Efesios 4:12 - Q'eqchi Bible

¹² Chi jo'kan kixk'uub' chi chaab'il eb' laj santil paab'anel cho'q re li k'anjel teneb'anb'il sa' xb'eeneb', re xkab'lankil li xtz'ejwal li Kriist,

Li Santil hu

¹² Quiqꞌueheꞌ xma̱taneb re nak tzꞌakalakeb ru saꞌ xpa̱ba̱leb ut re nak teꞌcꞌanjelak chiru li Dios ut re nak teꞌxtenkꞌaheb laj pa̱banel chi qꞌui̱c saꞌ xpa̱ba̱leb.

Efesios 4:12 ပူးပေါင်းရင်းမြစ်များ

Efesios 4:16

A'an naxk'e naq chixjunil li tz'ejwalej, k'uub'k'u ru ut xchapom rib' chi us sa' xk'ab'a' chixjunil li xtiqam li roq ruq' nach'oolaniik wi', a' yaal chanru li junjunq chi cha'alej, taak'iiq jo' tz'ejwalej re xkab'lankil rib' sa' li rahok.

1 Corintios 12:27

Laa'ex xtz'ejwal li Kriist, ut xcha'alex chejunjunqal.

Romanos 15:14

Ex was wiitz'in, ninnaw chi us naq numtajenaq xchaab'ilal eech'ool, nujenaqex rik'in chixjunil li chaab'il k'a'uxl ut kawresinb'ilex re xk'eeb'al eena'leb' cherib'il eerib'.

1 Corintios 14:26

Ex was wiitz'in, a'an a'in li nawaj xyeeb'al eere: naq teech'utub' eerib', li junjunq truuq tixb'icha junaq saalm; truuq ajwi' taak'ehoq na'leb', tixye li k'aru xk'utb'esiik chiru, taa'aatinaq sa' jalanil aatin malaj tixch'olob' xyaalal eb' li aatin a'in. Ab'anan tento naq chixjunil taa'uxmanq re xkab'lankil li komonil.

Romanos 14:19

Chiqak'e b'i' qach'ool chirix li k'aru nak'uub'ank re li tuqtuukilal ut li sumwaklesij ib'.

1 Timoteo 1:12

Ninb'anyoxi re li xk'ehok xkawub' inch'ool, a' li Kristo Jesus li Qaawa', naq xk'ul xch'ool inxaqab'ankil chi k'anjelak.

1 Corintios 14:12

Jo'kan utan, laa'ex li nekek'e eech'ool chi xsik'b'al li maatan naxk'e li Musiq'ej cheyalaq eeq'e chi xsik'b'al chi yo'oon li maatan nakab'lank li komonil.

Hebreos 13:17

Chex'ab'inq chiruheb' laj k'amol eeb'e xb'aan naq eb' a'an neke'yo'lek chirix leeyu'am jo'eb' li toxe'xq'axtesi ru li xk'anjeleb' cherix laa'ex. Chepaab'aqeb' re naq te'xb'aanu a'in rik'in sahil ch'oolej, ut ink'a' chi rahaqeb' sa' xch'ool, xb'aan naq a'an moko tixk'am ta chaq usilal cho'q eere.

Hebreos 6:1

Jo'kan utan, qakanab'aq xk'oxlankil li xb'een tzolok chirix li Kriist, ut q'axonqo chi xk'oxlankil li tz'aqal re ru. Miqak'e chik li rub'elankil li qapaab'aal, a' li yot'b'ach'oolej jalb'ak'a'uxl chirix li kamenaqil k'anjel jo'wi' chirix li xpaab'ankil li Yos;

2 Corintios 6:3

Maajun wa naqaluktesi xch'ool anihaq, re naq ink'a' te'xwech' rix li qak'anjel.

2 Corintios 5:18

Ut chixjunil a'in nachalk rik'in li Yos, li kooxk'am wi' chik sa' usilal rik'in sa' xk'ab'a' li Kriist ut kixq'axtesi qe li k'anjel re li k'amok ib' sa' usilal rik'in.

San Lucas 22:32

A'ut laa'in xintijok chawix re naq ink'a' taalajq laapaab'aal. Ut laa'at, naq tatsutq'iiq chaq wik'in, chakawub'resi xch'ooleb' laawas aawiitz'in.

2 Timoteo 4:5

A'ut laa'at aj'ajaq aawu rik'in chixjunil, chakuyaq li rahilal, k'e aach'ool cho'q aj puktesinel re li Chaab'il Esilal, chab'aanu laak'anjel chi tz'aqal re ru.

Colosenses 4:17

Cheye re laj Arkipo: “Chak'e sa' aach'ool li k'anjel kik'ehe'k aawe sa' xk'ab'a' li Qaawa', ut chayal aaq'e chi xb'aanunkil chi us”.

Colosenses 1:28

A'an tz'aqal li naqapuktesi resil. Naqak'eheb' xna'leb' chixjunileb' ut naqatzoleb' rik'in chixjunil li qak'a'uxl, re naq tqaxaqab'eb' chixjunil chi tz'aqalaq re ruheb' sa' xk'ab'a' li Kriist.

