Efesios 5:21 - Q'eqchi Bible

²¹ Chepaab'aq eerib' cherib'il eerib' sa' xk'ab'a' roxloq'inkil li Kriist.

Li Santil hu

²¹ Chepa̱bak e̱rib chi ribil e̱rib re xqꞌuebal xlokꞌal li Cristo.

Efesios 5:21 ပူးပေါင်းရင်းမြစ်များ

Filipenses 2:3

Mik'a' eeb'aanu sa' q'etq'etil chi moko yal re xnimob'resinkil eerib', chekub'siiq b'an eewankil; li junjunq tixk'oxla naq eb' li xkomon q'axal ninqeb' chik xwankil chiru.

Efesios 5:24

Jo' naq li Iklees naxpaab' li Kriist, jo'kanaqeb' ajwi' eb' li ixq: che'xpaab' li xb'eelom rik'in chixjunil.

Efesios 5:22

Eb' li ixq che'xpaab' li xb'eelom jo' naq neke'xpaab' li Qaawa',

1 Pedro 5:5

Jo'kan ajwi' laa'ex li saaj al, chexpaab'anq chiruheb' li xcheekel winqilaleb' li Iklees, ut chetiqib'aq eerib' chejunilex rik'in q'unil ch'oolej cherib'il eerib', xb'aan naq: “Li Yos xik' narileb' li b'ach'b'ach'eb', ab'an narusilaheb' li q'uneb' xch'ool”.

Hebreos 13:17

Chex'ab'inq chiruheb' laj k'amol eeb'e xb'aan naq eb' a'an neke'yo'lek chirix leeyu'am jo'eb' li toxe'xq'axtesi ru li xk'anjeleb' cherix laa'ex. Chepaab'aqeb' re naq te'xb'aanu a'in rik'in sahil ch'oolej, ut ink'a' chi rahaqeb' sa' xch'ool, xb'aan naq a'an moko tixk'am ta chaq usilal cho'q eere.

1 Pedro 2:17

Cheroxloq'i chixjunileb', cherahaq leeras eeriitz'in, chexiwa ru li Yos ut cheroxloq'i li awab'ej.

1 Timoteo 3:4

Tento naq tixnaw xjolominkil chi us li xjunkab'al, paab'ajelaq ut oxloq'inb'ilaq xb'aaneb' li ralal xk'ajol,

Gálatas 5:13

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

1 Timoteo 2:11

Eb' li ixq sa' li ch'utam che'ab'inq chi chaab'il ut che'paab'anq chi us.

1 Corintios 16:16

Nintz'aama cheru naq chexpaab'anq chiruheb', jo' ajwi' chiru chixjunileb' li neke'okenk chi k'anjelak rochb'eeneb'.

Proverbios 24:21

At walal ink'ajol, chawoxloq'i li Yos ut li awab'ej, ut maajunaji aawib' rik'ineb' laj q'etol aatin,

Nehemías 5:15

Ab'anan eb' laj taqlanel li ke'wank xb'een chiwu laa'in, ke'numtaak chi taqlank sa' xb'een li tenamit: rajlal kutan neke'xpatz' reheb' ka'k'aal chi tumin plaat jo' xkub'siil cho'q re li xwa ruk'a'eb'. Jo'kan ajwi' ke'xb'aanu eb' laj k'anjel chiruheb'. A'ut laa'in maajun wa kinb'aanu a'an xb'aan naq ninxiwa ru li Yos.

2 Crónicas 19:7

Jo'kan utan, chexiwaaq ru li Qaawa' ut chek'ehaq reetal li k'aru teeb'aanu, xb'aan naq li Qaawa' li qaYos a'an tiik xch'ool, ink'a' naxti ruheb' li poyanam, chi moko naraj naq taatuminaaq eeru”.

1 Pedro 2:13

Sa' xk'ab'a' li Qaawa' chexpaab'anq chiruheb' chixjunil li neke'taqlank sa' ruuchich'och': jo' chiru li awab'ej, xb'aan naq nim xwankil,

2 Corintios 7:1

Ex was wiitz'in raarookex inb'aan, qe laa'o yeechi'inb'il chaq chixjunil a'an. Jo'kan naq qach'ajob'resiiq qib', qisihaq chixjunil li tz'ajnil wank chiqix ut li xtz'ajnil li musiq'ej, qoxloq'iiq li Yos ut qatz'aqob'resiiq ru li qasantilal.

Nehemías 5:9

Ut laa'in kinye reheb': “Moko us ta li yookex xb'aanunkil. Tento raj sa' eeb'een roxloq'inkil li qaYos re naq ink'a' toohe'xhob' li tenamit li xik' neke'ilok qe.

1 Crónicas 29:24

Chixjunileb' laj jolominel ut li kaweb' xch'ool chi yalok, rochb'eeneb' chixjunileb' li ralal xk'ajol laj David li awab'ej, ke'xk'e xloq'al laj Salomón li awab'ej.

Génesis 16:9

Ut li x'ánjel li Qaawa' kixye re: “Sutq'in wi' chik rik'in laj eechal aawe ut paab'an chiru”.

2 Corintios 5:11

Laa'o naqanaw naq tento roxloq'inkil li Qaawa'. Jo'kan naq naqayal qaq'e chi xq'unb'esinkil xch'ooleb' li tenamit. Li Yos naxnaq k'aru wank sa' qach'ool, ut nawoyb'eni naq laa'ex ajwi' teenaw qu chi us.