Esdras 2:1 - Q'eqchi Bible

¹ A'an a'in xk'ab'a'eb' laj Israel li ke'k'ame'k chi preexil xb'aan laj Nabukodonosor, li awab'ej re Babilonia, ut ke'sutq'iik wi' chik Jerusalén ut Judá, ak sa' xna'aj xna'aj li junjunq.

Li Santil hu

¹ Aꞌaneb aꞌin li ralal xcꞌajoleb laj Israel li yoꞌlajenakeb aran Judá li queꞌchapeꞌ ut queꞌcꞌameꞌ Babilonia. Queꞌsukꞌi cuiꞌchic Jerusalén ut saꞌ eb li naꞌajej li cuanqueb Judá. Ac saꞌ xnaꞌajeb queꞌcana li junju̱nk.

Esdras 2:1 ပူးပေါင်းရင်းမြစ်များ

2 Reyes 25:11

Chirix chik a'an laj Nebusardán, xjolomileb' laj puub', kirisi jo'k'ihaleb' chik ke'kanaak sa' li tenamit, eb' li ke'okenk chirix li awab'ej re Babilonia, jo' ajwi' eb' li xkomoneb' li tenamit.

Hechos 23:34

Naq li ruuchil li awab'ej kiril xsa' li hu, kixpatz' b'ar xtenamit laj Pablo, ut naq kirab'i naq yo'lajenaq sa' xteepal Silisia, kixye re:

Sofonías 2:7

Ut jo'k'ihaleb' te'kole'q sa' xteepal Judá a'aneb' chik te'eechaninq re li na'ajej a'an. Aran te'xk'aak'ale li xketomqeb' ut te'hilanq sa' rochocheb' laj Askalón, naq li Qaawa' li qaYos tolxtenq'aheb' laj Judá ut tixsutq'isiheb' wi' chik sa'eb' li xna'ajeb'.

Lamentaciones 4:22

At tenamit Sión, ak xatoj rix laamaak; li Qaawa' ink'a' chik tatxk'am sa' najtil tenamit. A'ut laa'at, Edom, li Yos taak'ajtesinq aawu, ut tixk'e chi kutankil chixjunil laamaa'usilal!

Lamentaciones 1:5

Eb' li xik' neke'ilok re neke'numtaak sa' xb'een, ut saheb' chik sa' xch'ool. A' li Qaawa' xrahob'tesink re xb'aan xk'ihaleb' li maak xb'aanu Jerusalén. Eb' li ralal xk'ajol xe'k'ame'k chi najt xb'aaneb' li xik' neke'ilok reheb'.

Lamentaciones 1:3

Rahob'tesinb'ileb' ut tawasinb'ileb' laj Judá; xe'k'ame'k sa' jalan chik tenamit chi k'anjelak chi kaw. Xe'chape'k xb'aaneb' li neke'numtaak sa' xb'eeneb', ut maab'ar neke'xtaw xk'ojob'ankil xch'ooleb'.

Ester 8:9

Chi junpaat ke'b'oqe'k laj tz'iib' li neke'k'anjelak chiru li awab'ej, sa' li oxib' xka'k'aal kutan xb'e li rox po, Sibán xk'ab'a', ut ke'xtz'iib'a eb' li aatin kixye laj Mardokeo, cho'q reheb' laj Judiiy, eb' li ninqeb' xwankil, eb' laj taqlanel ut eb' li xjolomil tenamit, chalen chaq sa' xteepal India toj Etiopía, cho'q reheb' ajwi' li wuqub' xwuqk'aal (127) teep chi tenamit, li junjunq jo' chanru li xtz'iib' ut li raatinob'aal; jo'kaneb' ajwi' cho'q reheb' laj Judiiy.

Ester 1:11

Ut kixye reheb' naq te'xk'am chaq lix Vasti, li xna'eb' li tenamit, re taawanq chiru li awab'ej chi wank xkoroon sa' xjolom, ut taa'ile'q xch'ina'usal xb'aaneb' chixjunil. Relik chi yaal naq k'ajo' xch'ina'usal li xna'eb' li tenamit.

Ester 1:8

Ab'anan li awab'ej kixye reheb' laj k'anjel chiru naq maajun minb'ilaq ru chi uk'ak, a' yaal b'an re li junjunq k'aru tixb'aanu.

