Efesios 5:11 - Q'eqchi Bible

¹¹ ut mex'okenk chi xb'aanunkil xk'anjel li aak'ab' li maak'a' na'ok wi', jwal us b'an naq teerisi chi kutankil re xjitb'al.

Li Santil hu

¹¹ Me̱junaji chic e̱rib riqꞌuineb li incꞌaꞌ nequeꞌxnau xya̱lal ut nequeꞌxba̱nu li cꞌaꞌak re ru ma̱cꞌaꞌ na-oc cuiꞌ. La̱ex ban chic texchꞌoloba̱nk re lix ya̱lal chiruheb nak incꞌaꞌ us yo̱queb.

Efesios 5:11 ပူးပေါင်းရင်းမြစ်များ

Romanos 13:12

Li q'oqyink ak yo chi nume'k ut li kutan we' chaq. Qatz'eqaq b'i' xk'anjel li aak'ab' ut qatiqib'aq qib' rik'ineb' xk'anjelob'aal li kutan saqenk.

1 Timoteo 5:20

Eb' li yookeb' chi maakob'k, chaq'useb' chiruheb' chixjunil re naq chi'okaq xxiweb' li xkomon.

2 Ts 3:6

Ex qas qiitz'in, sa' xk'ab'a' li Qaawa' Jesukriist nekexqachaq'rab'i naq cherisi eerib' sa' xyanqeb' chixjunil li qas qiitz'in li wankeb' chi sachsookeb' xch'ool ut ink'a' neke'xb'aanu jo' chanru leetijb'al eek'ulum qik'in.

Romanos 16:17

Nintz'aama cheru, ex was wiitz'in, naq chekolaq eerib' chiruheb' li neke'yoob'ank jachok ib' ut luktesink ch'oolej xb'aan xxik'b'al rilb'al leetzolb'al eek'ulum chaq. Meejunaji eerib' rik'ineb',

Apocalipsis 18:4

Moqon kiwab'i jun chik xyaab' kuxej yo chi xyeeb'al sa' choxa: “Elenqex chaq Babilonia, ex intenamit: mare anchal tex'okenq sa' li xmaakeb' ut toxexxtaw li xrahilaleb'.

Tito 2:15

Kama' a'an tat-aatinaq, chak'eheb' xna'leb' ut chaq'useb' chi wanq aawankil. Maa'ani chitz'eqtaananq aawe.

2 Ts 3:14

Wi wank junaq ink'a' naxpaab' li xqaye sa' li hu a'in, k'ehomaq reetal ut meejunaji eerib' rik'in re naq chixutaanaq.

Romanos 6:21

Ab'an k'aru xera chaq rik'in a k'a'aq re ru a'in li nekexxutaanak wi' anaqwan? Xb'aan naq a' li kamk nakoxraqe'q wi'.

2 Timoteo 4:2

chapuktesi li Aatin, chayal aaq'e chi xb'aanunkil a'in naq tixk'e rib' ut naq ink'a'; chatq'usuq, chak'ehaq xna'leb'eb' ut chawaklesi xch'ooleb' rik'in xnimal aakuyum ut aana'leb'.

2 Timoteo 3:5

aj paab'aneleb' naq te'xb'aanu rib', a'ut te'xtz'eqtaana li us. Maajunaji aawib' rik'ineb' a'an.

Gálatas 6:8

Ani na'awk cho'q re li xtz'ejwal, a' li q'aak tixq'ol rik'in li tz'ejwalej; ani na'awk cho'q re li musiq'ej, rik'in li Musiq'ej tixq'ol li junelik yu'am.

Proverbios 29:1

Li winq li ink'a' nawulak chiru li q'use'k taasache'q ru chi junpaat ut chi junwaakaj.

Proverbios 13:18

Xutaanal ut neb'a'il tixtaw li ink'a' naraj q'use'k; a'ut li naxk'e sa' xch'ool li tijb'al, taak'ehe'q xloq'al.

Levítico 19:17

“Maak'uula sa' aach'ool xxik'b'al rilb'al laawas aawiitz'in. “Chaq'us sa' xyaalal laawas re naq ink'a' tattz'aqonq sa' li xmaak.

