Esdras 10:3 - Q'eqchi Bible

³ Qab'aanuuq jun li sumwank rik'in li qaYos: qaye li qaatin naq te'qachaq'rab'i chixjunileb' li ixq aj ab'l tenamit rochb'eeneb' li xkok'al, jo' chanru xaye laa'at, wa'chin, jo'keb' ajwi' chixjunileb' li neke'roxloq'i li xchaq'rab' li qaYos. Chi'uxmanq jo' naxye li Chaq'rab'.

Li Santil hu

³ Anakcuan la̱o takaba̱nu jun li contrato riqꞌuin li Dios. Takacanabeb li ixk aꞌan rochbeneb li kacocꞌal li cuan riqꞌuineb. Takaba̱nu joꞌ ta̱cuaj la̱at joꞌqueb ajcuiꞌ li nequeꞌxxucua ru li naxye li Dios. Chi-uxma̱nk taxak joꞌ tzꞌi̱banbil saꞌ li chakꞌrab.

Esdras 10:3 ပူးပေါင်းရင်းမြစ်များ

Esdras 9:4

Chixjunileb' li neke'roxloq'i li raatin li xYos laj Israel ke'xch'utub' rib' wik'in naq ke'rab'i resil li xmaakeb' li ke'chalk chaq Babilonia. Ab'an laa'in k'ajo' xrahil linch'ool: kinkanaak chi k'ojk'o toj sa' xhonalil li ewuukil mayej.

Salmos 119:120

Naxsiksiki rib' linjunxaqalil chawe chawu; k'ajo' naq nachalk inxiw xb'aan laachaq'rab'!

Salmos 119:59

Xink'e reetal chanru linyu'am: twaj sutq'iik wi' chik chi xpaab'ankil laawaatin.

Nehemías 9:38

Sa' xk'ab'a' chixjunil a'in laa'o naqaye li qaatin naq tqapaab' li sumwank a'in. Xe'xk'ulub'an li hu a'in eb' laj k'amol qab'e, eb' laj Leví ut eb' laj tij, li ke'xtz'iib'a ajwi' xk'ab'a'eb'.

2 Crónicas 34:21

“Ayuqex chi patz'ok rik'in li Qaawa' chiwix laa'in, chirixeb' laj Israel ut eb' laj Judá, k'aru naraj xyeeb'al eb' li aatin tz'iib'anb'ileb' sa' li hu xtawmank. Nim li xjosq'il li Qaawa' sa' qab'een, xb'aan naq eb' li qaxe' qatoon ink'a' ke'xpaab' li raatin li Qaawa' chi moko ke'xk'anjela ru li tz'iib'anb'il sa' li hu a'in”.

Deuteronomio 29:12

Wankex arin chejunilex re xk'ojob'ankil sa' jurament jun li Sumwank rik'in li Qaawa' leeYos sa' li kutan a'in,

Ezequiel 9:4

ut kixye re: “B'eeni li tenamit Jerusalén ut k'e reetalileb' chi xpeekem eb' li yookeb' chi yaab'ak ut tz'uyink xb'aan li k'iila maa'usilal na'uxmank aran”.

Isaías 66:2

Laa'in kinyiib'ank re chixjunil a'in, ut jo'kan naq wankeb' -chan li Qaawa'-. “Li ani nink'e sa' xnaq' wu, a'an li neb'a' ut li q'un xch'ool, a' li na'oxloq'ink re li waatin.

Isaías 8:20

Us raj te'aatinaq chi jo'ka'in, ab'anan li k'aru neke'xye, maak'a' na'ok wi'.

Nehemías 8:14

Ut ke'xtaw chi tz'iib'anb'il naq li Qaawa' kixye re laj Moisés naq eb' laj Israel tento te'wanq sa' kok' muheb'aal naq te'ninq'ehiq sa' xwuq li po.

Esdras 10:44

Chixjunileb' a'in sumsuukeb' rik'ineb' ixq aj ab'l tenamit, ab'anan ke'risiheb' li ixq jo'wi' li ralaleb'.

2 Crónicas 34:27

Xyot'e'k laach'ool ut xakub'si laawankil chiru li Qaawa' naq xawab'i li waatin chirix li na'ajej a'in ut eb' li xpoyanamil. Xaq'ich laawaq' ut xatyaab'ak chiwu. Jo'kan naq laa'in xwab'i li k'aru xaye, chan li Qaawa'.

2 Crónicas 30:12

Jo'kan ajwi' sa' xteepal Judá li Yos kixtoch' xch'ooleb' li tenamit re naq chi junaj ru xch'ooleb' te'xb'aanu li k'aru ke'xye li awab'ej ut li xjolomileb' li tenamit, jo' chanru xchaq'rab' li Qaawa'.

2 Crónicas 29:10

Ab'an anaqwan x'alaak sa' inch'ool xk'ojob'ankil jun sumwank rik'in li Qaawa', xYos laj Israel, re naq tixnajtob'resi qik'in li xnimal xjosq'il.

2 Reyes 11:17

Chirix chik a'an laj Johadá kixk'ojob' jun sumwank rik'in li Qaawa' ut li tenamit, re naq a'anaqeb' tz'aqal xtenamit li Qaawa'. Jo'kan ajwi' kixb'aanu rik'in li awab'ej ut li tenamit.

Josué 9:6

Naq ke'wulak wan wi' laj Josué, sa' xmuheb'aaleb' laj Israel aran Kilkal, ke'xye reheb': “Laa'o xoochalk chaq sa' najtil tenamit; k'ehomaq eerib' sa' sumwank qik'in”, chankeb'.

Esdras 10:9

Jo'kan naq chixjunileb' laj Judá ut eb' laj Benjamín ke'ch'utlaak Jerusalén sa' xkutankil, sa' li junmay xb'e li xb'ele po. Chixjunileb' li tenamit ke'xch'utub' rib' chi xneb'aalil li rochoch li Yos: k'ajo' neke'siksotk xb'aan li na'leb' a'an jo'wi' xb'aan li kawil hab' kichalk sa' xb'eeneb'.

Esdras 10:11

Chexooto leemaak anaqwan chiru li Qaawa', xYos leena' leeyuwa', paab'omaq li rajom ut jek'ihomaq eerib' rik'ineb' li maak'a'eb' xpaab'aal jo'wi' rik'ineb' li ixq aj ab'l tenamit”, chan.

Nehemías 10:1

A'aneb' a'in li ke'xk'e xk'ab'a'eb' sa' li hu tz'iib'anb'il wi' li sumwank kiqayiib': laj Nehemías laj taqlanel sa' xb'een li tenamit, ralal laj Jakalías; laj Sedekías,