Esdras 1:3 - Q'eqchi Bible

³ Jo'kan utan, chejunilex li xkomonex li xtenamit li Yos naru texxik Jerusalén, sa' xteepal Judá, re xkab'lankil li rochoch li Qaawa', xYos laj Israel, a' li Yos li wank Jerusalén. A' taxaq li Qaawa' leeYos chitenq'anq eere.

Li Santil hu

³ Joꞌcan nak cui la̱ex xcomonex lix tenamit li Dios, ayukex saꞌ li tenamit Jerusalén xcue̱nt Judá ut aran te̱yi̱b li rochoch li Ka̱cuaꞌ, lix Dioseb laj Israel. Aꞌan li tzꞌakal Dios li nequeꞌxlokꞌoni aran Jerusalén. Ut aꞌ taxak li Ka̱cuaꞌ chicua̱nk e̱riqꞌuin.

Esdras 1:3 ပူးပေါင်းရင်းမြစ်များ

Daniel 6:26

A'an a'in li ninchaq'rab'i wi' chixjunileb' li tenamit wankeb' sa' lin'awab'ejihom: naq che'roxloq'i ut che'xpaab' li xYos laj Daniel, xb'aan naq A'an tz'aqal li yo'yookil Yos ut wank chi junelik. Li x'awab'ejihom maajun wa taajuk'manq ut li xwankilal maajoq'e taalajq taa'oso'q.

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Hechos 10:36

A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal sa' xk'ab'a' li Jesukriist, a' li xQaawa' chixjunil li ruuchich'och'.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Isaías 45:5

Laa'in li Qaawa' ut maak'a' chik junaq; moko wank ta chik junaq yos chiwu laa'in. Xink'e aakawilal, us ta ink'a' nakanaw wu,

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Deuteronomio 32:31

Neke'xnaw chi us eb' li xik' neke'ilok qe naq laj ilol reheb' moko jo' ta laj Ilol qe laa'o.

Daniel 2:47

Chirix chik a'an kixye re laj Daniel: “Relik chi yaal naq leeYos laa'ex, a'an tz'aqal li Yos nim xloq'al, li awab'ej q'axal nim xwankil sa' xb'een chixjunileb' li awab'ej. A'an laj kutanob'resinel re li muqmuukil na'leb', xb'aan naq laa'at xach'olob' xyaalal li tz'aptz'ookil na'leb' a'in”.

Salmos 83:18

Che'kanaaq sa' xutaan ut numtajenaqeb' xxiw chi junelik; che'sachq xch'ool ut che'oso'q,

1 Crónicas 28:20

Toja' naq laj David kixye re laj Salomón li ralal: “Kawaq aach'ool ut chayal aaq'e chi k'anjelak! Matxiwak ut mich'inank aach'ool, xb'aan naq li Qaawa' linYos wanq aawik'in. A'an ink'a' tatxkanab' chi moko tatxtz'eqtaana toj taaraqe'q chixjunil li k'anjel re xyiib'ankil li rochoch li Yos.

1 Reyes 8:23

ut kixye: “At Qaawa', xYos laj Israel, maak'a' chik junaq Yos jo' laa'at taqe'q sa' choxa, chi moko taq'a sa' ruuchich'och'. Laa'at tiik aach'ool chirix laaSumwank ut chaab'ilat rik'ineb' laj k'anjel chawu li nakate'xpaab' chi anchaleb' xch'ool.

1 Reyes 18:39

Naq ke'ril a'an, chixjunileb' li poyanam ke'xhupub' rib' chiru ch'och' ut ke'xjap re chi xyeeb'al: “Li Qaawa', a'an li tz'aqal Yos!”, chankeb'.

Esdras 1:4

Ut yalaq b'ar wanqeb' aj Israel, eb' li rechkab'al che'tenq'anq taxaq reheb' rik'in plaat ut oor, sahil eechej ut ketomq, jo' ajwi' rik'in chixjunil li taa'alaaq sa' xch'ooleb' xk'eeb'al re li rochoch li Yos li wank Jerusalén”.

Esdras 5:3

Sa'eb' li kutan a'an laj Tatenay, li nataqlank sa' xb'eeneb' li tenamit wankeb' junpak'al li nima' Éwfrates, laj Setar-Bosnay ut eb' li rochb'een ke'chalk rik'ineb' ut ke'xpatz' reheb': “Ani xyehok eere naq teekab'la li ochoch a'in ut teewaklesi eb' li tz'ak a'in?

Isaías 37:16

“At Qaawa', at Nimajwal Yos, xYosat laj Israel, li wank laak'ojarib'aal sa' xb'eeneb' li kerubín! Ka'ajwi' laa'at li xYos chixjunileb' li tenamit sa' ruuchich'och'! Laa'at katk'uub'ank re li choxach'och'!

Esdras 4:3

Ab'an laj Sorobabel, laj Josué ut li xjolomileb' junkab'al re Israel ke'xsumeheb': “Ink'a' tooruuq chi kab'lak sa' junajil laa'o ut laa'ex re xyiib'ankil jun rochoch li qaYos. Laa'o qajunes tqayiib' rochoch li Qaawa', xYos laj Israel, jo' kixye qe laj Siro, awab'ej re Persia”.

Esdras 5:13

Moqon chik laj Siro, sa' li xb'een chihab' rokik cho'q awab'ej re Babilonia, kixtaqla xkab'lankil wi' chik li rochoch li Yos a'in.

Esdras 6:7

ut kanab'omaq li xjolomileb' laj Judá ut eb' laj k'amol xb'eheb' chi k'anjelak re naq te'xkab'la wi' chik li rochoch li Yos sa' li xna'aj.

Salmos 132:13

Xb'aan naq li Qaawa' kixsik' ru li tzuul Sión ut kixxaqab' cho'q xloq'laj muheb'aal:

Isaías 44:28

Ut laa'in ninye re laj Siro: «Aj k'anjelat chiwu, laa'at taab'aanu chixjunil li wajom»; ut ninye re Jerusalén: «Tattenamito'q wi' chik»; ut ninye ajwi' naq taayiib'amanq wi' chik linloq'laj ochoch arin Sión”.