Esdras 10:14 - Q'eqchi Bible

¹⁴ Us raj naq te'kanaaq arin eb' laj k'amol qab'e sa' xk'ab'a' chixjunileb' li ch'utch'uukeb'; ut jo'k'ihaleb' li wankeb' sa'atqeb' li qatenamit ut sumsuukeb' rik'in jun li ixq aj ab'l tenamit, chalqeb' moqon, sa' li kutan xaqxo re li junjunq, rochb'eenaqeb' laj raqol aatin ut li xjolomileb' li junjunq chi tenamit, toj reetal taa'elq li xnimal xjosq'il li qaYos xb'aan li na'leb' a'in”.

Li Santil hu

¹⁴ Naru teꞌcana̱k li nequeꞌtaklan saꞌ kabe̱n chi a̱tinac chikix la̱o li joꞌ qꞌuialo cuanco arin. Ut li ani queꞌxcꞌam chokꞌ rixakileb li ixk li jalan xtenamiteb naru nequeꞌchal jokꞌe teꞌyehekꞌ reheb nak teꞌcha̱lk. Teꞌcha̱lk li cuanqueb saꞌ li junju̱nk chi tenamit rochbeneb laj rakol a̱tin ut eb li nequeꞌtaklan saꞌ xbe̱neb. Takaba̱nu chi joꞌcaꞌin re nak ta̱e̱lk xjoskꞌil li Dios saꞌ kabe̱n, chanqueb.

Esdras 10:14 ပူးပေါင်းရင်းမြစ်များ

2 Crónicas 30:8

Anaqwan meejipi eerib' jo' ke'xb'aanu leena' leeyuwa'; q'axtesihomaq b'an eerib' chiru li Qaawa' ut kimqex sa' li xLoq'laj Muheb'aal li santob'resinb'il xb'aan chi junajwa. K'anjelanqex chiru li Qaawa' leeYos, ut taanajto'q eerik'in li xnimal xjosq'il.

2 Crónicas 29:10

Ab'an anaqwan x'alaak sa' inch'ool xk'ojob'ankil jun sumwank rik'in li Qaawa', xYos laj Israel, re naq tixnajtob'resi qik'in li xnimal xjosq'il.

Números 25:4

Toja' naq li Qaawa' kixye re laj Moisés: “Ch'utub'eb' chixjunil li xjolomileb' li tenamit ut ch'ikeb' chi ru'uj che' sa' xk'ab'a' li Qaawa', sa' xka'yab'aal li saq'e. Chi jo'kan taach'anaaq linjosq'il rik'ineb' laj Israel”, chan.

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

Salmos 78:38

A'ut li Yos junelik naxtoq'ob'a ruheb': kixkuyeb' xmaak ut ink'a' kixsacheb', k'iila sut kixkuy rib' ut ink'a' kipo'k sa' xb'eeneb'.

Josué 7:26

Ke'xtuub' naab'al li pek sa' xb'een, ut eb' li pek a'an toj wankeb' anaqwan. Toja' naq kich'anaak xjosq'il li Qaawa'. Jo'kan naq li na'ajej a'an, xTaq'ahil li Rahilal nayeemank re chalen toj anaqwan.

Deuteronomio 17:9

Aran toxaapatz' aatenq'ankil reheb' laj tij aj Leví ut re laj raqol aatin wank sa' xk'anjel. Eb' a'an te'xtz'ili rix chi us ut te'xye aawe k'aru tkanaaq wi' li ch'a'ajkilal a'an.

Deuteronomio 13:17

“Maak'a' k'a'aq re ru li ak q'axtesinb'il re sache'k taakanaaq aawik'in, re naq taanume'q xjosq'il li Qaawa' ut a'anaq taxaq aj uxtaan aawik'in ut chiril taxaq xtoq'ob'aal aawu jo'wi' tatxtamb'resi taxaq, jo' xyeechi'om reheb' laana' laayuwa'.

2 Reyes 23:26

Ab'anan li Qaawa' ink'a' kikotzk li xnimal xjosq'il sa' xb'een li tenamit Judá xmaak chixjunil li kilajxb'aanu laj Manasés re xchiq'b'al xjosq'il li Yos.

2 Crónicas 28:11

Paab'omaq li yookin chi xyeeb'al eere ut ach'ab'ahomaqeb' leeras eeriitz'in xechapeb' chaq, xb'aan naq k'ajo' xjosq'il li Qaawa' eerik'in”, chan li propeet.

Esdras 10:13

Ab'anan numtajenaq li tenamit ut kaw li hab'; jo'wi' anchal moko truuq ta tookanaaq sa' b'e, xb'aan naq li ch'a'ajkilal a'an ink'a' taa'elq yal chiru jun malaj wiib' kutan: jwal naab'alo li xqab'aanu li maak a'an.

Esdras 10:15

Chixjunileb' li ke'elk Babilonia ut ke'sutq'iik chaq Jerusalén ke'xb'aanu jo' chanru k'uub'k'u; ka'ajwi' laj Jonatán, ralal laj Asahel, ut laj Jahasías, ralal laj Tikbá, rochb'eeneb' laj Mesulán ut laj Sabtay aj Leví, ink'a' ke'xk'ul xch'ooleb' li k'aru xyeemank. Toja' naq laj Esdras laj tij kixsik'eb' ru cho'q aj tenq' re li xjolomileb' li junq kab'al, jo' chanru xk'ab'a' li junq kab'al, ut kixb'oqeb' xk'ab'a' chixjunqaleb'. Sa' li xb'een kutan re li xlaje po ke'xtikib' xtz'ilb'al rix li na'leb' a'in.