Esdras 4:2 - Q'eqchi Bible

² ke'wulak rik'in laj Sorobabel, laj Josué ut rik'ineb' li xjolomileb' junkab'al, ut ke'xye reheb': “Texqatenq'a chi kab'lak, xb'aan naq laa'o ajwi' naqasik' leeYos ut nokoomayejak chiru, jo' nekeb'aanu laa'ex, chalen sa'eb' li kutan naq kiwank cho'q awab'ej re Asiria laj Asaradón, li kik'amok chaq qe arin”.

Li Santil hu

² Queꞌcuulac riqꞌuin laj Zorobabel ut riqꞌuineb li nequeꞌjolomin re li junju̱nk cabal ut queꞌxye reheb: —Cheqꞌue ta kalese̱ns re texkatenkꞌa chi cablac xban nak la̱o nakaqꞌue ajcuiꞌ xlokꞌal le̱ Dios ut nocomayejac chiru chalen saꞌ eb li cutan nak laj Esar-hadón cuan chokꞌ rey aran Asiria, li quitaklan chak ke arin, chanqueb.

Esdras 4:2 ပူးပေါင်းရင်းမြစ်များ

2 Reyes 19:37

Ut naq wiq'wo chi loq'onink sa' rochoch li yos Nisrok, ke'wulak laj Adramélek ut laj Saréser, li ralaleb', ut ke'xkamsi chi ch'iich'. Tikto ke'elelik ut koheb' sa' li tenamit Ararat chi xkolb'al rib'eb'; ut a' chik laj Asaradón, li ralal, kikanaak chi awab'ejink sa' xna'aj.

2 Reyes 17:24

Li awab'ej re Asiria kixk'ameb' chaq laj Babilonia, laj Kutá, aj Abá, laj Jamat ut eb' aj Separbáhin, ut kixk'eheb' xna'aj sa' li tenamit Samaria, ke'wank wi' eb' laj Israel. Jo'kan naq ke'reechani Samaria ut ke'kanaak sa' li xna'ajeb' laj Israel.

2 Timoteo 3:8

Jo' naq laj Jannés ut laj Jambrés ke'raj raj numtaak sa' xb'een laj Moisés, jo'kaneb' ajwi' a'an ink'a' neke'xk'ulub'an li yaal, q'aajenaqeb' li xk'a'uxl, ut li xpaab'aaleb' maak'a' na'ok wi'.

Gálatas 2:4

Wankeb' ke'xch'ik rib'eb' sa' qayanq ut neke'xye rib' naq qas qiitz'ineb', a'aneb' li ke'ok chi muqmu re xk'eeb'al reetal li xnimal usilal wanko wi' sa' xk'ab'a' li Kristo Jesus, re raj qak'eeb'al rub'el xwankil li Chaq'rab'.

Oseas 14:3

Eb' laj Asiria ink'a' naru nokoohe'xkol, chi moko too'eleliq chirixeb' li kawaay; ink'a' chik tqaye «At qaYos» re li xqak'uub' rik'in quq', xb'aan naq ka'ajwi' aawik'in, at Qaawa', naxtaw ruxtaanankil ru li neb'a'yox”.

Isaías 37:37

Toja' naq laj Senakerib, awab'ej re Asiria, kixmoch eb' li xmuheb'aal ut kisutq'iik sa' li tenamit Nínive, ut aran kikanaak.

Salmos 73:8

Neke'se'ek sa' xch'ooleb' ut yib'ru neke'aatinak; q'axal neke'xq'etq'eti rib' naq neke'raj xyoob'ankil raaxiik'.

Esdras 3:12

Naab'aleb' laj tij, laj Leví ut xjolomileb' junkab'al li ak tiixeb' xb'aan naq ak rilomeb' chaq li xb'een rochoch li Yos junxil, anaqwan japjookeb' re chi yaab'ak naq yookeb' chi rilb'al chanru yo chi ok li rub'elankil li x'ak' ochoch li Qaawa'. Ab'anan wankeb' ajwi' li japjookeb' re xb'aan xsahil xch'ooleb'.

Esdras 3:2

Toja' naq laj Josué, ralal laj Josadak, rochb'eeneb' laj tij jo'wi' laj Sorobabel, ralal laj Sehaltiel, ut eb' li rech'alal, ke'ok chi xyiib'ankil li x'artal li xYos laj Israel, re te'xmayeja li k'atb'il yeechi'om, jo' tz'iib'anb'il sa' li xChaq'rab' laj Moisés, li xtaql li Yos.

Esdras 2:2

Ke'sutq'iik chaq rochb'een laj Sorobabel, laj Josué, laj Nehemías, laj Seraías, laj Rehelaías, laj Najamaní, laj Mardokeo, laj Bilsán, laj Mispar, laj Bikbay, laj Rejún ut laj Bahaná.

Esdras 1:5

Toja' naq li xjolomileb' li junqkab'al aj Judá ut aj Benjamín, eb' laj tij, eb' laj Leví ut jo'k'ihaleb' ke'toch'e'k xch'ool xb'aan li Yos, ke'xchap xb'eheb' re xik Jerusalén chi xkab'lankil li rochoch li Qaawa'.

2 Reyes 17:41

Eb' li tenamit a'an neke'xloq'oni ru li Qaawa', ab'an neke'xk'anjela ajwi' ru li jalanil yos. Toj anaqwan ajwi' eb' li ri xmameb' li ralal xk'ajol neke'xb'aanu jo' li xmama' rixa'aneb'.

Génesis 10:11

Sa'eb' li na'ajej a'an kichalk chaq laj Asur, li kik'ojob'ank re li tenamit Nínive, Rehobot-Ir, Kálaj

Nehemías 9:32

“Jo'kan utan, at Qaawa', at qaYos nim aawankil ut xiwajel aawu, li junelik nakapaab' li sumwank ut laarahom, k'e reetal chixjunileb' li rahilal ke'chalk sa' qab'een, sa' xb'eeneb' li qa'awab'ej ut eb' laj k'amol qab'e, eb' laj tij ut eb' li propeet, sa' xb'eeneb' li qana' qayuwa' ut chixjunil li qatenamit, chalen sa'eb' li kutan naq ke'wank li awab'ej re Asiria toj anaqwan.

Isaías 37:38

Ut naq wiq'wo chi loq'onink sa' rochoch li yos Nisrok, ke'wulak laj Adramélek ut laj Saréser, li ralaleb', ut ke'xkamsi chi ch'iich'. Tikto ke'elelik ut koheb' sa' li tenamit Ararat chi xkolb'aleb' rib'; ut a' chik laj Asaradón, li ralal, kikanaak chi awab'ejink sa' xna'aj.