Esdras 7:10 - Q'eqchi Bible

¹⁰ Xb'aan naq laj Esdras kixk'e xch'ool chi xtzolb'al li xChaq'rab' li Qaawa', chi xk'anjelankil ut chi xk'utb'al chixjunil li raatin ut li xtaqlahom chiruheb' laj Israel.

Li Santil hu

¹⁰ Laj Esdras quixqꞌue xchꞌo̱l chixtzolbal ut chixba̱nunquil li naxye saꞌ li chakꞌrab li qꞌuebil xban li Ka̱cuaꞌ. Ut quixqꞌue ajcuiꞌ xchꞌo̱l chixchꞌolobanquil lix ya̱lal li tzꞌi̱banbil saꞌ li chakꞌrab reheb laj Israel.

Esdras 7:10 ပူးပေါင်းရင်းမြစ်များ

2 Timoteo 4:2

chapuktesi li Aatin, chayal aaq'e chi xb'aanunkil a'in naq tixk'e rib' ut naq ink'a'; chatq'usuq, chak'ehaq xna'leb'eb' ut chawaklesi xch'ooleb' rik'in xnimal aakuyum ut aana'leb'.

San Mateo 7:24

“Jo'kan utan, chixjunil li na'ab'ink reheb' li waatin a'in ut naxk'anjela ru, chanchanaq li winq wank xna'leb' li kikab'lak sa' xb'een pek.

Malaquías 2:7

“Ex aj tij, laa'ex li xtaql li Nimajwal Yos. Leek'anjel laa'ex, a'an xk'utb'al li Chaq'rab' chiruheb' li poyanam, ut chixjunileb' tento te'xsik' eerik'in li chaab'il na'leb'.

San Juan 13:17

Wi nekenaw a'in, us xaq eere wi teeb'aanu chi jo'kan.

Salmos 1:2

neke'xtaw b'an xsahilaleb' xch'ool rik'in xchaq'rab' li Qaawa', neke'xk'oxla rix li raatin ut neke'xtzol chi q'eq ut chi kutan!

Esdras 7:25

“Ut laa'at, Esdras, jo' chanru li choxahil na'leb' k'eeb'il aawe xb'aan laaYos, chaxaqab'eb' aj raqol aatin ut aj tz'iib' li te'taqlanq sa' xb'eeneb' chixjunileb' li tenamit li wankeb' junpak'al li nima' Éwfrates, ut sa' xb'eeneb' chixjunileb' li neke'nawok re li xChaq'rab' laaYos. Ut eb' li ink'a' neke'xnaw li Chaq'rab', taak'ut chiruheb'.

Salmos 19:7

Sa' xmaril li choxa wank li releb'aal ut nokox'elq toj junpak'al chik: maak'a' naru tixmuq rib' chiru li xtiqwal.

Deuteronomio 33:10

Eb' a'an neke'xk'ut laataqlahom chiruheb' li ralal xk'ajol laj Jakob ut laachaq'rab' chiruheb' laj Israel. Neke'xyeechi'i pom chawu laa'at ut neke'mayejak chi chaab'il sa' xb'een laa'artal.

1 Crónicas 29:18

At Qaawa', xYos laj Abrahán, laj Isahak ut laj Israel, laa'at li xyos eb' li qaxe'toonil yuwa', chawil laatenamit re naq junelik wanq sa' xch'ooleb' li na'leb' a'in ut xaqxooqeb' taxaq li xk'a'uxeb' aawik'in.

Salmos 10:17

At Qaawa', laa'at nakawab'i li xtijeb' li neb'a'; laa'at nakak'e xkawub' xch'ooleb' ut nakawileb',

Esdras 7:6

Laj Esdras a'an jun li winq tzolb'il chi us sa' li Chaq'rab' li kik'ehe'k re laj Moisés xb'aan li Qaawa', xYos laj Israel. Li ruq' li Qaawa' li xYos wank sa' xb'een; jo'kan naq chixjunil li k'aru naxpatz', nak'ehe'k re xb'aan li awab'ej. Laj Esdras ki'elk Babilonia ut koho Jerusalén.

