Esdras 3:10 - Q'eqchi Bible

¹⁰ Naq eb' laj tz'ak ke'xk'e li rub'elankil li rochoch li Qaawa', kule'elq eb' laj tij chi tiqtookeb' chaq rik'in chaab'il liin, wankeb' chaq xtronpeet; xaqxookeb' ajwi' aran eb' laj Leví, ralaleb' laj Asaf, wankeb' chaq xtzojtzoj, re xnimankil ru li Qaawa' jo' kixtz'iib'a laj David, awab'ej re Israel.

Li Santil hu

¹⁰ Ut nak eb laj tzꞌac yo̱queb chixqꞌuebal li cimiento re lix templo li Ka̱cuaꞌ, eb laj tij queꞌxqꞌue chirixeb li rakꞌ li nequeꞌrocsi nak nequeꞌcꞌanjelac saꞌ li templo ut cuanqueb xtrompeta saꞌ rukꞌeb. Ut eb li ralal xcꞌajol laj Asaf laj levita cuanqueb saꞌ rukꞌ lix chꞌi̱chꞌeb címbalos xcꞌabaꞌ. Yo̱queb chixlokꞌoninquil li Ka̱cuaꞌ joꞌ quixye laj David li quicuan chokꞌ xreyeb laj Israel junxil.

Esdras 3:10 ပူးပေါင်းရင်းမြစ်များ

Zacarías 4:10

Li ink'a' xk'e xloq'al li xtiklajik li k'anjel, taasaho'q chik naq taaril chi yaalo'k li xk'anjel laj Sorobabel”. Chirix chik a'an li ánjel kixye: “Eb' li wuqub' chi eetalil a'in, a'aneb' xsa' ruheb' li Qaawa' li naril wi' chixjunil li ruuchich'och'”, chan.

2 Crónicas 35:15

Jo'kaneb' ajwi' laj b'ichanel, li ralaleb' laj Asaf, wankatqeb' sa' li xna'ajeb', jo' kixye laj David, laj Asaf, laj Hemán ut laj Jedutún, laj ilol moy u li kik'anjelak chiru li awab'ej. Jo'kaneb' ajwi' laj ilol re kab'l, wankatqeb' sa' li xna'ajeb'; ink'a' ke'xkanab' li xk'anjeleb', xb'aan naq eb' laj Leví, li ras riitz'ineb', ke'xk'uub' li xtzekemqeb'.

1 Crónicas 23:5

lajeeb' o'q'ob' (4,000) te'k'aak'alenq re li okeb'aal ut eb' li lajeeb' o'q'ob' chik te'xloq'oni ru li Qaawa' rik'in li wajb' li kixtaqla xyiib'ankil laj David.

1 Crónicas 16:42

Eb' a'in neke'xyaab'asi li tronpeet, neke'toch'ok li tzojtzoj ut wank chik xkomon re xb'ichankil ru li Yos. Eb' li ralal laj Jedutún a'aneb' aj ilol re li okeb'aal.

1 Crónicas 16:37

Ut laj David kixkanab' laj Asaf rochb'eeneb' li rech aj k'anjelil, chiru li xLoq'laj Kaaxil li xSumwank li Qaawa', re naq te'k'anjelaq chiru rajlal kutan jo' tento xb'aanunkil.

1 Crónicas 15:27

Laj David kixtiqib' rib' rik'in xchaq'alil jut-aq' yiib'anb'il rik'in chaab'il liin; jo'kaneb' ajwi' chixjunileb' laj Leví li yookeb' chi paqonk re li Loq'laj Kaax, eb' laj b'ichanel ut laj Kenanías, a' laj k'amol b'e sa' li b'ichank. Laj David kiroksi ajwi' jun li efod yiib'anb'il rik'in liin.

1 Crónicas 15:24

Ut eb' laj tij Sebanías, laj Josafat, laj Natanael, laj Amasay, laj Sakarías, laj Benaías ut laj Elieser a'aneb' li neke'toch'ok tronpeet chiru li xLoq'laj Kaax li Yos. Laj Obededón ut laj Yejías a'aneb' ajwi' aj k'aak'alenel re li Loq'laj Kaax.

1 Samuel 22:18

Jo'kan naq li awab'ej kixye re laj Dohek: “Jilon laa'at ut kamsiheb' laj tij”. Tikto laj Dohek aj Edom kixkut rib' sa' xb'eeneb' laj tij ut, sa' li kutan a'an, kixkamsiheb' oob' ro'k'aal chi winq li neke'roksi li efod liin.

Esdras 5:16

Jo'kan naq kik'ulunk laj Sesbasar ut kixk'e li rub'elankil li rochoch li Yos arin Jerusalén. Ut chalen toj anaqwan yo xkab'lankil, ab'an maji' nayaalo'k».

Salmos 150:5

Chenima li xk'ab'a' rik'in tzojtzoj tun, chenima li xk'ab'a' rik'in chixjunileb' li wajb'.

Hageo 2:15

Ut chalen anaqwan k'oxlahomaq a'in chi us. Naq toj maji' neketikib' rub'elankil li rochoch li Yos,

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

Zacarías 4:7

Anihat laa'at, at xnimal tzuul? Chiru laj Sorobabel chanchanaqat aj chik jun nimla taq'a, ut aran taarisi chaq li pek re rub'elankil li kab'l, naq japjo'qeb' re chixjunileb' chi xyeeb'al: K'ajo' xch'ina'usal, k'ajo' xch'ina'usal!, cha'qeb'»”.

Zacarías 6:12

ut taaye re chi jo'ka'in: «Jo'ka'in xye li Nimajwal Yos: A'an a'in li winq li Tuxm naxk'ab'a'in. Taatuxmeq ut tixyiib' wi' chik li rochoch li Qaawa'.

Zacarías 7:3

jo' ajwi' re xpatz'b'al reheb' li propeet ut eb' laj tij li yookeb' chi k'anjelak sa' rochoch li Nimajwal Yos: “Ma toj wanq li rahil ch'oolejil ut li ayuunik sa' ro' li po, rajlal chihab', jo' naqab'aanu chalen toj anaqwan?”, chankeb'.

1 Crónicas 25:25

li xwaqxaqlaju, a'an laj Jananí rochb'eeneb' li ralal xk'ajol ut li rech'alal (kab'lajuheb');

2 Crónicas 5:12

Chixjunileb' laj Leví aj b'ichanel, a' laj Asaf, laj Hemán ut laj Jedutún, rochb'eeneb' li ralal ut li xkomoneb', ke'xaqliik sa' xjayal releb'l saq'e wan wi' li artal, tiqtookeb' rik'in chaab'il liin, wankeb' xtzojtzoj, li jichjich ut li aarp. Wankeb' ajwi' waqk'aaleb' (120) aj tij li yookeb' chi xyaab'asinkil li tronpeet.

2 Crónicas 35:14

Moqon eb' laj Leví ke'xkawresi li Paswa cho'q reheb' ut reheb' ajwi' laj tij, xb'aan naq jwal laatz'eb' ru laj tij xkomoneb' laj Aharón chi mayejak ut chi xyeechi'inkil li xxeeb'ul li xul toj ki'ok q'oqyink. Jo'kan naq eb' laj Leví ke'xk'uub' li mayej cho'q reheb' ut cho'q reheb' laj tij xkomoneb' laj Aharón.

Esdras 2:41

Eb' laj b'ichanel, ralal xk'ajoleb' laj Asaf, a'aneb' waqxaqib' xwuqk'aal (128) chi winq.