Efesios 6:8 - Q'eqchi Bible

⁸ nekenaw chi us naq li junjunq, us ta wank laj eechal re us ta maak'a', toxk'ul xq'ajkamunkil xb'aan li Qaawa' wi chaab'il k'anjel xb'aanu.

Li Santil hu

⁸ La̱ex nequenau nak cui cha̱bil te̱ba̱nu che̱junju̱nkal aꞌan ajcuiꞌ li re̱kaj te̱cꞌul riqꞌuin li Ka̱cuaꞌ usta cuan e̱patrón usta ma̱cꞌaꞌ.

Efesios 6:8 ပူးပေါင်းရင်းမြစ်များ

Colosenses 3:24

nekenaw naq li Qaawa' tixk'e eere li choxahil maatan cho'q eeq'ajkamunkil. Laj eechal eere li nekek'anjela ru, a'an li Kriist.

San Lucas 14:14

ut taataw xsahil aach'ool rik'in naq ink'a' te'ruuq xk'eeb'al reeqaj aawe: toj sa' li xwaklijikeb' chi yo'yo li tiikeb' xch'ool taak'eemanq aaq'ajkamunkil.

Colosenses 3:11

Arin maak'a' chik aj griego ut aj Judiiy, maak'a' chik li xk'ulum li sirkunsisyon ut li ink'a', maak'a' chik li jalan xtenamit, li ch'ol winq, laj loq'b'il k'anjel ut li ach'ab'anb'il, a' b'an li Kriist a'an chixjunil ut wank sa' chixjunileb'.

2 Corintios 5:10

Xb'aan naq chiqajunilo tento toxqak'ut qib' sa' xraqleb'aal aatin li Kriist re naq li junjunq tixk'ul xq'ajkamunkil, a' yaal chanru li xb'aanuhom, ma us malaj ink'a' us xb'aanu naq xwank sa' ruuchich'och'.

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

San Mateo 6:4

re naq li k'aru xasi wanq sa' muqmu; ut laaYuwa' li naril li wank sa' muqmu, tatxq'ajkamu.

Proverbios 11:18

Li yib'ru xna'leb' moko ch'olch'o ta li xq'ajkamunkil; a'ut li naxb'aanu li tiikilal, a'an ch'olch'o li xtojb'al.

Hebreos 10:35

Anaqwan b'i', kawaq taxaq eech'ool sa' leepaab'aal xb'aan naq chi jo'kan teek'ul xnimal eeq'ajkamunkil.

Proverbios 23:18

Chi jo'kan sa toxaawil li kutan chaalel, ut taatz'aqloq ru laawoyb'enihom.

Hebreos 11:26

Naxk'oxla naq q'axal chik loq' li b'ihomal nachalk sa' xk'ab'a' li xnimal xrahilal li Kriist chiru chixjunil li xb'ihomal li tenamit Ejiipt, xb'aan naq kaw xch'ool chirix li xq'ajkamunkil.

Gálatas 3:28

Maak'a' chik aj judiiy chi moko aj griego; maak'a' chik aj loq'b'il k'anjel chi moko aj ach'ab'anb'il k'anjel; maak'a' chik winq chi moko ixq, xb'aan naq chejunilex laa'ex junex aj chik rik'in li Kristo Jesus.

San Mateo 6:1

“Chereek'ahaq eerib', meeb'aanu li us chiruheb' li tenamit yal re naq tex'ile'q xb'aaneb'; wi jo'kan teeb'aanu, maak'a'aq leeq'ajkamunkil rik'in leechoxahil Yuwa'.

San Mateo 5:12

Chexsaho'q, chiwanq xnimla sahil eech'ool, xb'aan naq leeq'ajkamunkil nimaq sa' choxa. Jo'kan ajwi' naq ke'rahob'tesiik eb' li propeet li ke'wank chaq junxil cheru laa'ex.

Isaías 3:11

Ab'an toq'ob' ru li ink'a' us xna'leb', xb'aan naq taaq'ajkamuuq jo' chanru li xyehom xb'aanuhom.

San Lucas 6:35

“A'ut laa'ex cherahaqeb' li xik' neke'ilok eere, chex'usilanq ut chexk'ehoq chi to' chi ink'a' teeroyb'eni reeqaj: jo'kan naq nimaq leeq'ajkamunkil ut laa'exaq ralal li Nimajwal, xb'aan naq A'an chaab'il rik'ineb' li ink'a' neke'xnaw yoxink ut rik'ineb' li ink'a' useb' xch'ool.

1 Corintios 12:13

Xb'aan naq kub'sinb'il qaha' rik'in jun chi Musiq'ej re xk'uub'ankil ru jun chi tz'ejwalej chiqajunilo laa'o, us ta aj judiiy malaj aj griego, eb' li loq'b'il moos ut eb' li ach'ab'anb'ileb'. Ut chiqajunilo xoo'uk'ak rik'in jun chi Musiq'ej.

Colosenses 3:25

Chek'e reetal, li nab'aanunk re li ink'a' us, taaq'ajkamuuq jo' chanru xb'aanu, xb'aan naq li Yos juntaq'eet narileb' chixjunil.

San Mateo 20:7

Ke'xsume ut ke'xye: Xb'aan naq maa'ani xyehok k'anjelak qe. Kixye ut reheb': «Ayuqex ajwi' laa'ex sa' li wawimq».