Esdras 4:15 - Q'eqchi Bible

¹⁵ re naq taatz'il rix sa' xhuheb' laaxe'toon ut aran taak'e reetal ut taataw ru naq li tenamit Jerusalén a'an jun tenamit aj q'etol aatin, li nayoob'ank xch'a'ajkilal eb' li awab'ej ut chixjunileb' li na'ajej, ut junelik yo chi po'ok ch'oolej chalen chaq junxil. Xb'aan a'an kisache'k li tenamit a'an.

Li Santil hu

¹⁵ Naru ta̱sicꞌ saꞌ eb li hu li xocbil a̱ban, li tzꞌi̱banbil cuiꞌ retalil li cꞌaꞌru quicꞌulman chiruheb la̱ xeꞌto̱nil yucuaꞌ. Ta̱cuil saꞌ li hu aꞌan nak li tenamit Jerusalén, aꞌan jun tenamit aj kꞌetol a̱tin ut incꞌaꞌ useb xnaꞌleb. Chꞌaꞌaj chokꞌ a̱cue la̱at ut chokꞌ reheb li tenamit. Xban nak incꞌaꞌ useb xnaꞌleb, joꞌcan nak quisacheꞌ ruheb junxil.

Esdras 4:15 ပူးပေါင်းရင်းမြစ်များ

Esdras 4:12

“Naqak'e chanaw naq eb' laj Judiiy taqlanb'ileb' chaq aab'aan sa' li na'ajej wanko wi' ke'wulak Jerusalén ut yookeb' chi xwaklesinkil wi' chik li tenamit a'an yib'ru xna'leb' ut aj q'etol aatin. Ak xe'xk'e li rub'elankil ut yookeb' chi xwaklesinkil li xsuttz'akil.

Nehemías 6:6

b'arwi' tz'iib'anb'il chi jo'ka'in: “X'ab'imank xyeeb'al sa' xyanqeb' li tenamit naq laa'at ut eb' laj Judiiy yookex xwaklesinkil li suttz'ak jo'wi' xk'uub'ankil risinkil eerib' rub'el xwankil li awab'ej. Taawaj ajwi' xxaqab'ankil aawib' cho'q awab'ej. Ut laj Kesen xye naq yaal chixjunil a'in.

Nehemías 2:19

Naq laj Sanbalat aj Jorón, laj Tobías aj Amón, ut laj Kesen aj Arabia ke'rab'i resil a'in, ke'xtikib' qase'enkil ut qatz'eqtaanankil; ke'xye: “K'aru ok eere chi xb'aanunkil? Ma teeraj xq'etq'etinkil eerib' chiru li awab'ej?”, chankeb'.

2 Reyes 25:4

Toja' naq eb' laj Jerusalén ke'xhop li xsuttz'akul li tenamit ut, us ta sutsu chi us Jerusalén xb'aaneb' laj Kaldeha, ki'elelik li awab'ej chiru li q'oqyink, rochb'een chixjunileb' laj puub'. Ke'elk sa' li okeb'aal wank sa' xyanqeb' li tz'ak, koheb' sa' li xna'aj rawimq li awab'ej ut ke'xchap xb'e re xik Arabá.

2 Reyes 24:20

A'in kik'ulmank xb'aan naq li Qaawa' kijosq'o'k rik'ineb' laj Jerusalén ut eb' laj Judá, toj reetal kirisiheb' sa' xnaq' ru chi junajwa. Chirix chik a'an laj Sedesías kixq'etq'eti rib' chiru li awab'ej re Babilonia.

Esdras 4:14

Laa'o aj k'anjelo chawu, at awab'ej, ut ink'a' naxk'ul qu naq taasache'q aaloq'al chi kama' a'an. Naqaye resil aawe li k'aru yo chi k'ulmank,

Esdras 4:16

At awab'ej, laa'o naqak'e chanaw a'in: wi te'xyiib' wi' chik li tenamit a'an ut te'xwaklesi li xsuttz'akil, chi seeb' maak'a'aq chik aach'och' arin junpak'al li nima' Éwfrates”.

Ester 2:23

Li aatin a'in kitz'ilmank rix chi us ut koxtawmanq naq yaal li kiyeemank. Jo'kan naq eb' li wiib' aj k'anjel a'n ke't'uyub'aak chiru che' re xkamsinkileb'. Ut chixjunil a'in kitz'iib'aak chiru ajwi' li awab'ej sa' xhuhil xyehom ut xb'aanuhom eb' li awab'ej re Persia.