Esdras 2:68 - Q'eqchi Bible

⁶⁸ Sa' xyanqeb' li xjolomileb' junkab'al, wankeb' li ke'wulak sa' rochoch li Qaawa' aran Jerusalén ut ke'xyeechi'i xmayejeb' re li rochoch li Yos, re naq taakab'lamanq wi' chik tz'aqal sa' li xna'aj.

Li Santil hu

⁶⁸ Ut li junju̱nk chi cui̱nk li nequeꞌjolomin re li junju̱nk cabal, nak queꞌcuulac Jerusalén queꞌxkꞌaxtesi lix mayejeb re xyi̱banquil cuiꞌchic li templo saꞌ ajcuiꞌ lix naꞌaj li quicuan cuiꞌ junxil.

Esdras 2:68 ပူးပေါင်းရင်းမြစ်များ

2 Corintios 9:7

Li junjunq chixk'ehaq jo'nimal na'alaak sa' xch'ool, ink'a' chi ka'b'rix xch'ool chi moko chi minb'ilaq ru, xb'aan naq li Yos naxra li nasihok chi sa sa' xch'ool.

2 Corintios 8:3

Laa'in ninye chi yaal naq xe'kub'sink rik'in jo'ch'inal jo'nimal wank reheb', ut yo'oon chik xe'xk'e chiru li xe'xkuy raj xb'aanunkil, chi yal xchalk sa' xch'ooleb';

Éxodo 36:3

Eb' a'in ke'xk'ul sa' ruq' laj Moisés chixjunil li mayej li ke'xyeechi'i eb' laj Israel re naq taayaalo'q li xnimal k'anjel cho'q re li Santil Na'ajej. Ab'an rajlal eq'la eb' laj Israel toj yookatqeb' chi xq'axtesinkil re laj Moisés li na'alaak sa' xch'ooleb'.

Éxodo 35:29

Chixjunileb' laj Israel, jo' winq ut ixq, jo'k'ihaleb' li ki'alaak sa' xch'ooleb' xk'amb'al k'a'aq re ru re taa'uxmanq li b'arwan yeeb'il chaq re laj Moisés xb'aan li Qaawa', kole'xyeechi'i li xmayejeb' chiru li Qaawa' chi anchaleb' xch'ool.

2 Corintios 8:12

Xb'aan naq wi wank k'aru na'alaak sa' xch'ool anihaq, a'an k'ulb'il chi chaab'il xb'aan li Yos sa' xk'ab'a' li jo'ch'inal jo'nimal wank re; ink'a' napatz'mank li maak'a' wank re.

Salmos 110:3

Aawe li nimajwal wankilal chalen chaq sa' xkutankil laayo'lajik. Sa' li loq'laj muheb'aal, naq toj maji' nahik'e'k, xatinyoob'tesi.

Esdras 3:3

Ke'xk'ojob' li artal chi chaab'il, us ta yookeb' xxiw xb'aaneb' laj ab'l tenamit wankatqeb' aran, ut ke'mayejak sa' xk'ab'a' li Qaawa' eq'la ut ewu sa' xb'een li artal.

2 Crónicas 3:1

Laj Salomón kixtikib' xkab'lankil li rochoch li Qaawa' aran Jerusalén, sa' li tzuul Moria xk'ab'a', b'arwi' kixk'ut rib' li Qaawa' chiru laj David li xyuwa', sa' li na'ajej kixk'uub' laj David, sa' xch'oxleb'aal laj Ornán, Jebús xtenamit.

1 Crónicas 22:1

Jo'kan naq kixye laj David: “Arin taawanq li rochoch li Qaawa' Yos, ut li artal re li k'atb'il mayej cho'q reheb' laj Israel”, chan.

1 Crónicas 21:18

Toja' naq li x'ánjel li Qaawa' kixye re laj Gad naq tixtaqla laj David chi xyiib'ankil jun x'artal li Qaawa' sa' li xch'oxleb'aal laj Ornán aj Jebús.

Éxodo 25:2

“Ye reheb' laj Israel naq te'xyeechi'i xmayejeb' we. Laa'ex teexok cho'q we jo'ch'inal jo'nimal li na'alaak sa' xch'ooleb'.

Esdras 2:67

o'laju xka'k'aal xkab' o'q'ob' (435) chi kameey ut waqib' mil rik'in waqlajuk'aal xkab' o'q'ob' (6,720) chi b'uur.

Esdras 2:69

A' yaal naxk'e rib' chiruheb', ke'xq'axtesi cho'q re li k'anjel a'an lajeeb' xkab'lajuk'aal rox o'q'ob' (1,030) liib'r chi oor, oob' mil liib'r chi plaat ut o'k'aal chi raq' aj tij.

Éxodo 35:21

ut jo'k'ihaleb' li na'alaak sa' xch'ooleb', a'eb' li neke'reek'a sa' li raanm, ke'chalk ut ke'xk'am chaq li xmayejeb' cho'q re li Qaawa', re xyiib'ankil xMuheb'aal li ch'utam, re chixjunil li loq'laj k'anjel taawanq chisa' ut reheb' li loq'laj aq'ej.

Esdras 9:9

Us ta xoowank chaq chi munil, ab'an li qaYos ink'a' xooxkanab' qajunes, xril b'an xtoq'ob'aal qu ut xoorusila chiruheb' li awab'ej re Persia; xk'e xkawub' qach'ool re xkab'lankil wi' chik li rochoch li qaYos ut xyiib'ankil chi us li k'aru xkanaak chi po'lemil. Wanko wi' chik rub'el xkupuhom arin Judá ut Jerusalén.