Efesios 2:2 - Q'eqchi Bible

² Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

Li Santil hu

² Xeba̱nu chak li ma̱usilal saꞌ ruchichꞌochꞌ ut xeqꞌue e̱rib chi takla̱c xban laj tza li nataklan saꞌ xbe̱neb li ma̱us aj musikꞌej. Aꞌan li nataklan saꞌ xbe̱neb li nequeꞌkꞌetoc ra̱tin li Dios.

Efesios 2:2 ပူးပေါင်းရင်းမြစ်များ

Efesios 6:12

Xb'aan naq moko yooko ta chi xyalb'al qametz'ew yal rik'in winq, rik'ineb' b'an li wankeb' xwankil, eb' li neke'taqlank ut neke'awab'ejink sa' xb'een li ruuchich'och' a'in li wank sa' aak'ab', rik'ineb' li maa'us aj musiq'ej li wankatqeb' taqe'q.

1 Juan 5:19

Naqanaw naq reho li Yos ut chixjunil li ruuchich'och' wank rub'el xwankil li maa'us.

Efesios 2:3

Sa' xyanqeb' a'an xoowank ajwi' chiqajunilo junxil: nawulak chiqu li naxrahi li qatz'ejwal, naqab'aanu li naraj li tz'ejwalej ut li ink'a' usil na'leb'; jo'kan naq xoowank chaq rub'el xjosq'il li Yos kama'eb' li junch'ol.

San Juan 12:31

Anaqwan taaraqe'q aatin sa' xb'een li ruuchich'och' a'in. Anaqwan laj Taqlanel sa' xb'een li ruuchich'och' a'in taakute'q chi najt.

Efesios 5:6

Maa'ani chib'alaq'inq eere rik'ineb' li aatin maak'a'eb' xyaalalil, xb'aan naq a'in nachalk wi' xjosq'il li Yos sa' xb'eeneb' laj q'etol aatin.

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

Efesios 4:22

Xetzol risinkil cherix li na'leb' keroksi junxil, a' li najteril winq li naq'aak rik'in li naq'unb'esiik wi' xb'aan li ruuchich'och'.

1 Corintios 6:11

Jo'ka'in naq xe'wank junjunq sa' eeyanq. Ab'anan xexch'ajob'resiik, xexsantob'resiik ut tiikob'resinb'il chik leech'ool sa' xk'ab'a' li Qaawa' Jesukriist ut rik'in xMusiq' li qaYos.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

1 Juan 5:4

xb'aan naq chixjunil li yo'lajenaq rik'in li Yos naxq'ax ru li ruuchich'och'. Ut a'an a'in li xq'axmank wi' ru li ruuchich'och': a' li qapaab'aal.

1 Juan 3:10

Rik'in a'in nawnookeb' ru li ralal xk'ajol li Yos ut eb' li ralal xk'ajol laj tza: yalaq ani ink'a' nab'aanunk re li tiikilal, moko re ta li Yos; jo'kan ajwi' li ink'a' naxra li ras riitz'in.

1 Pedro 1:14

Jo'qex li alal k'ajolb'ej neke'paab'ank, meek'e chik eech'ool chirix li xerahi chaq ru junxil naq toj wankex chaq sa' xmajelal leena'leb'.

Apocalipsis 20:2

Kixchap li nimla xul, li najter k'anti' (a'an laj tza, li maa'us) ut kixb'ak' chi kareen chiru jun mil chihab'.

1 Juan 4:4

Ex inkok'al, rehex li Yos ut ak xeq'ax ruheb' li propeet aj b'alaq', xb'aan naq Li wank eerik'in a'an q'axal nim xwankil chiru li wank sa' ruuchich'och'.

1 Pedro 4:3

Ak naab'al li kutan xenumsi chaq chi xb'aanunkil li nawulak chiruheb' li ink'a' neke'paab'ank: xexwank sa' li jo'maajo'il na'leb', jo' li naxrahi li tz'ejwalej, rik'in num uk'ak num wa'ak, rik'in kalaak ut xloq'oninkileb' ru li yal k'oxlanb'il yos: a'an ink'a' naru xb'aanunkil.

