Efesios 4:5 - Q'eqchi Bible

⁵ Jun ajwi' chi Qaawa', jun chi paab'aal, jun chi kub'iha',

Li Santil hu

⁵ Jun ajcuiꞌ li Ka̱cuaꞌ cuan ut jun ajcuiꞌ li kapa̱ba̱l cuan ut jun ajcuiꞌ li cubi haꞌ nakacꞌul saꞌ xcꞌabaꞌ li Cristo.

Efesios 4:5 ပူးပေါင်းရင်းမြစ်များ

1 Corintios 8:6

ab'an chiqu laa'o jun ajwi' chi Yos wank, a' li Yuwa'b'ej, li nachalk wi' chixjunil li k'a'aq re ru; cho'q re a'an naq yo'yooko. Jo'kan ajwi' chiqu laa'o wank jun ajwi' chi Qaawa', a' li Jesukriist: sa' xk'ab'a' a'an wank chixjunil, ut laa'o yo'yooko sa' xk'ab'a' a'an.

1 Corintios 12:13

Xb'aan naq kub'sinb'il qaha' rik'in jun chi Musiq'ej re xk'uub'ankil ru jun chi tz'ejwalej chiqajunilo laa'o, us ta aj judiiy malaj aj griego, eb' li loq'b'il moos ut eb' li ach'ab'anb'ileb'. Ut chiqajunilo xoo'uk'ak rik'in jun chi Musiq'ej.

1 Pedro 3:21

Li ha' a'an reetalil li kub'iha' kolb'ilex wi' laa'ex anaqwan: a'an maawa' yal risinkil xtz'ajnil li tib'elej, a'an b'an xtz'aamankil jun chaab'il ch'oolej cho'q re li Yos sa' xk'ab'a' li xwaklijik chi yo'yo li Jesukriist,

Romanos 3:30

Xb'aan naq li Yos jun ajwi' chirib'il: a'an taatiikob'resinq re xch'ooleb' li xk'ulumeb' li sirkunsisyon, sa' xk'ab'a' li paab'aal; ut tixtiikob'resi xch'ooleb' li ink'a' xk'ulumeb' li sirkunsisyon, sa' xk'ab'a' ajwi' li paab'aal.

San Mateo 28:19

Ayuqex b'i', ut k'ehomaqeb' cho'q intzolom chixjunileb' li tenamit. Teekub'siheb' xha' sa' xk'ab'a' li Yuwa'b'ej, li K'ajolb'ej ut li Santil Musiq'ej,

1 Corintios 1:13

Ma jachinb'il tab'i' li Kriist? Ma xk'ehe'k tab'i' laj Pablo chiru krus sa' eek'ab'a' laa'ex? Malaj xkub'siik eeha' sa' xk'ab'a' laj Pablo?

San Judas 1:3

Ex inrahom, q'axal xink'e inch'ool chi tz'iib'ak eerik'in chirix li qakolb'al naqawotz sa' komonil; ab'an anaqwan tz'aqal xweek'a naq tento tintz'iib'aq eerik'in re xtz'aamankil naq teeyal eeq'e chi xkolb'al rix li paab'aal li kiq'axtesiik chi junwaakaj reheb' laj santil paab'anel.

2 Corintios 11:4

Xb'aan naq yalaq ani taawulaq chi xpuktesinkil resil jalan chik Jesus chiru li ak xqapuktesi eere, yalaq ani tixk'ut cheru xk'ulb'al jalan chik Musiq'ej chiru li ak xek'ul malaj jalan chik Chaab'il Esilal chiru li ak eek'ulum, teepaab' aj raj wi' chi junpaat!

Zacarías 14:9

Ut li Qaawa' taa'awab'ejinq re chixjunil li ruuchich'och'. Sa' li kutan a'an junaq ajwi' li Qaawa' ut junaq ajwi' li xk'ab'a'.

Filipenses 2:11

ut li junjunq tixch'olob' rik'in xtz'uumal re naq li Jesukriist a'an li Qaawa', re li xnimal xloq'al li Yos Yuwa'b'ej.

