Efesios 4:31 - Q'eqchi Bible

³¹ Chixjunil li k'ahink, josq'il, po'ok ch'oolej, choqink, majewank isinb'ilaq taxaq eerik'in, jo' ajwi' chixjunil li maa'usilal.

Li Santil hu

³¹ Isihomak saꞌ le̱ chꞌo̱l chi junaj cua li cꞌahi̱nc, li joskꞌil, ut li poꞌoc ib. Joꞌcan ajcuiꞌ li choki̱nc ib ut li majecua̱nc. Checanabak chi junaj cua chixjunil li ma̱usilal.

Efesios 4:31 ပူးပေါင်းရင်းမြစ်များ

Colosenses 3:8

A'ut anaqwan kanab'omaq chirix leech'ool chixjunil a'in: li josq'il, li k'ahij ib', li maa'usilal, li majewank ut li yib' aj aatin!

Eclesiastés 7:9

Matjosq'o'k sa' junpaat, xb'aan naq li josq'il wank sa' xch'ooleb' li jipeb'.

1 Pedro 2:1

Jo'kan utan, tz'eqtaanahomaq chixjunil li maa'usilal, chixjunil li b'alaq'il, ka'pak'al uhil, kaqalink ut chixjunil li majewank.

Santiago 1:19

Ex was wiitz'in raarookex inb'aan, chiwanq sa' eech'ool a'in: li junjunq seeb'aq xch'ool chi ab'ink, chixkuyaq rib' chi aatinak ut chixkuyaq rib' chi josq'o'k.

Colosenses 3:19

Ex b'eelomej, chera leerixaqil ut meeyoob' xk'aheb'.

Santiago 3:14

Ab'anan wi q'axal aj kaqalex ut nekexsemsotk chi wech'ink k'a'uxl, meenimob'resi eerib' chi xyeeb'al naq wank eena'leb'. Rik'in xb'aanunkil a'an nekesutq'isi li yaal cho'q tik'ti'.

Efesios 4:26

Wi texjosq'oq, k'ehomaq reetal naq mexmaakob'k; mixulq'i li saq'e chi toj yooq leejosq'il,

1 Juan 3:12

Ink'a' jo'aqo laj Kaín: a'an re li maa'us ut kixkamsi li riitz'in. K'a'ut naq kixkamsi? Xb'aan naq ink'a' useb' li xb'aanuhom, ut li riitz'in a' li chaab'ilal naxb'aanu.

Salmos 101:5

Li naxyoob' aatin sa' muqmu chirix li ras riitz'in, a'an tintz'eqtaana chi junajwa. Li naxq'etq'eti rib' ut naxnima xwankil, a'an ink'a' tinkuy xmaak.

Santiago 4:11

Ex was wiitz'in, meewech' eerix cherib'il eerib'. Ani naxwech' rix junaq ras riitz'in malaj naraqok aatin chirix li rech aj paab'anelil, naxwech' rix li Chaq'rab' ut naraqok aatin sa' xb'een li Chaq'rab'; ut wi nakaraq aatin sa' xb'een li Chaq'rab', maawa'at chik aj paab'ahom re, aj raqolat b'an chik aatin sa' xb'een li Chaq'rab'.

Proverbios 26:20

Naq na'oso'k li si', nachupk li xam; ut naq na'so'k li tik'ti', nach'anaak li raaxiik'.

Tito 1:7

Xb'aan naq laj ilol re li Iklees, jo' aj k'anjel chiru li Yos, tento naq maak'a'aq xq'usb'al; moko q'etq'etaq ta, ink'a' ch'inpo'aq chi moko aj kalajenaq, maawa'aq aj yoob'anel ch'a'ajkilal chi moko aj rahol ru tumin sa' b'alaq',

1 Timoteo 3:11

Jo'kanaqeb' ajwi' li ixq, tento naq tiikaqeb' xch'ool, maawa'aqeb' aj yoob'anel aatin, tuqtuuq b'an xna'leb'eb' ut tiikaqeb' xch'ool rik'in chixjunil.

2 Corintios 12:20

Relik chi yaal naq yo inxiw: mare anchal tinwulaq eerik'in chi ink'a' toxexintaw jo' nawaj laa'in, chi moko tineetaw laa'ex jo' chanru raj teeraj. Mare toxintaw jachok ib', kaqalink, josq'il, wech'ij ib', q'ab'ank, molok aatin, q'etq'etil, po'oj ib'.