Colosenses 1:24

Anaqwan nasaho'k sa' inch'ool rik'in li nalajinkuy sa' eek'ab'a' laa'ex, ut nintz'aqob'resi sa' linch'och'el sululel li xrahilal li Kriist li toj na'ajmank ru, cho'q re li xtz'ejwal, a'an li Iklees.

Efesios 1:23

a'an li xtz'ejwal, xtz'aqob' li Kriist li naxnujob'resi ru chixjunil chi tz'aqal re ru.

2 Corintios 12:19

Mare ak junxil xex'ok chi xk'oxlankil naq yooko chi xpatz'b'al qakuyb'al cheru. Ab'anan moko jo'kan ta: nokoo'aatinak chiru li Yos sa' xk'ab'a' li Kriist. Ut chixjunil a'in, ex was wiitz'in raarookex inb'aan, yal re xkab'lankil leekomonil naq ninye.

2 Corintios 7:1

Ex was wiitz'in raarookex inb'aan, qe laa'o yeechi'inb'il chaq chixjunil a'an. Jo'kan naq qach'ajob'resiiq qib', qisihaq chixjunil li tz'ajnil wank chiqix ut li xtz'ajnil li musiq'ej, qoxloq'iiq li Yos ut qatz'aqob'resiiq ru li qasantilal.

2 Corintios 4:1

Xaqab'anb'ilo sa' li k'anjel a'in xb'aan xnimal ruxtaan li Yos, jo'kan naq ink'a' nach'inank qach'ool.

2 Corintios 3:8

ma toja' ta chik ink'a' q'axal loq' li xk'anjel li Musiq'ej!

1 Corintios 14:14

Xb'aan naq wi nintijok sa' jalanil aatin li ink'a' natawmank ru, relik chi yaal naq linmusiq' natijok, ab'anan link'a'uxl maak'a' naruuchin.

Romanos 15:29

Ut ninnaw chi us naq, sa' linxikik eerik'in, numtajenaqaq li rosob'tesihom li Kriist.

Romanos 15:2

Li junjunq sa' qayanq chixyalaq xq'e re k'ulub'aak xb'aaneb' li ras riitz'in rik'in xb'aanunkil li us ut re xkab'lankil ru li xyu'am.

Romanos 12:7

wi wank qamaatan re k'anjelak, chook'anjelaq; wi wank qamaatan re xtzolb'aleb' li qas qiitz'in, qatzolaqeb';

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

Hechos 20:24

Ab'anan laa'in ink'a' nink'e xloq'al linyu'am chi junajwa; ka'ajwi' nawaj tinchoy linb'eenik ut li k'anjel xink'ul sa' ruq' li Qaawa' Jesus, a' li xyeeb'al resil li xChaab'il Esil li rusilal li Yos.

Hechos 11:23

Naq kox'elq aran ut kiril li rusilal li Yos, kisaho'k sa' xch'ool ut kixjultika chiruheb' naq junelik che'kanaaq rik'in li Qaawa' chi kaweb' xch'ool,

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

Hechos 1:25

Laj Judas xooxkanab' ut xkoho sa' li xna'aj. Ani reheb' a'in taa'ok cho'q reeqaj sa' li xk'anjel chi apostolil?”.

Hechos 1:17

Xb'aan naq a'an qakomon ut qech aj k'anjelil naq kiwank.

2 Timoteo 4:11

Ka'aj chik laj Lukas wank wik'in. Chak'am chaq chawix laj Markos, xb'aan naq a'an q'axal nikinxtenq'a sa' li k'anjel.

Efesios 4:29

Mi'elk chi xtz'uumal eere yib' aj aatin, a'anaq b'an li chaab'il, li nawaklesink ch'oolej b'arwi' aajel ru, re naq trusilaheb' li te'ab'inq.

Efesios 4:4

Jun ajwi' chi tz'ejwalej ut jun chi Musiq'ej, kama' naq jun ajwi' leeroyb'enihom b'oqb'ilex wi'.

2 Corintios 13:9

ut nasaho'k qach'ool naq laa'o maak'a' qametz'ew ut laa'ex kaw eerib'. A'an a'in li naqatz'aama chiru li Yos: naq tz'aqalaq re ru leepaab'aal.

1 Corintios 12:7

K'eeb'il re li junjunq li xmaatan li nak'utunk wi' li Musiq'ej, re rusilankileb' chixjunil.

Romanos 12:5

jo'kano ajwi' laa'o: naab'alo, ab'an juno ajwi' chi tz'ejwalej rik'in li Kriist, ut chiqajunilo qacha'al qib' chiqib'il qib'.

2 Corintios 13:11

Ex was wiitz'in, chisaho'q sa' leech'ool, tz'aqalaq eere eeru, chek'e xkawub' leech'ool, junajaq ru leek'a'uxl, wanqex sa' tuqtuukilal, ut li Yos li nak'ehok li rahok ut li tuqtuukilal taawanq eerik'in.