Efesios 4:1 - Q'eqchi Bible

¹ Jo'kan utan, laa'in li wankin sa' tz'alam sa' xk'ab'a' li Qaawa', nintz'aama cheru naq chexwanq jo' chanru leeb'oqb'al k'eeb'il eere,

Li Santil hu

¹ La̱in cuanquin chi pre̱xil xban xyebal resil li Ka̱cuaꞌ Jesucristo. La̱in xintijoc che̱rix ut anakcuan nintzꞌa̱ma che̱ru nak cha̱bilak le̱ yuꞌam joꞌ xcꞌulubeb li ralal xcꞌajol li Dios.

Efesios 4:1 ပူးပေါင်းရင်းမြစ်များ

Colosenses 1:10

re naq chiwanq taxaq leeyu'am jo' chanru xk'ulub' li Qaawa', tz'aqal jo' nawulak chiru. Cheruuchin chixjunil li chaab'il b'aanuhom ut chexk'iiq chi xnawb'al ru li Yos.

Filipenses 1:27

Ka'ajwi' a'in nawaj: naq wanqex taxaq sa' xyaalal jo' xk'ulub' li xChaab'il Esil li Kriist. Chi jo'kan, us ta tinxik cherilb'al us ta maa'anihaqin, twab'i eeresil naq kaw xaqxooqex sa' jun chi musiq'ej, ut wotz yooqex chi xyalb'al eeq'e chirix xpaab'ankil li Chaab'il Esilal,

2 Pedro 1:3

Li xnimal xwankil li Kriist kixsi qe chixjunil li nak'anjelak sa' li qayu'am ut sa' li qapaab'aal, sa' xk'ab'a' xnawb'al ru li Yos li kib'oqok chaq qe rik'in li xloq'al ut li rusilal.

2 Timoteo 1:9

li kooxkol ut kooxb'oq rik'in jun qasantil b'oqb'al, maawa' xb'aan qab'aanuhom, rik'in b'an naq kiraj xch'ool ut sa' xk'ab'a' li rusilal li kixsi qe sa' xk'ab'a' li Kristo Jesus junxilaj naq toj maji' kitiklaak li ruuchich'och'.

1 Corintios 4:16

Nintz'aama b'i' cheru naq chek'amaq eere wik'in.

2 Ts 1:11

Jo'kan naq juneliko chi tijok cherix: li qaYos chik'ehoq taxaq eere wank jo' xk'ulub' leemaatan b'oqb'ilex wi', ut texxtenq'a taxaq rik'in li xwankilal re naq chitz'aqloq ru chixjunil li us nekerahi xb'aanunkil jo'wi' li xk'anjel leepaab'aal.

Efesios 4:17

A'in ninye ut nintz'aama cheru sa' xk'ab'a' li Qaawa': naq ink'a' chik texwanq jo'eb' li maak'a'eb' xpaab'aal, sa' xmajelal xna'leb'eb',

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

Colosenses 2:6

Jo'kan utan, kama' naq xek'ul chaq li Kristo Jesus, li Qaawa', chexwanq ajwi' anaqwan rik'in A'an:

1 Pedro 3:9

Mex'eeqajunk maa'usilal rik'in maa'usilal, chi moko hob'e'k rik'in hob'ok; chex'usilaatinanq b'an, xb'aan naq a'an a'in b'oqb'ilex wi' chaq: re naq teereechani leerosob'tesinkil.

2 Corintios 6:1

Jo'kan utan, laa'o aj k'anjel qochb'een li Yos, naqatz'aama naqelaji naq ink'a' taxaq chek'ul li rusilal li Yos chi maak'a' rajb'al,

2 Juan 1:5

Ut anaqwan nintz'aama chawu, at Qana' (ink'a' yookin chi tz'iib'ak aawik'in chirix jun li ak' chaq'rab', chirix b'an li chaq'rab' li wank qik'in chalen chaq sa' xtiklajik), naq chiqara qib' chiqib'il qib'.

1 Pedro 5:10

Naq akaq xekuy b'ayaq li rahilal, li Yos taatz'aqob'resinq eere eeru, tixk'e xkawub' eech'ool, taawaklesinq ut taaxaqab'anq eere. A'an ajwi' li Yos li kib'oqok eere sa' li xjunelik loq'al sa' xk'ab'a' li Kriist, xb'aan xnimal xrahom.

