Esdras 4:9 - Q'eqchi Bible

⁹ A'an a'in li hu kixtaqla laj Rejún aj jolominel, jo'wi' laj Sinsay aj tz'iib' ut eb' li rochb'een, a'eb' laj raqol aatin, eb' laj jolominel ut eb' li ninqeb' xwankil sa' xteepal Persia, Erek, Babilonia ut Susa, aj Elameb',

Li Santil hu

⁹ Saꞌ li cutan aꞌan queꞌtzꞌi̱bac laj Rehum ut laj Simsai laj tzꞌi̱b rochbeneb laj rakol a̱tin joꞌqueb ajcuiꞌ li nequeꞌtaklan saꞌ xbe̱neb laj Persia, eb laj Erec, eb laj Babilonia ut eb laj Susa, laj elamita.

Esdras 4:9 ပူးပေါင်းရင်းမြစ်များ

Esdras 6:6

Toja' naq li awab'ej Darío kixsumeheb' laj Tatenay, li nataqlank sa' xb'eeneb' li tenamit wankeb' junpak'al li nima' Éwfrates, laj Setar-Bosnay ut eb' li rochb'een li ninqeb' xwankil aran; kixye reheb' chi jo'ka'in: “Elenqex aran Jerusalén

Esdras 5:6

A'an a'in li tz'iib'anb'il sa' li hu kitaqlaak rik'in li awab'ej Darío xb'aan laj Tatenay, li nataqlank sa' xb'eeneb' li tenamit wankeb' junpak'al li nima' Éwfrates, jo' ajwi' xb'aan laj Setar-Bosnay ut eb' li rochb'een, a'eb' laj jolominel li wankeb' sa'eb' li tenamit junpak'al li nima' Éwfrates.

2 Reyes 17:24

Li awab'ej re Asiria kixk'ameb' chaq laj Babilonia, laj Kutá, aj Abá, laj Jamat ut eb' aj Separbáhin, ut kixk'eheb' xna'aj sa' li tenamit Samaria, ke'wank wi' eb' laj Israel. Jo'kan naq ke'reechani Samaria ut ke'kanaak sa' li xna'ajeb' laj Israel.

Hechos 2:9

Wankeb' sa' qayanq aj Paart, aj Media, aj Elam, aj Mesopotamia, aj Judea, aj Kapadocia, aj Ponto, aj Asia,

Daniel 8:2

Kinmatk'e naq wankin aran Susa, li xnimal tenamit sa' xteepal Elam, chire li nima' Ulay.

Ezequiel 32:24

“Arin ajwi' wank Elam, rochb'een chixjunileb' laj puub', chi xsutam li xmuqleb'aal. Chixjunileb' a'an xe'kamk chaq sa' li raaxiik', chixjunileb' xe'kamsiik chaq chi ch'iich' ut xe'muqe'k sa' xna'ajeb' li kamenaq, chi ink'a' xe'xpaab' li Yos. Xe'roksi xxiweb' li yo'yookeb', ab'an anaqwan wankeb' chi maak'a'eb' xloq'al, sa' xyanqeb' li xe'q'ajk xe'sutq'iik.

Jeremías 49:34

A'aneb' a'in li aatin kixye li Qaawa' re laj Jeremías chirix li rahilal tixk'ul Elam, naq laj Sedesías kixtikib' awab'ejink sa' xb'eeneb' laj Judá.

Jeremías 25:25

chixjunileb' li awab'ej re Simrí, eb' li awab'ej re Elam ut chixjunileb' laj Media;

Isaías 21:2

Q'axal xiwajel rilb'al li moy u xk'utb'esiik chiwu: laj b'alaq' naxyal xq'e chi b'alaq'ik ut laj sachonel yo chi sachok. Ayuqex chi yalok, ex aj Elam! Sutomaq li tenamit, ex aj Media! Maak'a' chik ilok toq'ob'aal u anaqwan.

Ester 2:3

Li awab'ej xxaqab'aqeb' li te'xb'eeni chixjunileb' li tenamit li wankeb' rub'el xwankil, re te'xk'ameb' chaq arin Susa, sa' rochocheb' li ixq, chixjunileb' li tuq'ixq jwal ch'ina'useb' ut toj maji' muxb'ileb', ut te'ch'oolaniiq xb'aan li winq aj k'anjel chiru laj Asuero ut aj k'aak'alenel reheb' li ixq. Ut a'an taak'ehoq reheb' li k'aru aajel ru re te'xtiqib' rib' chi chaab'il.

Ester 1:2

ut kiwank chi awab'ejink sa' li tenamit Susa.

Génesis 10:22

Eb' li ralal xk'ajol laj Sem a'aneb' a'in: laj Elam, laj Asur, laj Arpaxad, laj Lud ut laj Aram.

Esdras 4:8

Laj Rejún aj jolominel ut laj Sinsay aj tz'iib' ke'xtz'iib'a xhu li awab'ej Artajerjes re xjitb'aleb' laj Jerusalén.

Nehemías 4:2

ut xyeeb'al chiruheb' li xkomon jo'wi' chiruheb' laj puub' re Samaria: “K'aru te'raj xb'aanunkil eb' aj Judiiy a'an li maak'a'eb' xmetz'ew? Ma te'xchoy tab'i' xyiib'ankil li tz'ak ut xyeechi'inkil xmayejeb' chiru jun kutan? Ma te'xyoob'tesi tab'i' eb' li k'atb'il pek a'an li wankeb' sa' jun tuub' chi juk'inb'il ochoch?”.

Esdras 5:3

Sa'eb' li kutan a'an laj Tatenay, li nataqlank sa' xb'eeneb' li tenamit wankeb' junpak'al li nima' Éwfrates, laj Setar-Bosnay ut eb' li rochb'een ke'chalk rik'ineb' ut ke'xpatz' reheb': “Ani xyehok eere naq teekab'la li ochoch a'in ut teewaklesi eb' li tz'ak a'in?