Ester 1:3

Ak oxib' chihab' rokik chi awab'ejink, laj Asuero kixk'uub' jun li ninq'e cho'q reheb' chixjunileb' laj k'anjel chiru. Kixb'oqeb' ajwi' li xjolomileb' laj puub' re Persia ut Media, eb' li ninqeb' xwankil ut li neke'jolomink re eb' li junq teep chi tenamit.

Ester 1:1

A'in kik'ulmank chiru xyu'am laj Asuero naq kitaqlank cho'q awab'ej sa' xb'een wuqub' xwuqk'aal (127) teep chi tenamit chalen chaq sa' xteepal India toj Etiopía

Esdras 6:2

ut aran Ekbátana, sa' li kawub'resinb'il ochoch, sa' xteepal Media, kitawmank jun li hu naxye chi kama'in:

Esdras 5:8

Tqaj xyeeb'al aawe, at awab'ej, naq laa'o xoowulak Judá, chi rilb'al li rochoch li Nimajwal Yos. Ut xqak'e reetal naq yookeb' chi xkab'lankil rik'in ninqi pek, neke'xtz'alamche'i ru li xtz'akil, ut li k'anjel yo chi yaalo'k sa' junpaat ut us yo chi elk chiruheb'.

Esdras 1:11

Chixjunil li k'a' re ru yiib'anb'il rik'in plaat ut oor, a'an a'in: oob' mil rik'in jun o'q'ob' (5,400). Chixjunil a'in kik'ame'k Jerusalén xb'aan laj Sesbasar naq ki'elk Babilonia rochb'eeneb' li wanjenaqeb' aran chi preexil.

Esdras 2:2

Ke'sutq'iik chaq rochb'een laj Sorobabel, laj Josué, laj Nehemías, laj Seraías, laj Rehelaías, laj Najamaní, laj Mardokeo, laj Bilsán, laj Mispar, laj Bikbay, laj Rejún ut laj Bahaná.

Esdras 8:35

Moqon chik eb' li ke'sutq'iik wi' chik Jerusalén ke'xyeechi'i k'atb'il mayej re li xYos laj Israel: kab'laju chi saaj wakax sa' xk'ab'a' chixjunil Israel, waqlaju ro'k'aal (96) chi saaj wakax, wuqlaju xkaak'aal (77) chi karneer ut kab'laju chi kok' wakax re xpatz'b'al xkuyb'al xmaakeb'. Ut chixjunil a'an ke'xk'at chiru li Qaawa' cho'q xmayejeb'.

Nehemías 12:1

A'aneb' a'in laj tij ut eb' laj Leví li ke'sutq'iik chaq Jerusalén rochb'een laj Sorobabel, ralal laj Sehaltiel, ut laj Josué: A'aneb' a'in laj tij: laj Seraías, laj Jeremías, laj Esdras,

1 Crónicas 9:1

Chixjunileb' laj Israel tz'iib'anb'il xk'ab'a'eb' sa' xHuheb' li awab'ej re Israel. Ab'an eb' laj Judá ke'k'ame'k aran Babilonia xb'aan li xmaa'usilaleb'.

1 Crónicas 9:2

Eb' li ke'sutq'iik chaq xb'enwa re xtawb'al wi' chik li xtenamiteb' ut li xna'ajeb', a'aneb' laj Israel, eb' laj tij, eb' laj Leví ut eb' li neke'k'anjelak sa' rochoch li Yos.

Esdras 2:70

Wankeb' sa' xyanqeb' li tenamit ke'na'ajunk Jerusalén. Jo'kan ajwi' ke'xb'aanu eb' laj tij ut eb' laj Leví. Ab'an eb' laj b'ichanel, eb' laj k'aak'alenel okeb'aal ut eb' laj k'anjel sa' rochoch li Yos ke'na'ajunk sa' li xtenamiteb'. Chixjunileb' laj Israel wankatqeb' sa' xtenamiteb' li junjunq.

Isaías 48:20

Elenqex chaq sa' li tenamit Babilonia, elelinqex chiruheb' laj Kaldeha. Yehomaq li esil a'in chi sa sa' eech'ool, puktesihomaq toj sa' xmaril li ruuchich'och'; yehomaq a'in: “A' li Qaawa' xkolok re laj Jakob, laj k'anjel chiru”.

Jeremías 50:19

Israel taasutq'iiq chaq wi' chik sa' li xch'och', ut chanchan junaq karneer sa taatzekanq aran Karmeel ut Basán, jo'wi' sa'atqeb' li k'iche' re Efraín ut Galahad, toj reetal taak'ojlaaq xch'ool.