Esdras 4:6 - Q'eqchi Bible

⁶ Sa' xtiklajik li x'awab'ejihom laj Jerjes ke'xtz'iib'a jun li hu re xjitb'aleb' laj Judá ut eb' laj Jerusalén.

Li Santil hu

⁶ Saꞌ eb li cutan nak laj Asuero qui-oc chokꞌ rey, queꞌtzꞌi̱bac riqꞌuin re xjitbaleb li cuanqueb Judá ut li cuanqueb Jerusalén.

Esdras 4:6 ပူးပေါင်းရင်းမြစ်များ

Daniel 9:1

“Sa' li xb'een xchihab' chi awab'ejink laj Darío, ralal laj Asuero, aj Media, sa' xb'eeneb' laj Kaldeha,

Ester 1:1

A'in kik'ulmank chiru xyu'am laj Asuero naq kitaqlank cho'q awab'ej sa' xb'een wuqub' xwuqk'aal (127) teep chi tenamit chalen chaq sa' xteepal India toj Etiopía

Apocalipsis 12:10

Toja' naq kiwab'i jun xyaab' kuxej sa' choxa, kaw yo chi xyeeb'al: “Anaqwan ak xk'ulunk li kolb'a ib', li xnimal xloq'al ut li x'awab'ejihom li qaYos ut li xwankilal li xKriist, xb'aan naq xkute'k chaq taq'a laj jitol reheb' li qiitz'in, a' li najitok reheb' chiru li qaYos chi q'eq ut chi kutan.

Hechos 25:7

Ka'ajwi' kol'elq li apóstol, kisute'k xb'aaneb' laj Judiiy li ke'chalk Jerusalén. Xiikil ut q'axal ra li ke'xyoob' chirix, ab'an ink'a' ke'ruhank chi xk'utb'al naq yaal.

Hechos 24:13

Eb' a'in ink'a' te'ruuq chi xk'utb'al chawu naq yaal li k'aru nikine'xjit wi' anaqwan.

San Mateo 27:37

Sa' xb'een xjolom ke'xk'e chi tz'iib'anb'il li xyaalalil k'a'ut naq kiteneb'aak kamk sa' xb'een: “A'an a'in li Jesus, li xReyeb' laj Judiiy”.

Esdras 4:5

Ke'xtumina ruheb' laj taqlanel re naq taapo'q ru li xk'anjeleb' laj Judá, ut relik chi yaal ke'xrameb' chalen sa'eb' li kutan naq kiwank laj Siro cho'q awab'ej re Persia toj sa' li x'awab'ejihom laj Darío, awab'ej re Persia.

Ester 1:10

Sa' xwuq li kutan naq li awab'ej yo xkalajik, kixtaqla xb'oqb'al laj Mehumán, laj Bisetá, laj Jarboná, laj Biktá, laj Abaktá, laj Setar ut laj Karkás, eb' li wuqub' chi winq li wankeb' chi k'anjelak sa' rochoch laj Asuero.

Génesis 26:21

Jun chik xjulel li ha' ke'xb'ek, ut kiwank wi' chik pleet chirix a'an: jo'kan naq Sitná kixk'ab'a'in.

Ester 2:16

Kik'ame'k lix Ester wan wi' laj Asuero li awab'ej, chiru li xlaje po, Tébet nayeemank re, ak wuqub' chihab' chik rokik chi awab'ejink.

Ester 3:8

Toja' naq laj Amán kixye re laj Asuero li awab'ej: “Sa' xyanqeb' chixjunil li tenamit li wankeb' sa' laa'awab'ejihom, wank jun tenamit li jalan wi' chiruheb' li junch'oleb' chik, jalan wi' li xchaq'rab'eb', ut ink'a' neke'xpaab' laachaq'rab' laa'at, at awab'ej. Moko us ta cho'q aawe naq wanqeb' li tenamit a'an sa' laa'awab'ejihom.

Daniel 11:2

Ut anaqwan tinye aawe li xyaalalil: «Aran Persia toj toxwanq oxib' chik li awab'ej, ut li xka awab'ej q'axal b'ihomaq chiruheb' li oxib'. Ut naq ak xnimank li xwankilal sa' xk'ab'a' li xb'ihomal, tixchiq' xjosq'ileb' chixjunileb' li poyanam re yalok rik'ineb' laj Grecia.