1 Pedro 2:11

Ex inrahom, laa'ex maawa'ex aj arin, yal b'an aj numelex. Nintz'aama cheru naq mex'okenk chi xb'aanunkil li naxrahi li tz'ejwalej, li xik' naril li aanmej.

Hebreos 13:21

a'an taxaq chik'uub'anq re leeyu'am rik'in chixjunil li chaab'ilal re xb'aanunkil li rajom. A'an taxaq chib'aanunq qik'in li nawulak chiru sa' xk'ab'a' li Jesukriist: rehaq taxaq li loq'al junq'e junq'e kutan. Jo'kan taxaq.

Filipenses 3:14

sa' aanil ninxik sa' li xraqik re xk'ulb'al li q'ajkam li wank toj taqe'q, li nokooxb'oq wi' li Yos sa' xk'ab'a' li Kristo Jesus.

Efesios 5:2

ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.

Efesios 4:4

Jun ajwi' chi tz'ejwalej ut jun chi Musiq'ej, kama' naq jun ajwi' leeroyb'enihom b'oqb'ilex wi'.

Efesios 3:1

Jo'kan naq laa'in laj Pablo wankin chi preexil sa' xk'ab'a' li Kriist xb'aan eeraab'al laa'ex li maawa'ex aj Judiiy.

Gálatas 4:12

Ex was wiitz'in, nintz'aama cheru naq jo'kaqex laa'in, xb'aan naq laa'in xinb'aanu wib' kama' laa'ex. Maak'a' junaq rahilal xeb'aanu we.

Génesis 5:24

Laj Enok kiwank sa' sum'aatin rik'in li Yos. Sa' jun kutan ink'a' chik ki'ile'k ru, xb'aan naq kolsaapuuq xb'aan li Yos.

Hebreos 3:1

Jo'kan utan, ex was wiitz'in, laa'ex li santex ut nekextz'aqonk rik'in li xchoxahil b'oqom li Qaawa', chek'e eech'ool chi xk'oxlankil li Jesus, a'an li apóstol ut xyuwa'il aj tij sa' li qapaab'aal.

2 Corintios 10:1

Wan neke'yehok naq laa'in laj Pablo q'axal q'un inch'ool naq wankin eerik'in, ut jwal kaw inch'ool naq maa'anihin sa' eeyanq. Sa' xk'ab'a' li xtuulanil ut xchaab'ilal li Kriist, nintz'aama cheru naq meemin wu chi kawil'aatinak rik'ineb' li nikine'xjit chi jo'ka'in, naq tinwulaq sa' eeyanq. Eb' a'an neke'xye naq li k'aru yooko chi xb'aanunkil, a'an yal xna'leb' li ruuchich'och'.

Jeremías 38:20

Laj Jeremías kixye re: “At awab'ej, laa'at ink'a' tatq'axtesiiq sa' ruq'eb' a'an. Paab' li naxye aawe li Qaawa' chi xtz'uumal we. Us tat-elq chi jo'kan ut taakol laayu'am.

Tito 2:10

me'elq'ak, anchalaq b'an xch'ooleb' chi k'anjelak sa' tiikilal re naq sa' chixjunil taak'ehe'q xloq'al li xk'utum li Yos laj Kolol qe.

Colosenses 4:12

Naxtaqla xsahil eech'ool laj Epafras, a'an eekomon, xmoos li Kristo Jesus; junelik naxk'e xch'ool chepatz'b'al sa'eb' li xtij, re naq kaw xaqxooqex chi xb'aanunkil chi tz'aqal chixjunil li naraj li Yos.

2 Corintios 5:20

Laa'o b'i' li xtaql li Kriist, chanchan naq li Yos yo chi aatinak qab'aan. Sa' xk'ab'a' li Kriist naqatz'aama naqelaji cheru: chek'e wi' chik eerib' chi k'ame'k sa' usilal rik'in li Yos!

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

Romanos 11:29

Xb'aan naq li Yos ink'a' nach'inank xch'ool chirix li xsimaatan ut li xloq'laj b'oqom.

Efesios 2:10

Relik chi yaal naq laa'o xb'aanuhomo li Yos, yoob'tesinb'ilo sa' xk'ab'a' li Kristo Jesus, re naq tqab'aanu li chaab'il k'anjel teneb'anb'il sa' qab'een, jo' chanru kixk'uub' li Yos chi junxilaj.