Esdras 10:8 - Q'eqchi Bible

⁸ Yalaq ani ink'a' taawulaq chiru oxib' kutan, taamaq'e'q chiru jo'ch'inal jo'nimal wank re, ut a'an ajwi' taa'isiiq sa' xyanq xkomonileb' laj Israel, jo' chanru k'uub'k'u xb'aaneb' laj k'amol b'e ut eb' laj jolominel.

Li Santil hu

⁸ Eb li cuanqueb saꞌ xcuanquil ut eb li nequeꞌcꞌamoc be saꞌ xya̱nkeb laj judío queꞌxcꞌu̱b ru nak li ani incꞌaꞌ ta̱cuulak chiru oxib cutan, ta̱isi̱k chiru chixjunil li cꞌaꞌru cuan re ut ta̱isi̱k ajcuiꞌ aꞌan saꞌ xya̱nkeb laj Israel li queꞌsukꞌi Jerusalén.

Esdras 10:8 ပူးပေါင်းရင်းမြစ်များ

Esdras 7:26

Jo'kan ajwi' yalaq ani ink'a' tixpaab' li xChaq'rab' laaYos ut li xtaqlahom li awab'ej, chiraqmanq aatin sa' xb'een chi junpaat: tento tixtoj rix li xmaak rik'in kamk, tumin, tz'alam malaj isiik sa' li tenamit wan wi'”.

San Juan 16:2

Tex'isiiq sa'eb' li ch'utleb'aal kab'l. Ut taawulaq ajwi' xhonal naq yalaq ani taakamsinq eere tixk'oxla naq yo chi xloq'oninkil ru li Yos.

San Juan 9:34

Ke'chaq'ok eb' a'an ut ke'xye re: —Xatyo'laak chajunxaqalil sa' li maak ut taawaj anchal qatzolb'al laa'o? Ut ke'risi sa' xyanqeb'.

San Juan 9:22

A'in ke'xye li xna' xyuwa' xb'aan xxiweb' chiruheb' laj Judiiy, xb'aan naq ak k'uub'k'u xb'aaneb' laj Judiiy, wi ani tixye naq li Jesus a'an li Kriist, isinb'ilaq sa' li ch'utleb'aal kab'l.

San Mateo 18:17

Ut wi ink'a' naraj rab'inkileb', ye re li Iklees; ab'an wi ink'a' ajwi' naraj rab'inkil li Iklees, chikanaaq chawu jo' li maak'a' xpaab'aal malaj jo' jun aj titz'ol toj.

Nehemías 13:3

Naq eb' laj Israel ke'rab'i li tz'iib'anb'il sa' xChaq'rab' laj Moisés, tikto ke'risi sa' li komonil chixjunileb' laj ab'l tenamit.

1 Samuel 11:7

Kixchap jun sumal chi b'ooyx ut kixkamsiheb'; kixxeri ut kixjek'i li tib' sa' xteepal chixjunil Israel chirixeb' aj esil: “Jo'ka'in taa'uxq reheb' li xb'ooyx li ink'a' taaxik chirix laj Saúl ut laj Samuel”, chankeb' laj esil. K'ajo' naq ke'xiwak li poyanam, ut junajeb' xch'ool koheb' chi yalok.

Jueces 21:5

Ke'xye chirib'ileb' rib': “Ani sa' xyanqeb' chixjunileb' li xteepal laj Israel ink'a' xwulak Mispá, naq xqach'utub' qib' sa' xk'ab'a' li Qaawa'?”. Xb'aan naq ak yeeb'il sa' jurament naq te'kamsiiq li ink'a' te'wulaq sa' li loq'laj ch'utam.

Josué 6:19

Chixjunil li plaat, oor ut jo'nimal yiib'anb'il rik'in q'anch'iich' ut ch'iich', q'axtesinb'ilaq re li Qaawa'. Tento taa'ok sa' li reechanihom”, chan laj Josué.

Levítico 27:28

“Wi junaq tixmayeja b'ayaq li k'aru re cho'q re li Qaawa', a' yaal k'aru, ma poyanam, ma xul malaj ut ch'och' xmaatanihom rik'in li xna' xyuwa', moko truuq ta xk'ayinkil li ak mayejanb'il chi moko truuq xkolb'al rix; chixjunil li ak mayejanb'il, santob'resinb'ilaq ut rehaq li Qaawa'.

Esdras 10:7

Ut kipuktesimank jun li esil sa' xteepal Judá ut Jerusalén cho'q reheb' chixjunileb' li ke'sutq'iik chaq, re naq te'xch'utub' rib'eb' Jerusalén.

Esdras 10:9

Jo'kan naq chixjunileb' laj Judá ut eb' laj Benjamín ke'ch'utlaak Jerusalén sa' xkutankil, sa' li junmay xb'e li xb'ele po. Chixjunileb' li tenamit ke'xch'utub' rib' chi xneb'aalil li rochoch li Yos: k'ajo' neke'siksotk xb'aan li na'leb' a'an jo'wi' xb'aan li kawil hab' kichalk sa' xb'eeneb'.

Nehemías 13:28

Jun reheb' li ralal laj Johadá, ralal laj Eliasib li xyuwa'il aj tij, a'an chaq xhi' laj Sanbalat aj Jorón, ut laa'in kiwisi chink'atq.