Esdras 5:11 - Q'eqchi Bible

¹¹ “A'an a'in li xoohe'xsume wi': «Laa'o aj k'anjelo chiru li xYos li choxa. Yooko chi xkab'lankil wi' chik li loq'laj ochoch li kiyiib'aak junxil xb'aan jun xnimal ru awab'ej re Israel.

Li Santil hu

¹¹ Eb aꞌan queꞌxye ke chi joꞌcaꞌin, “La̱o aj cꞌanjel chiru li Dios li kꞌaxal nim xcuanquil joꞌ saꞌ choxa joꞌ saꞌ ruchichꞌochꞌ. Yo̱co cuiꞌchic chixyi̱banquil li templo li quixakaba̱c najter xban jun lix nimal ru rey li quicuan Israel.”

Esdras 5:11 ပူးပေါင်းရင်းမြစ်များ

Gálatas 6:14

A'ut laa'in maajaruj tinnimob'resi wib' injunes, wi ta ink'a' sa' xk'ab'a' li xkrus li Qaawa' Jesukriist. Sa' xk'ab'a' a'an, li ruuchich'och' nakanaak chi tz'eqtaananb'il cho'q we, jo' li k'eeb'il chiru krus; ut jo'kan ajwi' laa'in cho'q re li ruuchich'och'.

Romanos 6:16

Ma ink'a' nekenaw naq wi nekek'e eerib' cho'q moos re xpaab'ankil anihaq, a'an chik taataqlanq sa' eeb'een ut laa'ex tento texpaab'anq chiru? Jo'ka'in nekek'ul laa'ex, us ta nekexk'anjelak chiru li maak li nak'amok sa' li kamk, us ta nekexk'anjelak chiru li Yos li nak'amok sa' li tiikil ch'oolej.

Romanos 1:16

Xb'aan naq ink'a' ninxutaanak chi xpuktesinkil li Chaab'il Esilal; a'an xnimal xwankil li Yos re xkolb'al chixjunileb' li te'paab'anq re: xb'enwa eb' laj Judiiy ut eb' ajwi' laj Griego.

Hechos 27:23

Xb'aan naq chiru li q'oqyink a'in xk'ut rib' chiwu jun li ánjel taqlanb'il chaq xb'aan li Yos li ninloq'oni laa'in ut aj eechal we,

San Lucas 12:8

“Laa'in ninye eere: Yalaq ani taayehoq chiruheb' li tenamit naq naxnaw wu, jo'kan ajwi' li K'ajolb'ej tixye naq naxnaw ru chiruheb' li x'ánjel li Yos.

San Mateo 10:32

“Yalaq ani taayehoq chiruheb' li tenamit naq naxnaw wu, tinye ajwi' laa'in naq ninnaw ru chiru linchoxahil Yuwa'.

Jonás 1:9

Kichaq'ok laj Jonás ut kixye: “Laa'in aj Hebreo, ut ninloq'oni ru li Qaawa', li xYos li choxa, laj Yoob'tesihom re li palaw ut li ruuchich'och'”, chan.

Daniel 3:26

Toja' naq laj Nabukodonosor kijilok chire li xam li k'ajo' xtiqwal ut kixye: “Sidrak, Misak ut Abdénago, aj k'anjelex chiru li Nimajwal Yos, elenqex chaq ut kimqex arin”. Ut eb' a'an ke'elk chaq sa' li xam.

Salmos 119:46

Tinch'olob' xyaalal laachaq'rab' chiruheb' li awab'ej, ut ink'a' tinkanaaq sa' xutaan.

Josué 24:15

A'ut wi ink'a' naxk'ul eech'ool k'anjelak chiru li Qaawa', sik'omaq ru anaqwan ani chi aj u teeraj k'anjelak: ma li xyoseb' leexe'toonil yuwa' li ke'xloq'oni chaq chire li nima' Éwfrates, malaj chiru li xyoseb' laj Amor b'arwi' wankex anaqwan. Laa'in ut linjunkab'al took'anjelaq chiru li Qaawa'”, chan laj Josué.

1 Reyes 6:38

Ut sa' li xjunlaju chihab' rokik chi awab'ejil, chiru li po Bul, a' li xwaqxaq xpohil li chihab', kichoymank li kab'lak rik'in chixjunil li kik'uub'amank xyiib'ankil. Chiru wuqub' chihab' laj Salomón kixyiib' li rochoch li Qaawa'.

Esdras 5:10

Xqapatz' ajwi' reheb' li xk'ab'a'eb' re xyeeb'al aawe ut xq'axtesinkil chi tz'iib'anb'il li xk'ab'a'eb' li yookeb' chi jolomink reheb'.

Salmos 136:26

Chexyoxinq chiru li Qaawa', li xYos li choxa, li xnimal xrahom wank chi junelik!

Génesis 24:3

Nawaj taaye rik'in jurament sa' xk'ab'a' li Qaawa', li xYos li choxa, naq ink'a' taasik' junaq ixq cho'q rixaqil li walal sa' xyanqeb' li xrab'in aj Kanahán, li tenamit wankin wi';

1 Reyes 9:10

Kinume'k junmay chihab' xkab'lankil li wiib' chi ochoch, a' li rochoch li Qaawa' ut li rochoch li awab'ej.