Esdras 4:1 - Q'eqchi Bible

¹ Naq eb' li xik' neke'ilok reheb' laj Judá ut eb' laj Benjamín ke'xnaw naq eb' li ke'sutq'iik wi' chik Jerusalén yookeb' xkab'lankil jun rochoch li Qaawa', xYos laj Israel,

Li Santil hu

¹ Eb li xicꞌ nequeꞌiloc reheb li ralal xcꞌajol laj Judá ut eb li ralal xcꞌajol laj Benjamín, queꞌrabi resil nak eb aꞌan, li queꞌchapeꞌ ut queꞌcꞌameꞌ chi najt, queꞌsukꞌi cuiꞌchic Jerusalén ut yo̱queb chixyi̱banquil lix templo li Ka̱cuaꞌ lix Dioseb laj Israel.

Esdras 4:1 ပူးပေါင်းရင်းမြစ်များ

Esdras 1:11

Chixjunil li k'a' re ru yiib'anb'il rik'in plaat ut oor, a'an a'in: oob' mil rik'in jun o'q'ob' (5,400). Chixjunil a'in kik'ame'k Jerusalén xb'aan laj Sesbasar naq ki'elk Babilonia rochb'eeneb' li wanjenaqeb' aran chi preexil.

1 Corintios 16:9

xb'aan naq xteemank chiwu jun nimla okeb'aal re naq taa'uuchinq aran link'anjel, us ta naab'aleb' li xik' neke'ilok we.

Daniel 9:25

Ab'i li yookin xyeeb'al aawe ut chatawaq ru: Chalen naq x'elk li chaq'rab' re xwaklesinkil wi' chik Jerusalén toj taawulaq xkutankil li xk'ulunik laj jolominel sik'b'il ru, tento taanume'q wuqub' xamaan. Chirix chik a'an te'yiib'amanq wi' chik eb' li b'e jo'wi' eb' li tz'ak chiru wiib' xkaak'aal xamaan; ab'anan q'axal rahaq xnumsinkileb' li kutan a'an.

Daniel 5:13

Chi junpaat laj Daniel kik'ame'k wan wi' li awab'ej, ut a'in kixye re: “Ma laa'at laj Daniel, jun reheb' li ke'k'ame'k chaq xb'aan linyuwa' sa' li tenamit Judá?

Esdras 10:7

Ut kipuktesimank jun li esil sa' xteepal Judá ut Jerusalén cho'q reheb' chixjunileb' li ke'sutq'iik chaq, re naq te'xch'utub' rib'eb' Jerusalén.

Esdras 7:9

Kixxaqab' xkutankil li relik aran Babilonia sa' li xb'een kutan re li xb'een po, ut kiwulak Jerusalén sa' li xb'een kutan re li ro' po. Relik chi yaal naq li ruq' li Yos wank sa' xb'een.

Esdras 6:16

Eb' laj Israel, eb' laj tij, eb' laj Leví ut li junch'ol chik li ke'sutq'iik wi' chik Jerusalén ke'xninq'ehi chi saheb' sa' xch'ool li xq'axtesinkil sa' ruq' li Yos li loq'laj ochoch a'in.

Esdras 3:13

Ink'a' nak'utunk aniheb' li neke'b'ichank xb'aan xsahil xch'ooleb' ut aniheb' neke'yaab'ak, xb'aan naq chajchookeb' re chixjunileb' ut li xyaab' xkuxeb' na'ab'imank toj chi nait.