Efesios 5:5 - Q'eqchi Bible

⁵ Chiwanq sa' eech'ool naq maajun aj ko'b'eet aj yumb'eet, aj muxul rib' malaj aj rahol ru b'ihomal (a'an juntaq'eet rik'in li jalan loq'onink) taatz'aqonq sa' li xnimajwal awab'ejihom li Kriist jo'wi' re li Yos.

Li Santil hu

⁵ Te̱nau chi tzꞌakal nak li nequeꞌxba̱nu ma̱usilal incꞌaꞌ teꞌtzꞌako̱nk saꞌ lix nimajcual xcuanquilal li Cristo ut li Dios. Chi moco eb laj coꞌbe̱t ut eb laj yumbe̱t chi moco li nequeꞌxrahi li jalan aj e xban nak li ma̱c aꞌan juntakꞌe̱t riqꞌuin xlokꞌoninquil li jalanil dios.

Efesios 5:5 ပူးပေါင်းရင်းမြစ်များ

Gálatas 5:21

sowenk, kalaak, num wa'ak num uk'ak, ut wank chik xkomon jo'keb' a'in. Chirix a k'a'aq re ru a'in ak inyehom eere, ut ninjultika wi' chik cheru naq eb' li neke'b'aanunk re chixjunil a'in moko te'reechani ta li xnimajwal awab'ejihom li Yos.

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

Colosenses 3:5

Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink.

Efesios 5:3

Li ko'b'eetak yumb'eetak ut chixjunil li maa'usilal malaj xrahinkil ru li b'ihomal chi moko chi'ab'imanq sa' eeyanq, xb'aan naq moko xk'ulub'eb' ta chik eb' laj santil paab'anel.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Gálatas 5:19

Nawno chi us k'aru nachalk rik'in li tz'ejwalej: ko'b'eetak yumb'eetak, muxuk ib', jo'maajo'il wank,

Hebreos 13:4

Chejunilex cheroxloq'i li sumlaak ut maak'a' k'aru teeb'alaq'i wi' eerib', xb'aan naq li Yos taaraqoq aatin sa' xb'eeneb' laj ko'b'eet laj yumb'eet jo' ajwi' sa' xb'eeneb' laj muxul sumsu.

1 Timoteo 6:10

Xb'aan naq li xxe' chixjunil li maa'usilal a'an li xrahinkil ru li tumin. Wankeb' xkoheb' xch'ool chirix a'an; jo'kan naq xe'elk sa' li paab'aal, ut xiikil li rahilal xe'tawasiik wi'.

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

Éxodo 20:17

“Maarahi ru li rochoch laawas aawiitz'in. Maarahi ru li rixaqil, li winq ut li ixq li neke'k'anjelak chiru, chi moko li xb'ooyx, li xb'uur; tik maak'a' ab'i e taarahi”.

Josué 7:21

sa' xyanq li k'aru xqachap sa' li tenamit Jerikó xwil jun li ch'ina'usil t'ikr re Senahar, lajeeb'k'aal chi tumin plaat ut numenaq tana jun liib'r chi oor, k'ajo' naq xe'wulak chiwu; ut xink'uulaheb' cho'q we. Muqb'ileb' sa' ch'och' anaqwan, sa' xyi linmuheb'aal, ut chi rub'el wank li tumin plaat”, chan.

Hechos 8:21

Moko aak'ulub' ta tz'aqonk b'ayaq qik'in, xb'aan naq moko tiik ta laach'ool chiru li Yos.

Hechos 20:32

“Anaqwan texinkanab' sa' ruq' li Yos ut rik'in li Aatin naxye resil li xrahom: a'in wank xwankil chetenq'ankil chi kab'laak sa' li paab'aal jo' ajwi' chi xk'eeb'al eere li xyeechi'om li Yos, eerochb'eenaqeb' chixjunil li santob'resinb'ileb'.

Colosenses 1:13

A'an ki'isink qe sa' xwankil li aak'ab' ut kooroksi sa' li x'awab'ejihom li xraarookil Alal