Efesios 4:13

toj reetal taaqeechani li junajil chiqajunilo; junajaq li qapaab'aal ut junajaq ru li xnawb'al ru li Ralal li Yos, toj reetal naq laa'aqo li Winq tz'aqal re ru, tz'aqalaq qe qu jo' naq tz'aqal re ru li Kriist.

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.

1 Corintios 12:5

Jalan jalanq li qak'anjel, ab'an li Qaawa' a'an ajwi'.

1 Corintios 1:2

nintz'iib'ak rik'in li x'Iklees li Yos li wank Korinto, eerik'in laa'ex li santob'resinb'ilex sa' xk'ab'a' li Kristo Jesus, eerik'in laa'ex li b'oqb'ilex chi wank sa' santilal, eerochb'een chixjunileb' li neke'xyaab'a xk'ab'a' li Qaawa' Jesukriist yalaq b'ar, a'an li qaQaawa' laa'o ut xQaawa' li santil tenamit.

San Judas 1:20

A'ut laa'ex raarookex inb'aan, kab'lahomaq eerib' sa' leepaab'aal li q'axal sant, ut tijonqex sa' li Santil Musiq'ej.

Hebreos 13:7

Jultikaq eere eb' laj k'amol eeb'e li ke'ch'olob'ank raatin li Yos cheru. Chek'ehaq reetal chanru xo'raqe'q wi' li xyu'ameb', ut k'amomaq eere rik'in li xpaab'aaleb'.

Hebreos 6:6

wi neke't'ane'k wi' chik, ramro chiruheb' naq te'ak'ob'resiiq wi' chik rik'in yot'b'ach'oolej jalb'ak'a'uxl, xb'aan naq neke'xchirib' wi' chik chiru krus li Ralal Li Yos ut neke'xk'e sa' xutaan chiruheb' li tenamit.

Tito 1:4

Jo'kan naq nintz'iib'ak aawik'in, a Tito, tz'aqal walalat sa' li qapaab'aal. Chiwanq taxaq aawik'in li usilal ut li tuqtuukilal nachalk rik'in li Yos Yuwa'b'ej ut rik'in li Kristo Jesus laj Kolol qe.

Tito 1:1

Laa'in laj Pablo, xmoos li Yos ut x'apóstol li Jesukriist re naq li sik'b'ileb' ru xb'aan li Yos te'ok sa' li paab'aal ut te'xnaw chi us li yaal jo' chanru naraj li paab'ank

Filipenses 3:8

A wi' chik a'in: chiwu laa'in chixjunil li k'a'aq re ru maak'a' na'ok wi' sa' xk'ab'a' li xnimal xloq'al xnawb'al ru li Kristo Jesus, linQaawa'. Sa' xk'ab'a' a'an xintz'eq chirix inch'ool chixjunil li k'a'aq re ru ut yal mul aj chik naq nawil, re naq tweechani li Kriist

Hechos 10:36

A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal sa' xk'ab'a' li Jesukriist, a' li xQaawa' chixjunil li ruuchich'och'.

Hechos 2:36

“Che'xnawaq b'i' chixjunileb' li ralal xk'ajol laj Israel naq li Jesus a'in li xek'e laa'ex chiru krus, a'an kixaqab'aak xb'aan li Yos cho'q Qaawa' ut Kriist”.

2 Pedro 1:1

Laa'in laj Simón Pedro, xmoos ut x'apóstol li Jesukriist, nintz'iib'ak rik'ineb' li xe'xmaatani li qaloq'laj paab'aal sa' xk'ab'a' li xtiikilal xch'ool li Jesukriist, a'an li qaYos ut aj Kolol qe.

Santiago 2:18

Jo'wi' anchal junaq taayehoq: “Laa'at wank aapaab'aal, a'ut laa'in wank inb'aanuhom. K'ut chiwu laapaab'aal li maak'a' xb'aanuhom, ut laa'in tink'ut chawu linpaab'aal rik'in linb'aanuhom”.