1 Corintios 14:20

Ex was wiitz'in, meek'uula'ali eerib' rik'in leena'leb'; k'uula'alaqex b'an chiru li maa'usilal, ut cheekel winqaqex rik'in leena'leb'.

Proverbios 29:22

Li sa' junpaat najosq'o'k, naxyoob' raaxiik'; ut laj q'etol chaq'rab' k'iila sut namaakob'k.

Proverbios 14:17

Li sa' junpaat najosq'o'k ink'a' naxk'oxla li naxb'aanu; ut li naxnaw k'oxlak, wank xkuyum.

Proverbios 10:18

Laj tik'ti' naxmuq li xik'il uuchink; ut li ani nawulak chiru molok tik'ti', a'an maak'a' xna'leb'.

Proverbios 10:12

Li xik'il uuchink nayoob'ank raaxiik'; a'ut li rahok naxkuy chixjunil li maak.

1 Timoteo 5:13

Jo'wi' anchal, neke'k'ayk chi sub'uk kutan ut neke'xtzol rib' chi xik chirehatq kab'lal; ut moko ka'aj ta wi' sub'uk kutan neke'xb'aanu, neke'molok aj b'an wi' aatin, neke'xch'ik rib' yalaq b'ar ut neke'xye li moko yehe'k ta naraj.

Gálatas 5:20

xloq'oninkil li yal k'oxlanb'il yos, tuulak, xik'il uuchink, po'ok ru junajil, kaqalik, josq'ink, yoob'ank raaxiik', wech'ij ib', jachok ib',

1 Corintios 5:8

Jo'kan utan, ninq'ehiqo ink'a' rik'in najter ch'amal q'em chi moko rik'in xch'amal li lab'al malaj li maa'usilal, rik'inaq b'an li wa maak'a' xch'amal, naraj naxye chi saqaq ru li qach'ool ut sa' xyaalal.

Romanos 3:14

Li xsa' reheb' nujenaq chi majewal ut xik' aj aatin.

Proverbios 25:23

Li iq' nachalk chaq sa' releb'l iq' naxk'am chaq li hab'. Jo'kan ajwi' li b'alaq'il aatin nayoob'ank josq'il.

Proverbios 18:8

Li tik'ti'ik, a'an chanchan li saa'us: cham naxik, toj sa' xchamal li ch'oolej!

Proverbios 6:19

li q'ab'ank sa' li raqleb'aal aatin ut li yoob'ank raaxiik' sa' xyanqeb' li tenamit.

Salmos 140:11

Chichalq ta lochlookil ru xam sa' xb'eeneb', ut che'sub'e'q ta sa' xchamal li jul b'arwi' ink'a' chik te'ruuq chi wakliik.

Salmos 64:3

Chinaamuq chiruheb' li neke'k'uub'ank raaxiik', chiruheb' li neke'xmululi rib' chi xb'aanunkil li maa'usilal.

Salmos 50:20

Nakachunub' aawib' chi aatinak chirix xjolom laawas aawiitz'in, ut a' ajwi' laawiitz'in nakamajewa.

Salmos 15:3

ut ink'a' nayoob'ank aatin chirix anihaq; li ink'a' naxb'aanu maa'usilal re li ras riitz'in chi moko na'aatinak chirix xjolom li rechkab'al;

2 Samuel 19:27

A'ut a'an xyoob' aatin chiwix chawu laa'at li awab'ej, laj eechal we. Ab'anan laa'at chanchanat jun x'ánjel li Yos ut ninnaw naq taab'aanu li k'aru us cho'q aawe.

Génesis 37:4

Naq eb' li ras ke'xk'e reetal naq q'axal raaro laj José xb'aan li xyuwa' chiru chixjunileb' li ralal, xik' neke'ril ut tik ink'a' chik neke'raatina.

Génesis 27:41

Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

Génesis 4:8

Chirix chik a'an kixye laj Kaín re laj Abel li riitz'in: “Yo'o sa' k'aleb'aal”. Ut naq wankeb' sa' k'aleb'aal, laj Kaín kixkut rib' sa' xb'een laj Abel li riitz'in ut kixkamsi.

