Esdras 3:13 - Q'eqchi Bible

¹³ Ink'a' nak'utunk aniheb' li neke'b'ichank xb'aan xsahil xch'ooleb' ut aniheb' neke'yaab'ak, xb'aan naq chajchookeb' re chixjunileb' ut li xyaab' xkuxeb' na'ab'imank toj chi nait.

Li Santil hu

¹³ Chi najt qui-abi̱c chak lix ya̱beb, ut incꞌaꞌ quicꞌutun chiruheb li tenamit aniheb li yo̱queb chixjapbal reheb xban xsahil xchꞌo̱leb ut aniheb li yo̱queb chi ya̱bac.

Esdras 3:13 ပူးပေါင်းရင်းမြစ်များ

1 Samuel 4:5

Naq li xLoq'laj Kaaxil li xSumwank li Qaawa' kiwulak wankeb' wi' eb' laj Israel, k'ajo' naq ke'saho'k sa' xch'ool chixjunileb'! Ke'xchaj reheb' chi kaw ut ki'eek'ank li ch'och' xb'aaneb'.

Zacarías 4:7

Anihat laa'at, at xnimal tzuul? Chiru laj Sorobabel chanchanaqat aj chik jun nimla taq'a, ut aran taarisi chaq li pek re rub'elankil li kab'l, naq japjo'qeb' re chixjunileb' chi xyeeb'al: K'ajo' xch'ina'usal, k'ajo' xch'ina'usal!, cha'qeb'»”.

Jeremías 33:11

li b'ichank ut li sahil ch'oolejil, li ninq'ehik, li xb'ich li b'eelomej ut li ixaqilb'ej; taa'ab'imanq xyaab' xkuxeb' chixjunileb' li te'chalq chi mayejak re b'anyoxink sa' rochoch li Qaawa', yooqeb' chi xyeeb'al: «Chexyoxinq chiru li Nimajwal Yos xb'aan naq chaab'il li Qaawa', ut li xnimal xrahom wank chi junelik!». Relik chi yaal naq tink'ameb' chaq wi' chik sa' li xna'ajeb' li wankeb' chaq chi preexil, re naq te'wanq wi' chik jo' naq ke'wank chaq xb'enwa”, chan li Qaawa'.

Salmos 5:11

Chak'eheb' chi xtojb'al xmaakeb', at inYos, ink'a' taxaq chiruuq li xk'uub'ahomeb'. Chatz'eqtaanaheb' xb'aan naq numtajenaq li xmaa'usilaleb': k'ajo' naq neke'xq'et laawaatin.

Nehemías 12:43

Naab'al li mayej kiyeechi'imank sa' li kutan a'an ut k'ajo'eb' li tenamit chi ninq'ehik, xb'aan naq jun nimla sahil ch'oolej xk'ehom li Yos reheb'. Ke'ninq'ehik ajwi' eb' li ixq ut eb' li kok'al; ut toj chi najt ki'ab'iik li xsahilal xch'ooleb' laj Jerusalén.

1 Reyes 1:45

Laj Sadok laj tij ut laj Natán li propeet xe'xyul chaq rik'in aseeyt cho'q awab'ej aran Kijón ut xe'sutq'iik chaq chi q'axal saheb' sa' xch'ool. Jo'kan naq neke'choqoqnak li tenamit: a'an li mululij ib' yookex rab'inkil.

1 Reyes 1:40

Ut chixjunil li tenamit koheb' chirix, yookeb' chi xyaab'asinkil li xolb'. K'ajo' xsahilaleb' xch'ool: ka'aj chik maa na'uq'e'k li ch'och'!

Jueces 2:5

Jo'kan naq ke'xk'e Bokím cho'q xk'ab'a' li na'ajej a'an, ut aran ke'mayejak chiru li Qaawa'.

Esdras 3:12

Naab'aleb' laj tij, laj Leví ut xjolomileb' junkab'al li ak tiixeb' xb'aan naq ak rilomeb' chaq li xb'een rochoch li Yos junxil, anaqwan japjookeb' re chi yaab'ak naq yookeb' chi rilb'al chanru yo chi ok li rub'elankil li x'ak' ochoch li Qaawa'. Ab'anan wankeb' ajwi' li japjookeb' re xb'aan xsahil xch'ooleb'.

Esdras 4:1

Naq eb' li xik' neke'ilok reheb' laj Judá ut eb' laj Benjamín ke'xnaw naq eb' li ke'sutq'iik wi' chik Jerusalén yookeb' xkab'lankil jun rochoch li Qaawa', xYos laj Israel,

Jeremías 50:4

“Sa'eb' li kutan a'an te'sutq'iiq chaq eb' li ralal xk'ajol laj Israel, rochb'eenaqeb' chaq laj Judá, chi yooqeb' chaq chi yaab'ak naq te'chalq chi xsik'b'al li Qaawa' li xYoseb'.