Tito 2:1

A'ut laa'at chak'utaq li xk'ulub' tzole'k chirix li chaab'il na'leb'.

Salmos 119:45

Twaj tinb'eeq chi maak'a'aq ink'a'uxl, xb'aan naq nink'e inch'ool chi xsik'b'al laawajom.

Salmos 57:7

Sa' linb'e xe'xk'ehatq inra'lenkil, ut k'ajo' naq xyot'e'k li waanm xb'aaneb'! Xe'xb'ekatq jun li jul chiwu re tint'ane'q, ab'an a' chik eb' a'an xe't'ane'k chisa'!

2 Crónicas 30:22

Naq kiril a'an, laj Esekías kixb'anyoxi reheb' chixjunileb' laj Leví naq ke'xb'aanu chi us li xk'anjel li Qaawa'. Chiru wuqub' kutan ke'xtzeka xmayejil li ninq'e, ke'mayejak re li k'amok ib' sa' usilal rik'in li Yos ut ke'xloq'oni ru li Qaawa', xYos eb' li xxe'toonil yuwa'eb'.

2 Crónicas 19:3

Ab'anan wank li k'aru us xab'aanu, naq xajuk'iheb' li xjalam u lix Aserá sa' li qatenamit, ut xak'e aach'ool chi xsik'b'al li Qaawa' Yos”.

2 Crónicas 12:14

Ab'an kixb'aanu li ink'a' nawulak chiru li Qaawa', xb'aan naq moko yo'oon ta wank li xch'ool re xsik'b'al li Yos.

1 Samuel 7:3

Jo'kan naq laj Samuel kixye reheb' chixjunil laj Israel: “Wi teeraj sutq'iik rik'in li Qaawa' chi anchal eech'ool, isihomaq sa' eeyanq eb' li jalanil yos ut eb' lix Astarté. Q'axtesihomaq eerib' re li Qaawa' ut junes A'an teeloq'oni, ut A'an taakoloq eere sa' ruq'eb' laj Filistea”.

Tito 2:15

Kama' a'an tat-aatinaq, chak'eheb' xna'leb' ut chaq'useb' chi wanq aawankil. Maa'ani chitz'eqtaananq aawe.

1 Timoteo 3:2

Laj ilol re xtenamit li Yos tento naq maak'a'aq xq'usb'al, jun sut ajwi' sumsuuq, tuqtuuq xna'leb', chaab'ilaq xch'ool, tijb'ilaq, aj k'eholaq ochochnaal, seeb'aq xch'ool chi k'utuk,

Hechos 1:1

At Teófilo, sa' li xb'een hu xintz'iib'a chixjunil li kixb'aanu ut kixk'ut li Jesus chalen chaq sa' xtiklajik

Deuteronomio 16:12

Jultikaq aawe naq katwank chaq chi munil aran Ejiipt; jo'kan naq taayal aaq'e chi xpaab'ankil li chaq'rab' a'in.

Apocalipsis 22:14

Us xaq reheb' li neke'xpuch' li raq'eb': chi jo'kan te'ruuq chi tz'aqk rik'in li che' nak'ehok yu'am ut te'ok sa'eb' li rokeb'aal li tenamit.

San Mateo 5:19

Jo'kan utan, li ani taaq'etoq junaq reheb' li chaq'rab' a'in jwal kach'in ut tixk'ut chi jo'kan chiruheb' li tenamit, a'an jwal kach'inaq sa' li xnimajwal wankilal li choxa; a'ut li taapaab'anq re ut tixk'ut, a'an nimaq xloq'al sa' li xnimajwal wankilal li choxa.

Li xHu LAJ JOB 11:13

K'e aach'ool chi xb'aanunkil li tiikilal ut tijon, elajin chiru li Yos.

Esdras 7:11

A'an a'in li tz'iib'anb'il sa' li hu kixq'axtesi li awab'ej Artajerjes re laj Esdras, aj tij ut aj tz'iib' tzolb'il chi us sa' chixjunileb' li xchaq'rab' ut raatin li Qaawa' cho'q re laj Israel:

Salmos 119:112

Nink'e inch'ool chi xpaab'ankil laawajom; a'an linq'ajkamunkil chi junelik.