Esdras 4:19 - Q'eqchi Bible

¹⁹ Xintaqla xtz'ilinkil rix ut xtawmank naq relik chi yaal li tenamit a'an chalen chaq junxil naxq'etq'eti rib' chiruheb' li awab'ej ut naxyoob' poqoqij ib' ut mululij ib'.

Li Santil hu

¹⁹ Ut xinqꞌue li chakꞌrab nak teꞌxsicꞌ saꞌ li hu joꞌ xeye. Xkatau nak najter li tenamit aꞌan aj kꞌetoleb a̱tin. Queꞌxkꞌet li ra̱tineb li rey ut queꞌnumta saꞌ xbe̱neb.

Esdras 4:19 ပူးပေါင်းရင်းမြစ်များ

Proverbios 25:2

Xloq'al li Yos, a'an xk'uulankil li xk'a'uxl; ab'an xloq'al li winq xtawb'al ru li k'aru muqmu.

2 Reyes 18:7

Junelik ki'ochb'eeniik ut kitenq'aak xb'aan li Qaawa'; jo'kan naq jwal us ki'elk sa' chixjunil li kixb'aanu. Laj Esekías kiq'etq'eto'k chiru li awab'ej re Asiria ut ink'a' kiraj wank rub'el xwankil a'an.

Esdras 5:17

“Jo'kan utan, wi naxk'ul aawu, at awab'ej, naqatz'aama chawu naq chataqla xtz'ilinkil rix a'in sa'eb' li tasb'il hu reheb' li awab'ej re Babilonia, ma yaal naq li awab'ej Siro kixtaqla xkab'lankil wi' chik li rochoch li Yos arin Jerusalén malaj ut ink'a'. Ut chakuy qamaak, chataqla chaq resil li k'aru xak'uub' xb'aanunkil chirix li na'leb' a'in”.

Esdras 4:15

re naq taatz'il rix sa' xhuheb' laaxe'toon ut aran taak'e reetal ut taataw ru naq li tenamit Jerusalén a'an jun tenamit aj q'etol aatin, li nayoob'ank xch'a'ajkilal eb' li awab'ej ut chixjunileb' li na'ajej, ut junelik yo chi po'ok ch'oolej chalen chaq junxil. Xb'aan a'an kisache'k li tenamit a'an.

2 Reyes 24:20

A'in kik'ulmank xb'aan naq li Qaawa' kijosq'o'k rik'ineb' laj Jerusalén ut eb' laj Judá, toj reetal kirisiheb' sa' xnaq' ru chi junajwa. Chirix chik a'an laj Sedesías kixq'etq'eti rib' chiru li awab'ej re Babilonia.

Deuteronomio 13:14

laa'at tento tatpatz'inq, taatz'il rix ut tatpatz'oq sa' xyaalal. Ut wi a'an yaal, wi wank k'aru nak'utunk wi' naq sa' eeyanq xb'aanumank li yib' aj na'leb' a'an,

Esdras 4:18

Li hu xetaqla chaq ak xyaab'asimank xsa' chiwu laa'in.

Esdras 4:20

Aran Jerusalén wanjenaqeb' awab'ej q'axal ninqeb' xwankil: ke'taqlank sa'eb' li na'ajej junpak'al li nima' Éwfrates ut ki'uxk li tojok chiruheb', li kub'siil ut li xtojb'al li b'e.