Esdras 7:16 - Q'eqchi Bible

¹⁶ Chak'am ajwi' chawix chixjunil li plaat ut oor li xach'utub' sa' xteepal Babilonia, jo'wi' chixjunil li x'alaak sa' xch'ooleb' li tenamit ut eb' laj tij xyeechi'inkil cho'q re li rochoch li Yos aran Jerusalén.

Li Santil hu

¹⁶ Ta̱cꞌam ajcuiꞌ chixjunil li plata ut li oro li joꞌ qꞌuial teꞌxchꞌutub li cuanqueb Babilonia. Ut ta̱cꞌam ajcuiꞌ li mayej li x-ala saꞌ xchꞌo̱leb xqꞌuebal eb laj tij ut eb laj Israel li cuanqueb saꞌ li tenamit aꞌan re xyi̱banquil lix templo li Dios aran Jerusalén.

Esdras 7:16 ပူးပေါင်းရင်းမြစ်များ

1 Crónicas 29:6

Toja' naq eb' li neke'taqlank sa' li junkab'al, li neke'taqlank sa'eb' li xteepal laj Israel, li xjolomileb' laj lajeetqk'aal rox o'q'ob' (1,000) ut eb' laj o'taqk'aal (100) aj puub', ut eb' li neke'taqlank sa' xb'een li k'a'aq re ru re li awab'ej ke'kub'sink chi yal ki'alaak sa' xch'ooleb':

Esdras 1:6

Ut chixjunileb' li rechkab'al ke'okenk chi xtenq'ankileb' rik'in plaat ut oor, sahil eechej ut ketomq, jo' ajwi' rik'in naab'al li k'a'aq re ru jwal terto xtz'aq ut chixjunil li ki'alaak sa' xch'ooleb' xk'eeb'al reheb'.

Esdras 1:4

Ut yalaq b'ar wanqeb' aj Israel, eb' li rechkab'al che'tenq'anq taxaq reheb' rik'in plaat ut oor, sahil eechej ut ketomq, jo' ajwi' rik'in chixjunil li taa'alaaq sa' xch'ooleb' xk'eeb'al re li rochoch li Yos li wank Jerusalén”.

1 Crónicas 29:9

K'ajo' naq ke'saho'k eb' li tenamit rik'in a'in, xb'aan naq chi anchaleb' xch'ool ke'xk'e re li Qaawa' jo'ch'inal jo'nimal x'alaak sa' xch'ooleb'. Jo'kan ajwi' li awab'ej David kisaho'k xch'ool.

2 Corintios 9:7

Li junjunq chixk'ehaq jo'nimal na'alaak sa' xch'ool, ink'a' chi ka'b'rix xch'ool chi moko chi minb'ilaq ru, xb'aan naq li Yos naxra li nasihok chi sa sa' xch'ool.

2 Corintios 8:12

Xb'aan naq wi wank k'aru na'alaak sa' xch'ool anihaq, a'an k'ulb'il chi chaab'il xb'aan li Yos sa' xk'ab'a' li jo'ch'inal jo'nimal wank re; ink'a' napatz'mank li maak'a' wank re.

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

2 Crónicas 6:2

Ab'an laa'in xinyiib' jun li ochoch cho'q aamuheb'aal, jun li na'ajej wanqat wi' chi junajwa”.

2 Crónicas 6:5

«Chalen naq ke'wisiheb' chaq Ejiipt lintenamit Israel, ink'a' insik'om ru junaq na'ajej sa' xyanq chixjunileb' li xteepaleb' aj Israel, re xyiib'ankil junaq ochoch b'arwi' taawanq link'ab'a'; chi moko insik'om ru junaq winq taak'amoq xb'e lintenamit Israel.

2 Crónicas 6:6

Ab'an xinsik' ru Jerusalén re naq aran taawanq link'ab'a' ut xinxaqab' laj David chi xjolominkil lintenamit Israel».

2 Crónicas 31:14

Laj Koré, ralal laj Imná, xkomoneb' laj Leví, li na'ilok re li okeb'aal li wank sa' xjayal releb'l saq'e, kikanaak chi xk'ulb'al, rilb'al ut xk'uulankil li mayej na'alaak sa' xch'ooleb' li poyanam xk'eeb'al re li Yos; ut a'an ajwi' li najek'ink re li mayej q'axtesinb'il re li Qaawa' ut li k'a'aq re ru jwal loq'.

Salmos 135:21

Usilaatinanb'il taxaq li Qaawa' chalen toj Sión! A'an nahilank sa' li tenamit Jerusalén. Aleluya!