Efesios 2:5 - Q'eqchi Bible

⁵ ut xk'e qayu'am qochb'een li Kriist naq toj kamenaqo chaq xb'aan li qamaak. A'an jun eemaatan naq kolb'ilex.

Li Santil hu

⁵ Nak toj camenako chak saꞌ li kama̱c, riqꞌuin lix cuaclijic cuiꞌchic chi yoꞌyo li Cristo, li Dios quixqꞌue ke jun acꞌ yuꞌam. Yal xban rusilal li Dios nak colbilo.

Efesios 2:5 ပူးပေါင်းရင်းမြစ်များ

Romanos 3:24

Ab'anan neke'xmaatani xtiikob'resinkil xch'ooleb' xb'aan rusilal li Yos, rik'in li kolb'a ib' wank sa' xk'ab'a' li Kristo Jesus.

Efesios 2:8

Chek'e reetal, kolb'ilex xb'aan li rusilal li Yos, sa' xk'ab'a' li paab'aal; ut a'in moko eena'leb' ta laa'ex, yal eemaatan xb'aan li Yos.

Romanos 5:10

Naq toj xik' naqil chaq li Yos, xook'ame'k wi' chik sa' usilal rik'in sa' xk'ab'a' xkamik li Ralal; ma ink'a' tab'i' q'axal tooxkol chik anaqwan sa' xk'ab'a' li xyu'am naq k'amb'ilo chik sa' usilal rik'in li Yos?

Romanos 5:8

A'ut li Yos naxk'ut qaraab'al rik'in naq li Kriist kikamk sa' qak'ab'a' naq toj wanko chaq sa' li qamaak.

Hechos 15:11

Laa'o naqapaab' naq rik'in li rusilal li Qaawa' Jesus wank qakolb'al, tz'aqal jo'eb' a'an.

Efesios 2:1

Junxil laa'ex kamenaqex chaq sa' leemaa'usilal ut sa' leemaak.

Romanos 8:2

Xb'aan naq li xchaq'rab' li Musiq'ej li nak'ehok yu'am sa' xk'ab'a' li Kristo Jesus xatrach'ab' chiru xchaq'rab' li maak ut li kamk.

Tito 2:11

Xb'aan naq ak xk'utunk li xnimal rusilal li Yos chiruheb' chixjunil:

Efesios 5:14

xb'aan naq chixjunil li k'utk'u, sa' kutan saqenk chik wank. Jo'kan naq nayeemank: “Ajsi aawu laa'at li yookat chi wark, waklin sa' xyanqeb' li kamenaq ut sa' aab'een taakutano'q li Kriist”.

Romanos 4:16

Jo'kan naq chixjunil na'uxk sa' xk'ab'a' li paab'aal re naq k'ulb'ilaq yal chi maatan, ut li xyeechi'om li Yos xaqxooq xwankil cho'q reheb' chixjunil li ralal xk'ajol laj Abrahán: moko ka'aj ta wi' cho'q reheb' laj paab'anel Chaq'rab', reheb' aj b'an wi' li wankeb' xpaab'aal jo' laj Abrahán li qayuwa' chiqajunilo,

Tito 3:5

a'an kooxkol maawa' xb'aan ta xtiikilal li k'anjel uxb'il qab'aan, sa' xk'ab'a' b'an li xnimal ruxtaan, rik'in li kub'iha' li naxyoob'tesi ut narak'ob'resi li qayu'am, rik'in li Santil Musiq'ej

Romanos 5:6

Naq toj maak'a' chaq qametz'ew, li Kriist kikamk sa' xk'ab'a'eb' laj maak, tz'aqal sa' xq'ehil.

Romanos 16:20

Chi jo'kan li Yos li nak'ehok tuqtuukil usilal tixyeq'i laj tza rub'el eeroq chi seeb'. Li rusilal li Qaawa' Jesukriist chiwanq taxaq eerik'in.

San Juan 6:63

A' li musiq'ej nak'ehok yu'am; li tz'ejwalej maak'a' na'ok wi'. Eb' li aatin xinye eere a'an musiq'ej ut yu'am.

San Juan 5:21

“Jo' naq li Yuwa'b'ej naxwaklesiheb' chi yo'yo li kamenaq ut naxk'e xyu'ameb', jo'kan ajwi' li K'ajolb'ej naxk'e xyu'am li ani taaraj.

Apocalipsis 22:21

Li rusilal li Qaawa' Jesus chiwanq taxaq rik'ineb' chixjunil. Jo'kan taxaq!

San Lucas 15:24

Xb'aan naq li walal a'in kamenaq naq xwank ut xwakliik wi' chik chi yo'yo, kisachk ut xtawmank chaq!». Ut ke'xtikib' ninq'ehik.

Colosenses 2:13

Junxil kamenaqex naq kexwank chaq xb'aan leemaak jo' ajwi' xb'aan naq maji' eerisihom chaq leetz'ajb'eetalil na'leb'. Ab'an li Yos kixk'e eeyu'am eerochb'een li Kriist, ut kixkuy kixsach chixjunil li qamaak.