Esdras 3:7 - Q'eqchi Bible

⁷ Ke'xk'e xtumineb' laj sik'ol pek ut eb' laj peech'. Ke'k'ehe'k ajwi' xwa ruk'a' ut x'aseeyt eb' laj Sidón ut eb' laj Tiro, re naq chiru palaw te'xtaqla chaq Jope li chaab'il yaw re Líbano, jo' kiyehe'k reheb' xb'aan laj Siro, awab'ej re Persia.

Li Santil hu

⁷ Queꞌtojeꞌ laj tzꞌac ut eb laj pechꞌ. Ut queꞌqꞌueheꞌ ajcuiꞌ xcua rucꞌa ut x-aceite eb laj Tiro ut eb laj Sidón re nak teꞌxcꞌam chak li cha̱bil cheꞌ chacalteꞌ li cuan Líbano. Teꞌxcꞌam chak Jope chiru li palau joꞌ quiyeheꞌ reheb xban laj Ciro lix reyeb laj Persia.

Esdras 3:7 ပူးပေါင်းရင်းမြစ်များ

1 Reyes 5:6

Nintz'aama usilal chawu naq taataqlaheb' aran Líbano li te'xyok' li ninqi che' yaw. Eb' laj k'anjel chiwu te'xik rochb'eeneb' laj k'anjel chawu laa'at. Tintojeb' jo'nimal li taapatz' we, xb'aan naq nakanaw naq maak'a'eb' sa' qayanq li neke'yok'ok che' jo'eb' laj Sidón”.

Hechos 12:20

K'ajo' xjosq'il laj Herodes sa' xb'eeneb' laj Tiro ut laj Sidón. Jo'kan naq eb' a'an ke'xq'unb'es laj Blasto, xnimal ru aj k'anjel chiru li awab'ej, ut sa' junajil ke'chalk rik'in laj Herodes, yookeb' chi xtz'aamankil li tuqtuukilal xb'aan naq sa' xch'och' li awab'ej na'elk li xtzekemqeb'.

Hechos 9:36

Kiwank aran Jope jun li ixq aj paab'anel, xTabitá xk'ab'a' (chi jalb'il ru naraj naxye: “Ch'ina Yuk”). A'an naxb'aanu naab'al li usilal ut k'ajo' li lemoox naxk'e.

Jonás 1:3

Ab'anan laj Jonás kixkawresi rib' re elelik chiru li Qaawa' ut koho Jope, ut aran kixtaw jun li jukub' xik xik re Tarsis. Kixtoj li xxikik ut ki'ok chisa' re wulak Tarsis, najt rik'in li Qaawa'.

Ezequiel 27:17

Jo'kaneb' ajwi' laj Israel ut eb' laj Judá, naq neke'loq'ok aawik'in, nakate'xtoj rik'in li triiw re Minit, li k'uluj, li xya'al kab', li aseeyt ut li sununkil b'an.

Hechos 9:38

Lida nach' wank rik'in Jope ut, naq eb' laj paab'anel ke'rab'i resil naq laj Pedro wank aran, ke'xtaqla wiib' chi winq re xb'oqb'al: “Chalqat chi junpaat qik'in”, chankeb' re.

Hechos 9:43

Laj Pedro naab'al kutan kikanaak aran Jope sa' rochoch jun li winq, aj Simón xk'ab'a', aj chiqol tz'uum.

2 Samuel 5:11

Laj Jirán, awab'ej re Tiro, kixtaqlaheb' aj esil rik'in laj David; kixtaqlaheb' ajwi' aj peech' ut aj tz'ak, ke'xk'am chaab'il che', yaw xk'ab'a', ut ke'xyiib' li rochoch laj David.

Esdras 3:6

Chalen sa' li xb'een kutan re li xwuq li po ke'xtikib' xyeechi'inkil li k'atb'il mayej re li Qaawa', us ta toj maji' na'ub'elamank li rochoch li Yos.

2 Reyes 12:10

Naq neke'ril naq nujenaq chik li ch'ina xokleb'aal tumin, laj tz'iib' xaqab'anb'il xb'aan li awab'ej rochb'een li xyuwa'il aj tij neke'xik chi xxokb'al, neke'rajla ut neke'xk'uula jo'nimal li namayejaak sa' rochoch li Qaawa'.

2 Reyes 12:13

Ab'anan, chiru li tumin namayejamank sa' rochoch li Yos, ink'a' nayiib'amank uk'leb' sek', ch'iich', xna'aj ru xam, tronpeet, malaj k'a'aq chik ru li naru xyiib'ankil rik'in q'an malaj plaat;

2 Crónicas 34:10

Chirix chik a'an ke'xq'axtesi li tumin reheb' laj jolominel k'anjel, a'eb' laj ilol re li rochoch li Yos, re xtojb'aleb' li yookeb' chi xyiib'ankil ut xchaab'ilob'resinkil li loq'laj ochoch.