere rik'in chaab'il na'leb' ut xseeb'al xch'ooleb'.

Nehemías 2:8

Jo'wi' anchal tz'iib'a junaq hu cho'q re laj Asaf, laj k'aak'alehom reheb' li k'iche' re li awab'ej, re naq tixk'e inche' tinyiib' wi' rokeb'aal li kawub'resinb'il na'ajej chi xk'atq li Loq'laj Ochoch, jo' ajwi' li xsuttz'akil li tenamit ut li ochoch tinhilanq wi'”. Li awab'ej kixk'e we chixjunil li kintz'aama, xb'aan naq li rusilal linYos wank wik'in.

Esdras 7:28

Rik'in xnimal ruxtaan xinrusila chiru li awab'ej, chiruheb' laj k'ehol xna'leb' ut eb' li ninqeb' xwankil, ut kixk'e xkawub' inch'ool, xb'aan naq rik'in xtenq'aal li Qaawa' linYos xinch'utub'eb' laj k'amol xb'eheb' laj Israel re naq te'xik Jerusalén wochb'een”.

Daniel 1:20

Chirix chixjunil li chaab'il na'leb' malaj seeb'al k'a'uxej li naraj xnawb'al li awab'ej, eb' li kaahib' chi saaj winq a'an q'axal chik ke'tawe'k naq wankeb' xna'leb' chiruheb' chixjunil: lajeeb' wa chik neke'xq'ax ruheb' laj q'e ut eb' li neke'nawalink sa' chixjunil li x'awab'ejilal laj Nabukodonosor.

Esdras 8:22

Xb'aan naq kinxutaanak xpatz'b'aleb' aj puub' re li awab'ej, xkomoneb' li neke'xik chi oqej malaj chirix kawaay, re qakolb'al chiruheb' li xik' neke'ilok qe sa' li qab'eenik, xb'aan naq ak qayehom re li awab'ej chi jo'ka'in: “Li qaYos wank rik'in chixjunileb' li neke'sik'ok re; ab'anan li xwankilal ut li xjosq'il wank sa' xb'eeneb' li neke'tz'eqtaanank re”, chanko.

Esdras 7:6

Laj Esdras a'an jun li winq tzolb'il chi us sa' li Chaq'rab' li kik'ehe'k re laj Moisés xb'aan li Qaawa', xYos laj Israel. Li ruq' li Qaawa' li xYos wank sa' xb'een; jo'kan naq chixjunil li k'aru naxpatz', nak'ehe'k re xb'aan li awab'ej. Laj Esdras ki'elk Babilonia ut koho Jerusalén.

1 Crónicas 6:19

Eb' li ralal xk'ajol laj Merarí a'aneb' a'in: laj Majlí ut laj Musí. A'aneb' chaq a'in li ralal xk'ajol laj Leví, a' yaal chanru li xjunkab'aleb'.

1 Corintios 14:20

Ex was wiitz'in, meek'uula'ali eerib' rik'in leena'leb'; k'uula'alaqex b'an chiru li maa'usilal, ut cheekel winqaqex rik'in leena'leb'.

Proverbios 24:3

Rik'in chaab'il na'leb' na'uxk li kab'lak ut rik'in seeb'al k'a'uxl nak'ehe'k li rub'elankil.

Proverbios 3:6

Sa' chixjunil li k'aru taab'aanu wanq sa' aach'ool li Qaawa' Yos, ut A'an tixtiikob'resi laab'e.

Nehemías 12:24

Li xjolomileb' laj Leví a'aneb' a'in: laj Jasabías, laj Serebías, laj Josué, laj Binuy, laj Kadmiel ut eb' li rech'alaleb', wankeb' chiruheb' re xnimankil ut xb'anyoxinkil li Yos, sa' xkutankil li xk'anjeleb', jo' chanru chaq'rab'inb'ileb' wi' xb'aan laj David, laj k'anjel chiru li Yos.

Nehemías 10:12

laj Sakur, laj Serebías, laj Sebanías,

Nehemías 8:7

Ut eb' laj Leví ke'xtikib' xch'olob'ankil xyaalal li Chaq'rab' chiruheb' li poyanam li toj xaqxookeb' sa' xna'ajeb'. A'aneb' a'in li xk'ab'a'eb' laj Leví: laj Josué, laj Baní, laj Serebías, laj Yamín, laj Akub, laj Sabtay, laj Hodías, laj Mahasías, laj Kelitá, laj Asarías, laj Josabad, laj Janán ut laj Pelaías.

Esdras 8:24

Kinsik' ruheb' kab'laju xjolomileb' laj tij: a'aneb' laj Serebías ut laj Jasabías, rochb'eeneb' lajeeb' chik.

Esdras 8:16

Toja' naq kinb'oq laj Elieser, laj Ariel, laj Semaías, laj Elnatán, laj Jarib, laj Elnatán, laj Natán, laj Sakarías ut laj Mesulán, li ninqeb' xwankil,

Números 3:20

Li xk'ab'a'eb' li ralal laj Merarí sa' li xjunkab'al a'aneb' a'in: laj Majlí ut laj Musí. A'aneb' a'in li xch'uuteb' laj Leví chi junqkab'alil.

2 Crónicas 30:22

Naq kiril a'an, laj Esekías kixb'anyoxi reheb' chixjunileb' laj Leví naq ke'xb'aanu chi us li xk'anjel li Qaawa'. Chiru wuqub' kutan ke'xtzeka xmayejil li ninq'e, ke'mayejak re li k'amok ib' sa' usilal rik'in li Yos ut ke'xloq'oni ru li Qaawa', xYos eb' li xxe'toonil yuwa'eb'.

Esdras 8:19

Ke'xtaqla ajwi' chaq laj Jasabías rochb'een laj Isaías li riitz'in, xkomoneb' laj Merarí, jo' ajwi' eb' li ralal xk'ajol: junmay chi winq chixjunileb'.

1 Crónicas 6:1

Eb' li ralal xk'ajol laj Leví a'aneb' a'in: laj Kersón, laj Kehat ut laj Merarí.

1 Crónicas 6:4

Laj Elehasar a'an chaq xyuwa' laj Pinjás, laj Pinjás a'an chaq xyuwa' laj Abisúa,

Esdras 7:9

Kixxaqab' xkutankil li relik aran Babilonia sa' li xb'een kutan re li xb'een po, ut kiwulak Jerusalén sa' li xb'een kutan re li ro' po. Relik chi yaal naq li ruq' li Yos wank sa' xb'een.