Colosenses 1:21

Junxil laa'ex najtex chaq rik'in li Yos ut xik' nekeril A'an, xb'aan leek'a'uxl ut leeyib' aj b'aanuhom.

Gálatas 1:4

A'an kixq'axtesi rib' sa' xk'ab'a' li qamaak re qakolb'al chiru li ruuchich'och' a'in li ink'a' us, xb'aan naq jo'kan kiraj li Yos li qaYuwa'.

Romanos 12:2

Ut meek'am eere rik'in li ruuchich'och' a'in, chejal b'an leeyu'am, che'ak'ob'resi leena'leb' re naq teenaw xk'eeb'al reetal k'aru naraj li Yos: a' li b'arwan us, nawulak chiru ut tz'aqal re ru.

Santiago 4:4

Ex aj muxul paab'aal! Ma ink'a' nekenaw naq li wank sa' usilal rik'in li ruuchich'och', a'an wank sa' raaxiik' rik'in li Yos? Yalaq ani naraj wank sa' usilal rik'in li ruuchich'och', tixk'e rib' sa' raaxiik' rik'in li Yos.

1 Corintios 5:10

Ab'anan ink'a' xinye: Tik ink'a' texwanq sa' xyanqeb' laj ko'b'eet ut eb' laj yumb'eet li wankatqeb' sa' li ruuchich'och' a'in malaj rik'ineb' laj rahinel ru b'ihomal, rik'ineb' laj elq', laj loq'oninel li yal k'oxlanb'il yos. Wi ta jo'kan, tento raj tex'elq sa' ruuchich'och'!

Hechos 5:3

Kiyehe'k re xb'aan laj Pedro: —At Ananías, chanru naq laj tza xreechani laach'ool? K'a'ut naq xatik'ti'i li Santil Musiq'ej rik'in xjeb'b'al xtz'aq laach'och'?

San Juan 15:19

Wi ta rehex li ruuchich'och', texxra raj li ruuchich'och' jo' naq naxra li re. Ab'anan moko rehex ta li ruuchich'och', laa'in b'an xinsik'ok eeru ut xexwisi chisa': jo'kan naq xik' nekexril li ruuchich'och'.

San Juan 14:30

“Ink'a' chik najt tin'aatinaq eerik'in, xb'aan naq chalk re laj Taqlanel sa' xb'een li ruuchich'och' a'in. Maak'a' xwankil sa' inb'een;

Isaías 30:1

Ra chaalel sa' xb'eeneb' li q'etq'et aj aleb', chan li Qaawa', li neke'xk'uub' li k'aru neke'raj, chi ink'a' neke'xpatz' we, ut neke'xk'ojob' sumwank li ink'a' inyehom reheb'. Jo'kan naq yo chi tamk li xmaakeb'.

Li xHu LAJ JOB 1:7

Ut li Qaawa' kixpatz' re: —B'ar xatchalk chaq? Kichaq'ok laj tza ut kixye: —Toja' xinraqe'k chi xb'eeninkil chixjunil li ruuchich'och', chan.

2 Pedro 2:14

Ka'aj chik maa neke'xtiw eb' li ixq rik'in xsa' ruheb', tik ink'a' nak'ojlaak xch'ooleb' chi maakob'k; neke'xq'unb'esi li q'uneb' xch'ool, ak k'aynaqeb' chi xrahinkil ru li b'ihomal, maa'usilanb'ileb' chi junajwa!

San Juan 16:11

chirix li raqb'a aatin xb'aan naq laj Taqlanel sa' xb'een li ruuchich'och' a'in ak teneb'anb'il chaq tojb'amaak sa' xb'een.

San Juan 13:27

Ut chirix li jun hab'ok chi wa ki'ok laj tza rik'in. Toja' naq li Jesus kixye re: —Li k'aru taab'aanu, b'aanu chi junpaat.

San Juan 13:2

Yookeb' chi wa'ak ewu, ut laj Tza ak xk'e sa' xk'a'uxl laj Judas Iskariote, ralal laj Simón, naq tixq'axtesi li Jesus.

San Juan 8:23

Ut a'an kixye reheb': —Laa'ex aj taq'a, laa'in aj taqe'q. Laa'ex rehex li ruuchich'och' a'in, laa'in maawa'in re li ruuchich'och' a'in.