1 Ts 5:7

Xb'aan naq eb' li neke'wark, chi q'eq neke'wark; ut eb' li neke'kalaak, chi q'eq neke'kalaak.

San Lucas 3:19

Laj Herodes, li nataqlank sa' xb'een Galilea, kaw naq'use'k xb'aan laj Jwan xmaak li xHerodías, rixaqil li riitz'in, jo' ajwi' xmaak chixjunil li maa'usilal kilajxb'aanu.

Efesios 5:7

Mex'okenk rik'ineb',

Efesios 4:22

Xetzol risinkil cherix li na'leb' keroksi junxil, a' li najteril winq li naq'aak rik'in li naq'unb'esiik wi' xb'aan li ruuchich'och'.

Isaías 29:21

eb' li neke'q'ab'ank re jalan chik chi xb'aanunkil li maa'usilal ut neke'xb'alaq'i eb' laj raqol aatin, li neke'tik'ti'ik re naq ink'a' taakolmanq rix li maak'a' xmaak.

Proverbios 25:12

Jo' junaq matq'ab' oor ut junaq chaab'il q'ol, jo'kan li chaab'il q'usuk cho'q re li naxkuy rab'inkil.

Salmos 141:5

Chinxq'us ta ut chinxtij li tiik xch'ool xb'aan inraab'al; a'ut maajoq'e taxaq chixyul linjolom li xsununkil b'an li ink'a' us xna'leb', re naq ink'a' tintz'aqonq rik'in li xmaa'usilal.

Génesis 20:16

Kixye ajwi' re lix Sara: “K'e reetal, xink'e re laawas lajeek'aal rox o'q'ob' (1,000) chi tumin plaat re naq maajun sa' xyanqeb' li wankeb' aawik'in taajitoq aawe. Chi jo'kan chaab'ilaq laawesil chi junelik”, chan.

Proverbios 19:25

Charap chi tz'uum li q'etq'et, ut eek' chik wanq li kach'in xna'leb'. Ab'anan wi seeb' laak'a'uxl, tz'aqal laaq'usb'al re naq taatzol aawib'.

Proverbios 15:12

Li q'etq'et ink'a' naxra li naq'usuk re, chi moko nawulak chiru wank rik'ineb' li chaab'ileb' xna'leb'.

San Mateo 18:15

“Wi laawas aawiitz'in taamaakob'q chawu, ayu ut, naq wanqex eejunes, chaq'usaq. Wi nakatrab'i, xakol laawas aawiitz'in.

Jeremías 15:17

Maajun wa xinwank sa' xyanqeb' li neke'ch'uch'ib'k chi moko sa' xyanqeb' li neke'sub'uk kutan; junelik xinb'eek injunes xb'aan naq laa'at wankat wik'in, ut laajosq'il na'eek'asink re linch'ool.

Proverbios 1:31

Jo'kan naq teek'ul reeqaj leeb'aanuhom ut texnujaq rik'in leeyib' aj na'leb'.

1 Timoteo 6:5

ut k'iila wech'ink: eb' li neke'b'aanunk re a'in, a'aneb' li po'jenaqeb' xk'a'uxl, ut maak'a' li yaal rik'ineb'; neke'xk'oxla naq rik'in li paab'ank te'xtaw xtumineb'.

Proverbios 1:10

Wi eb' laj maak te'raj aatakchi'inkil, maapaab'eb', at walal.

Proverbios 28:4

Li naxtz'eqtaana li chaq'rab' nasaho'k xch'ool chirixeb' li ink'a' useb' xna'leb'; ab'an li tiik xch'ool xik' narileb'.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

Efesios 5:12

Xutaanal ajwi' xyeeb'al li b'arwan neke'xb'aanu eb' a'an chi muqmu.

Colosenses 1:12

chexyoxinq rik'in sahil ch'oolej chiru li Yuwa'b'ej li xk'ehok eere chi tz'aqonk sa' li xmaataneb' laj santil paab'anel sa' li saqenk.

1 Timoteo 5:22

Maaseeb'a aawib' chi xk'eeb'al laawuq' sa' xb'een anihaq. Mattz'aqonk rik'in xmaak anihaq ut wanqat chi saq ru laach'ool.