Esdras 5:1 - Q'eqchi Bible

¹ Eb' li propeet Hageo ut Sakarías, ralal laj Idó, ke'xtikib' xyeeb'al reheb' laj Judiiy aj Judá ut aj Jerusalén li k'aru yeeb'il reheb' xb'aan li xYos laj Israel aj k'aak'alehom reheb'.

Li Santil hu

¹ Li profeta Hageo ut li profeta Zacarías li ralal laj Iddo queꞌxye reheb laj judío li cuanqueb Judá joꞌqueb ajcuiꞌ li cuanqueb Jerusalén li cꞌaꞌru quiyeheꞌ reheb xban li Ka̱cuaꞌ, lix Dioseb laj Israel li natenkꞌan reheb.

Esdras 5:1 ပူးပေါင်းရင်းမြစ်များ

Hageo 1:1

Ak wiib' chihab' rokik cho'q awab'ej laj Darío, sa' li xb'een kutan re li xwaq po, li Qaawa' ki'aatinak chi xtz'uumal re laj Hageo rik'in laj Sorobabel, ralal laj Salatiel, aj jolominel re Judá, ut rik'in laj Josué, ralal laj Josadak, xyuwa'il aj tij.

Miqueas 5:4

Li awab'ej tixb'eresi li xtenamit rik'in li xwankil ut xloq'al li Qaawa', li xYos. Ut chaab'il chik te'wanq, xb'aan naq li Qaawa' sut-nimanb'ilaq ru, toj sa' xmaril li ruuchich'och'.

Esdras 4:24

Jo'kan naq kikanab'aak xkab'lankil li rochoch li Yos aran Jerusalén, ut kixaqliik li k'anjel toj sa' li xkab' chihab' rokik laj Darío cho'q awab'ej re Persia.

Esdras 6:14

Jo'kan naq eb' laj k'amol xb'eheb' laj Judiiy ke'ok wi' chik chi kab'lak ut us ki'elk li xk'anjeleb', jo' chanru xyehom li propeet Hageo ut laj Sakarías, ralal laj Idó. Ut ke'xchoy li kab'lak jo' chanru kixtaqla li xYos laj Israel jo' ajwi' laj Siro ut laj Darío.

Hageo 2:18

K'ehomaq reetal anaqwan: sa' li kutan a'in, kaahib' xka'k'aal xb'e li po, laa'ex xek'ojob' rub'elankil li xsantil ochoch li Qaawa'.

Zacarías 8:9

“Jo'ka'in naxye li Nimajwal Yos: Kawaq leech'ool, laa'ex li xex'ab'ink re eb' li aatin a'in rik'ineb' li propeet, chalen naq kik'ojob'aak li rub'elankil li rochoch li Nimajwal Yos.