San Juan 7:7

Li ruuchich'och' ink'a' naru xik' nekexril; a'ut laa'in xik' nikinril xb'aan naq nink'ut naq ink'a' us li xb'aanuhomeb'.

San Mateo 13:38

Li ch'och' a'an chixjunil li ruuchich'och'; li chaab'il iyaj a'aneb' li ralal xk'ajol li xnimajwal wankilal li choxa; li yib' aj pim a'aneb' li ralal xk'ajol li maa'us;

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

1 Juan 3:8

Ani nab'aanunk re li maak a'an re laj tza, xb'aan naq laj tza namaakob'k chalen chaq sa' xtiklajik. A'in aj e naq kolxk'ut rib' li Ralal li Yos, re xsachb'al li xk'anjel laj tza.

Santiago 1:7

Junaq winq jo' a'an maak'a' truuq troyb'eni rik'in li Qaawa',

2 Timoteo 4:10

laj Demas xinxkanab' xb'aan xrahinkil ru li ruuchich'och' a'in ut xkoho Tesalónika. Laj Crescente xkoho Galacia; laj Tito xkoho Dalmacia.

Hechos 19:35

Moqon laj tz'iib' kixtuulanob'resiheb' li poyanam ut kixye: “Ex aj Éfeso, ani ink'a' naxnaw naq li tenamit Éfeso a'an aj k'aak'alehom re li rochoch lix Artemisa, li nim xwankil, jo' ajwi' aj ilol re li xjalam u chalenaq chaq sa' choxa?

San Lucas 22:31

Kixye ajwi' li Qaawa': —At Simón, at Simón! Chanawaq naq laj tza ak xpatz' chaq xwankil re naq texchiq'chiq'iiq kama' li triiw.

San Lucas 16:8

“Laj eechal junkab'lal kixnima ru li mertoom ink'a' tiik xch'ool, xb'aan naq kiwank xna'leb' rik'in li kixb'aanu. Xb'aan naq eb' li ralal xk'ajol li ruuchich'och' a'in q'axal wankeb' xna'leb' chirib'ileb' rib' chiruheb' li ralal xk'ajol li saqenk.

San Mateo 11:19

Xk'ulunk li K'ajolb'ej li nawa'ak na'uk'ak, ut neke'xye: «Wahi' jun li winq junes wa'ak, junes uk'ak naxb'aanu, ramiiweb' laj titz'ol toj ut eb' laj maak», chankeb'. Ab'anan xk'utunk xyaalalil ut li xchaab'ilal li choxahil na'leb' rik'ineb' li xb'aanuhom”.

Jeremías 23:10

Nujenaq li tenamit chi aj muxuleb' sumlaak; junes maa'usilal naxik wi' xch'ooleb' li poyanam, ut neke'roksi li xwankileb' chi xb'aanunkil li ink'a' us. Jo'kan naq majewanb'il li ruuchich'och' xb'aan li Qaawa'; xe'chaqik li ha' ut xk'ate'k li pim sa' li chaqich'och'.

Isaías 57:4

Ani nekese'e laa'ex, ani nekereetz'u ut nekeb'iy chere? Laa'ex ralal xk'ajol li maak, yal sik'b'il alex

Salmos 17:14

kolin rik'in laawankil chiruheb' ut chawisiheb' sa' li ruuchich'och' a'in: che'reechaniiq taxaq ka'ajwi' li yu'am a'in! Nujob'resi li xsa'eb' rik'in li k'aru xak'uub' cho'q reheb'; che'k'ojlaaq xch'ooleb' li ralal xk'ajoleb', ut li rela' che'xkanab' reheb' li ri xmameb'.

Li xHu LAJ JOB 31:7

Wi ink'a' chik xinb'aanu li tiikilal ut xkoho linch'ool chirix li maa'usilal, wi wank k'a'aq re ru xwelq'a laa'in,

Apocalipsis 16:17

Li xwuq li ánjel kixhoy li xsek' sa' iq', ut ki'elk chaq jun xyaab' kuxej sa' rochoch li Yos, wan wi' li k'ojarib'aal, ut kixye chi kaw: “Yaalo'jenaq chik a'an!”.

