Esdras 10:11 - Q'eqchi Bible

¹¹ Chexooto leemaak anaqwan chiru li Qaawa', xYos leena' leeyuwa', paab'omaq li rajom ut jek'ihomaq eerib' rik'ineb' li maak'a'eb' xpaab'aal jo'wi' rik'ineb' li ixq aj ab'l tenamit”, chan.

Li Santil hu

¹¹ Anakcuan ut qꞌuehomak xlokꞌal li Ka̱cuaꞌ lix Dioseb le̱ naꞌ e̱yucuaꞌ. Cheba̱nu joꞌ naraj li Ka̱cuaꞌ. Isihomak e̱rib saꞌ xya̱nkeb li jalaneb xtenamit ut jachomak e̱rib riqꞌuineb li ixk aꞌan, chan.

Esdras 10:11 ပူးပေါင်းရင်းမြစ်များ

Romanos 12:2

Ut meek'am eere rik'in li ruuchich'och' a'in, chejal b'an leeyu'am, che'ak'ob'resi leena'leb' re naq teenaw xk'eeb'al reetal k'aru naraj li Yos: a' li b'arwan us, nawulak chiru ut tz'aqal re ru.

Proverbios 28:13

Li naxmuq li xmaak, maajaruj tox'usaaq; a'ut li naxxooto xmaak ut ink'a' chik naxb'aanu, kuyb'ilaq li xmaak.

Esdras 10:3

Qab'aanuuq jun li sumwank rik'in li qaYos: qaye li qaatin naq te'qachaq'rab'i chixjunileb' li ixq aj ab'l tenamit rochb'eeneb' li xkok'al, jo' chanru xaye laa'at, wa'chin, jo'keb' ajwi' chixjunileb' li neke'roxloq'i li xchaq'rab' li qaYos. Chi'uxmanq jo' naxye li Chaq'rab'.

Josué 7:19

Toja' naq laj Josué kixye re laj Akán: “At walal, chanima xloq'al li Qaawa', xYos laj Israel; chaterq'usi li xk'ab'a'. Ye we k'aru xab'aanu ut maamuq chiwu”, chan.

Colosenses 1:10

re naq chiwanq taxaq leeyu'am jo' chanru xk'ulub' li Qaawa', tz'aqal jo' nawulak chiru. Cheruuchin chixjunil li chaab'il b'aanuhom ut chexk'iiq chi xnawb'al ru li Yos.

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

Jeremías 3:13

Ka'ajwi' nawaj naq taaxooto laamaak, xb'aan naq xaq'etq'eti aawib' chiru li Qaawa' laaYos, junelikat chaq rik'ineb' li jalanil yos rub'elatq li ninqi che', ut ink'a' xawaj xpaab'ankil li waatin», chan li Qaawa'”.

Isaías 56:4

Xb'aan naq jo'ka'in kixye li Qaawa': “Wi eb' li kapun te'oxloq'inq li sábado ut te'xb'aanu li nawulak chiwu, wi junelik te'xpaab' linsumwank,

Salmos 32:5

Xinch'olob' linmaak chawu ut maak'a' xinmuq: “Tinxooto linmaa'usilal chiru li Qaawa'”, chankin. Ut laa'at xakuy xasacheb' linmaak, xinaakuy sa' chixjunil li xinmaakob'k wi'.

Nehemías 13:3

Naq eb' laj Israel ke'rab'i li tz'iib'anb'il sa' xChaq'rab' laj Moisés, tikto ke'risi sa' li komonil chixjunileb' laj ab'l tenamit.

Esdras 9:1

Chirix chik a'an ke'k'ulunk wik'in eb' laj k'amol b'e ut ke'xye we: “Eb' laj Israel, eb' laj tij ut eb' laj Leví ink'a' xe'xjek' rib' rik'in li jalaneb' xtenamit, a'eb' laj Kanahán, eb' laj Hit, eb' laj Perés, eb' laj Jebús, eb' laj Amón, eb' laj Ejiipt ut eb' laj Amor, ut a' ajwi' li xmaa'usilaleb' li tenamit a'an xe'xb'aanu.

Hebreos 13:21

a'an taxaq chik'uub'anq re leeyu'am rik'in chixjunil li chaab'ilal re xb'aanunkil li rajom. A'an taxaq chib'aanunq qik'in li nawulak chiru sa' xk'ab'a' li Jesukriist: rehaq taxaq li loq'al junq'e junq'e kutan. Jo'kan taxaq.

San Juan 9:24

Eb' laj Judiiy ke'xb'oq wi' chik li winq, a' li mutz' naq xwank, ut ke'xye re: —Chaye qe li yaal sa' xk'ab'a' li Yos. Laa'o naqanaw naq li winq a'in a'an aj maak.

2 Crónicas 30:22

Naq kiril a'an, laj Esekías kixb'anyoxi reheb' chixjunileb' laj Leví naq ke'xb'aanu chi us li xk'anjel li Qaawa'. Chiru wuqub' kutan ke'xtzeka xmayejil li ninq'e, ke'mayejak re li k'amok ib' sa' usilal rik'in li Yos ut ke'xloq'oni ru li Qaawa', xYos eb' li xxe'toonil yuwa'eb'.

Esdras 10:10

Toja' naq laj Esdras laj tij kixaqliik ut kixye reheb': “Xexmaakob'k xb'aan naq xexsumlaak rik'ineb' li ixq aj ab'l tenamiteb'. Chi jo'kan kitamk xmaakeb' laj Israel.

Esdras 10:12

Chixjunileb' li ch'utch'uukeb' aran ke'chaq'ok ut ke'xye chi kaw xyaab' xkuxeb': “Tqab'aanu jo' xaye.

Nehemías 9:2

Ke'risi rib' sa' xyanqeb' chixjunileb' laj ab'l tenamit, ke'xxaqab' rib' ut ke'xxooto li xmaakeb' jo' ajwi' xmaakeb' li xna' xyuwa'eb'.

Jeremías 7:3

Jo'ka'in xye li Nimajwal Yos, li xYos laj Israel: «Chaab'ilob'resiiq leeyu'am ut leeb'aanuhom, ut laa'in texinkanab' chi wank sa' li na'ajej a'in.

Ezequiel 18:30

Ex aj Israel, laa'in tinraqoq aatin sa' eeb'een chejunjunqal jo' chanru leeyehom eeb'aanuhom. Jalomaq leek'a'uxl ut tz'eqtaanahomaq chixjunil leemaa'usilal re naq ink'a' teetoj rix leemaak -chan li Qaawa'-.