Apocalipsis 12:10

Toja' naq kiwab'i jun xyaab' kuxej sa' choxa, kaw yo chi xyeeb'al: “Anaqwan ak xk'ulunk li kolb'a ib', li xnimal xloq'al ut li x'awab'ejihom li qaYos ut li xwankilal li xKriist, xb'aan naq xkute'k chaq taq'a laj jitol reheb' li qiitz'in, a' li najitok reheb' chiru li qaYos chi q'eq ut chi kutan.

1 Juan 3:15

Yalaq ani xik' naril li ras riitz'in a'an aj kamsinel, ut laa'ex nekenaw naq moko wank ta li junelik yu'am rik'in junaq aj kamsinel ras riitz'in.

Tito 2:3

Jo'kanaqeb' ajwi' li cheekel ixq: che'wanq xloq'aleb' li xyu'am jo' xk'ulub'eb' laj santil paab'anel; maawa'aqeb' aj yoob'anel aatin chi moko aj kalajenaqeb', a'anaqeb' b'an aj k'utul re li chaab'ilal,

2 Timoteo 2:23

Maach'ik aawib' sa' xyanqeb' li neke'xwech'i rib' chirix memil aatin li maak'a' xyaalal; laa'at nakanaw chi us naq junes raaxiik' naxyoob' a'an.

1 Timoteo 3:3

maawa'aq aj kalajenaq, chi moko aj raholaq ru tumin malaj aj yoob'anel raaxiik', nimaq b'an xkuyum ut tuulanaq.

Hechos 21:30

Toja' naq sa' chixjunil Jerusalén kiwank poqoqij ib' ut yalaq b'ar kilaje'chalk li poyanam. Ke'xchap laj Pablo, ke'xkeleli chirix rochoch li Yos ut tikto ke'xtz'ap li okeb'aal.

Jeremías 6:28

Chixjunileb' jwal kaweb' li xjolom, chanchaneb' li q'anch'iich' ut li ki'ch'iich'; q'etq'eteb' chixjunileb' ut junes q'ab'ank neke'xb'aanu.

Proverbios 29:9

Naq li wank xna'leb' na'ok sa' raaxiik' rik'in junaq li maak'a' xna'leb', us ta taajosq'o'q malaj taase'eeq, ab'an maak'a' taakanaaq wi'.

Proverbios 19:12

Naq li awab'ej najosq'o'k, naxjap re jo' li kaqkoj; ut naq na'usilank, a'an chanchan li k'ajob' sa' xb'een li pach'aya'.

2 Samuel 19:43

Ke'chaq'ok eb' laj Israel: “Laa'o yaal qe sa' xb'een li awab'ej, sa' xb'een laj David. K'a' naq nokooheetz'eqtaana? Laa'o asb'ejo cheru ut laa'o li tz'aqal xoo'aatinak xb'enwa re naq taasutq'iiq chaq li awab'ej”, chankeb'. Ab'anan eb' laj Judá q'axal kaw wi' chik ke'aatinak chiruheb' laj Israel.

2 Samuel 13:22

Laj Absalón maajun aatin kixye re laj Amnón, ab'anan xik' naril xb'aan naq kixsach xtuq'ixqilal lix Tamar li ranab'.

Génesis 37:21

Naq laj Rubén kirab'i a'an, kiraj raj xkolb'al laj José sa' ruq'eb', ut kixye: “Miqakamsi!”, chan.

2 Timoteo 3:3

Ink'a' chik te'xrahatq rib', maak'a'aq chik usilal rik'ineb', aj yoob'anelaqeb' aatin, ink'a' te'xkuy rib', q'axal josq'aqeb', xik' te'ril li chaab'ilal,

Jeremías 9:4

Li junjunq chixkolaq rib' chiru li ras riitz'in, chi moko chixk'ojob' xch'ool chirix li ramiiw, xb'aan naq eb' li ras riitz'ineb' rib' neke'b'alaq'ik ut chixjunileb' li amiiw junes q'ab'ank neke'xb'aanu.

Salmos 37:8

Matpo'k, chakanab' laajosq'il; wi yal ch'inpo'aqat, ra taachalq sa' aab'een:

Efesios 4:22

Xetzol risinkil cherix li na'leb' keroksi junxil, a' li najteril winq li naq'aak rik'in li naq'unb'esiik wi' xb'aan li ruuchich'och'.

Efesios 4:25

Jo'kan utan, tz'eqtaanahomaq li tik'ti', cheye li yaal chejunjunqal reheb' leeras eeriitz'in, xb'aan naq qacha'al qib' chiqib'il qib'.