Efesios 3:2 - Q'eqchi Bible

² Ak xerab'i resil link'anjel k'eeb'il we cho'q eere laa'ex, xb'aan xnimal rusilal li Yos.

Li Santil hu

² Ac xerabi ta na resil nak tenebanbil saꞌ inbe̱n xban li Dios xyebal e̱re nak li ruxta̱n li Dios e̱re ajcuiꞌ la̱ex li ma̱cuaꞌex aj judío.

Efesios 3:2 ပူးပေါင်းရင်းမြစ်များ

1 Timoteo 1:11

li wank sa' xk'ab'a' li xChaab'il Esil li loq'laj ut usilaatinanb'il Yos, jo' chanru q'axtesinb'il we.

2 Timoteo 1:11

Sa' li k'anjel a'in xaqab'anb'ilin cho'q aj puktesinel, cho'q apóstol ut aj tzolonel,

Romanos 1:5

Sa' xk'ab'a' A'an xqak'ul qamaatan re wank cho'q apóstol re xk'amb'aleb' chixjunil li tenamit chi xq'axtesinkil rib' chi paab'ank sa' xk'ab'a' li xnimal xloq'al.

Efesios 4:7

Chiqajunjunqal k'eeb'il qe li rusilal li Yos jo' chanru kixsi qe li Kriist.

1 Corintios 4:1

Jo'kan utan, che'xnawaq chixjunileb' naq laa'o xmoos li Kriist ut taqlanb'ilo chi k'anjelak chirixeb' li xmuqmuukil k'a'uxl li Yos.

Efesios 1:10

re naq tixb'aanu sa' xtz'aqlojik ru li kutan: a'an xxaqab'ankil li Kriist chi xjolomil chixjunil li wank sa' choxa ut li wank sa' ruuchich'och'.

Gálatas 1:13

Ak eerab'ihom resil chanru naq kinwank chaq junxil sa' xpaab'aaleb' laj Judiiy: k'ajo' naq kinrahob'tesi li x'Iklees li Yos, yalyo inq'e chi xjuk'b'al.

Hechos 22:21

Ab'an li Qaawa' kixye we: «Ayu, xb'aan naq laa'in tatintaqla chi najt, sa' xyanqeb' li maawa'eb' aj Judiiy»”.

Hechos 13:46

Toja' naq laj Pablo ut laj Bernabé chi kaweb' xch'ool ke'xye: —Tento naq eere laa'ex xb'enwa xyeemank li Raatin li Yos. Ab'anan, rik'in naq neketz'eqtaana a'an ut nekereek'a eerib' naq moko eek'ulub' ta li junelik yu'am, ab'ihomaq: tooxik rik'ineb' li junch'ol chik.

Hechos 13:2

Sa' jun li kutan, naq yookeb' chi k'anjelak chiru li Qaawa' ut chi ayuunik, kixye li Santil Musiq'ej: “K'ehomaqeb' cho'q we laj Bernabé ut laj Sawlo re te'xb'aanu li k'anjel xinb'oqeb' wi'”.

Hechos 9:15

Ut li Qaawa' kixye re: “Ayu, xb'aan naq a'an sik'b'il ru inb'aan cho'q aj k'anjel re tixk'am resil link'ab'a' rik'ineb' li maak'a'eb' xpaab'aal, rik'ineb' li awab'ej ut eb' li ralal xk'ajol laj Israel.

1 Timoteo 2:7

ut a'in aj e naq kinxaqab'aak cho'q aj puktesinel ut apóstol (ninye li yaal, ink'a' nintik'ti'ik), re xk'utb'al li paab'aal ut li yaal chiruheb' li maawa'eb' aj Judiiy.

1 Timoteo 1:4

chi moko chixik xch'ooleb' chirix b'alaq'il seeraq', jo'wi' chirix xwech'inkil rix li xxe' xtoonaleb': chixjunil a'in maak'a' roso'jik. Li na'leb' a'in nak'amok chaq wech'ij ib' ut ink'a' na'okenk sa' xnimal xk'a'uxl li Yos, li k'ojk'o sa' li paab'aal.

Colosenses 1:6

li kiwulak toj eerik'in ut yo chi uuchink ut chi k'ihank sa' eeyanq kama' ajwi' sa' chixjunil li ruuchich'och', chalen naq kerab'i resil li rusilal li Yos ut ketaw ru k'aru tz'aqal a'an.

Colosenses 1:4

xb'aan naq xqab'i resil naq nekepaab' li Kristo Jesus ut nekera chixjunileb' laj santil paab'anel

Efesios 4:21

wi relik chi yaal naq eerab'ihom aatinak chirix ut wi A'an li tzolb'ilex wi' chaq, jo' chanru li yaal wank rik'in li Jesus.

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

Romanos 12:3

Sa' xk'ab'a' li maatan k'eeb'il we ninye eere chejunilex ut chejunjunqal: meek'oxla eerib' naq numtajenaq eena'leb', chek'oxla b'an yal tz'aqalaj, a' yaal chanru li maatan k'eeb'il re li junjunq xb'aan li Yos sa' xk'ab'a' li xpaab'aal.

Romanos 11:13

Ninye eere laa'ex li maawa'ex aj Judiiy: rik'in naq laa'in tz'aqal x'apóstol eb' li maawa'eb' aj Judiiy, ninnima ru link'anjel.

Efesios 3:7

Ut anaqwan xaqab'anb'ilin cho'q aj k'anjel chirix li Chaab'il Esilal a'in, jo' chanru linmaatan k'eeb'il we rik'in xnimal rusilal li Yos xb'aan xkawilal li xwankil.

Efesios 3:9

ut xch'olob'ankil chanru naq yo chi tz'aqlok ru li tz'aptz'ookil na'leb' muqmu chalen chaq q'e kutan rik'in li Yos, laj yoob'tesihom re chixjunil.