Apocalipsis 13:14

ut naxb'alaq'iheb' li wankeb' sa' ruuchich'och' rik'ineb' li eetalil k'eeb'ileb' re xb'aanunkil chiru li josq' aj xul, rik'in xyeeb'al reheb' li wankeb' sa' ruuchich'och' naq te'xyiib' jun xjalam u li josq' aj xul, a' li tiq'b'il chi ch'iich' ut moko kikamk ta.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

Oseas 10:9

“Chalen chaq Kibehá yookeb' chi maakob'k eb' laj Israel; tik ink'a' neke'xkanab' xb'aanunkil. Jo'kan naq eb' a maa'us aj winq a'in te'oso'q aran Kibehá.

Li xHu LAJ JOB 1:19

ut sa' junpaat xchalk chaq li kaqsut-iq' sa' chaqich'och': xchiq'chiq'i xkaahichal li xxuk li ochoch, ut xt'an li kab'l sa' xb'eeneb' laawalal aak'ajol. Xe'kamk chixjunileb'; ka'ajin wi' xinruuk chaq chi elelik re xyeeb'al resil aawe.

Li xHu LAJ JOB 1:16

Toj yo ajwi' chi aatinak li winq a'an, naq kiwulak jun chik ut kixye re laj Job: —Xxerok li kaaq ut xkamsiheb' li karneer ut eb' laj ilol reheb'. Ka'ajin wi' xinruuk chaq chi elelik re xyeeb'al resil aawe.

San Mateo 13:22

Li ki'awmank sa' li k'ix ru a'an li narab'i li Aatin, ab'an li k'oxlak chirix li k'a'aq re ru wank sa' ruuchich'och' ut li nab'alaq'ink wi' li b'ihomal naxnat' li Aatin, ut ink'a' chik na'uuchink xb'aan.

San Marcos 4:19

ab'an li k'oxlak chirix li k'a'aq re ru wank sa' ruuchich'och', li nab'alaq'ink wi' li b'ihomal ut li ratawankil li k'a'aq chik re ru na'ok sa' xch'ooleb', naxnat' li Aatin ut ink'a' chik na'uuchink xb'aan.

Efesios 1:21

kixk'e sa' xb'een chixjunileb' laj jolominel, sa' xb'eeneb' li wankeb' xwankil ut xkawilal malaj eb' li neke'awab'ejink, jo' ajwi' sa' xb'een chixjunil li wank moko ka'aj ta wi' sa' li ruuchich'och' a'in, sa' aj b'an wi' li toj chaalel.

Efesios 2:11

Jo'kan utan, chijultiko'q eere chanru naq xexwank chaq junxil. Laa'ex maawa'ex aj Judiiy. “Ink'a' xk'ulumeb' li sirkunsisyon”, chu'uxkex xb'aaneb' li neke'xk'ab'a'in “aj sirkunsisyon”, yal sa' xk'ab'a' li eetalil uxb'il chaq sa' li xtz'ejwaleb'.

Efesios 2:13

A'ut anaqwan sa' xk'ab'a' li Kristo Jesus laa'ex li najt wankex chaq junxil, nach' chik wankex sa' xk'ab'a' xkik'el li Kriist.

Efesios 4:17

A'in ninye ut nintz'aama cheru sa' xk'ab'a' li Qaawa': naq ink'a' chik texwanq jo'eb' li maak'a'eb' xpaab'aal, sa' xmajelal xna'leb'eb',

Efesios 5:8

xb'aan naq junxil laa'ex chaq li aak'ab', a'ut anaqwan laa'ex chik li saqenk rik'in li Qaawa'. Chexwanq jo' ralal xk'ajol li saqenk.

Santiago 1:27

Li tz'aqal paab'ank li maak'a' reek' ut loq' chiru li Yos Yuwa'b'ej, a'an a'in: xtenq'ankileb' li maak'a'eb' chik xna' xyuwa' ut eb' li xmalka'an li wankeb' sa' rahilal, jo' ajwi' xkolb'al qib' chiru li xmaa'usilal li ruuchich'och' chi maak'a'aq qamuxul.

Levítico 11:16

laj tak' ru, li warom, li xjotzha', chixjunil xpaayil li k'uch,