Efesios 2:11 - Q'eqchi Bible

¹¹ Jo'kan utan, chijultiko'q eere chanru naq xexwank chaq junxil. Laa'ex maawa'ex aj Judiiy. “Ink'a' xk'ulumeb' li sirkunsisyon”, chu'uxkex xb'aaneb' li neke'xk'ab'a'in “aj sirkunsisyon”, yal sa' xk'ab'a' li eetalil uxb'il chaq sa' li xtz'ejwaleb'.

Li Santil hu

¹¹ Chijulticokꞌ e̱re chanru nak quexcuan chak junxil. La̱ex li ma̱cuaꞌex aj judío tzꞌekta̱nanbilex xbaneb laj judío li queꞌxcꞌul li circuncisión, ut eb aꞌan queꞌxye nak incꞌaꞌ tzꞌakal e̱re e̱ru xban nak incꞌaꞌ quecꞌul li circuncisión.

Efesios 2:11 ပူးပေါင်းရင်းမြစ်များ

Colosenses 2:11

Rik'in ajwi' A'an eek'ulum li sirkunsisyon, maawa' li uxb'il rik'in uq'ej, a' b'an li xsirkunsisyon li Kriist, rik'in risinkil eerik'in li naxrahi ru li tz'ejwalej.

Colosenses 2:13

Junxil kamenaqex naq kexwank chaq xb'aan leemaak jo' ajwi' xb'aan naq maji' eerisihom chaq leetz'ajb'eetalil na'leb'. Ab'an li Yos kixk'e eeyu'am eerochb'een li Kriist, ut kixkuy kixsach chixjunil li qamaak.

Colosenses 3:11

Arin maak'a' chik aj griego ut aj Judiiy, maak'a' chik li xk'ulum li sirkunsisyon ut li ink'a', maak'a' chik li jalan xtenamit, li ch'ol winq, laj loq'b'il k'anjel ut li ach'ab'anb'il, a' b'an li Kriist a'an chixjunil ut wank sa' chixjunileb'.

Colosenses 1:21

Junxil laa'ex najtex chaq rik'in li Yos ut xik' nekeril A'an, xb'aan leek'a'uxl ut leeyib' aj b'aanuhom.

Filipenses 3:3

Eb' li tz'aqal xk'ulumeb' li sirkunsisyon a'ano laa'o, li naqaloq'oni ru li Yos jo' naraj li xMusiq', naqanima qib' sa' xk'ab'a' li Kristo Jesus ut ink'a' k'ojk'o li qach'ool ka'ajwi' rik'in li naqab'aanu qajunes.

Efesios 5:8

xb'aan naq junxil laa'ex chaq li aak'ab', a'ut anaqwan laa'ex chik li saqenk rik'in li Qaawa'. Chexwanq jo' ralal xk'ajol li saqenk.

Gálatas 6:12

Eb' li neke'minok eeru chi xk'ulb'al li sirkunsisyon, a'aneb' li neke'raj naq sa ilb'ilaqeb' xb'aaneb' li tenamit, yal re naq ink'a' te'rahob'tesiiq sa' xk'ab'a' li xkrus li Kriist.

1 Corintios 12:2

Nekenaw chi us naq, jo'q'e maak'a' chaq leepaab'aal, nekek'e eerib' chi k'ame'k yalaq chanru chirixeb' li memil yos.

1 Corintios 6:11

Jo'ka'in naq xe'wank junjunq sa' eeyanq. Ab'anan xexch'ajob'resiik, xexsantob'resiik ut tiikob'resinb'il chik leech'ool sa' xk'ab'a' li Qaawa' Jesukriist ut rik'in xMusiq' li qaYos.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

Deuteronomio 16:12

Jultikaq aawe naq katwank chaq chi munil aran Ejiipt; jo'kan naq taayal aaq'e chi xpaab'ankil li chaq'rab' a'in.

Deuteronomio 15:15

Jultikaq aawe naq laa'at katwank chaq chi munil sa' li tenamit Ejiipt ut li Qaawa' laaYos ki'ach'ab'ank aawe. Jo'kan naq laa'in nink'e aawe li chaq'rab' a'in anaqwan.

Deuteronomio 9:7

“Chijultiko'q eere ut misachk sa' leech'ool naq kechiq' xjosq'il li Qaawa' leeYos sa' li chaqich'och': chalen naq kex'elk chaq Ejiipt toj reetal kexk'ulunk sa' li na'ajej a'in, junelik keq'etq'eti eerib' chiru li Qaawa'.

Deuteronomio 8:2

“Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Gálatas 2:15

Laa'o aj Judiiy chalen chaq sa' qayo'lajik, ut maawa'o xkomoneb' li tenamit aj maak, jo' chanru nayeemank chirixeb'.

Ezequiel 36:31

Toja' naq taajultiko'q eere leeyib' aj b'aanuhom jo'wi' leek'anjel moko chaab'il ta; texxutaanaq chik xb'aan leemaak ut leemaa'usilal.

Deuteronomio 5:15

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos katrisi chaq aran rik'in xkawilal li ruq' ut li xtel. Jo'kan naq li Qaawa' laaYos nakatxchaq'rab'i chi roxloq'inkil li kutan sábado.

Ezequiel 20:43

Aran taajultiko'q eere leenajter yu'am ut chixjunil leeb'aanuhom li xetz'ajni wi' eerib', ut texxutaanaq xb'aan leek'iila maa'usilal xeb'aanu.

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

Romanos 2:26

Wi li ink'a' xk'ulum li sirkunsisyon naxpaab' li naxye li Chaq'rab', ma ink'a' tab'i' taak'ehe'q sa' ajl sa' xyanqeb' li xk'ulumeb' li sirkunsisyon, us ta li jun ink'a' xk'ulum?

Romanos 2:27

Ut li ink'a' uxb'il li sirkunsisyon sa' li xtz'ejwal, wi naxpaab' li Chaq'rab', taaraqoq aatin sa' aab'een, xb'aan naq wank aawik'in li Chaq'rab' chi tz'iib'anb'il ut aak'ulum li sirkunsisyon, ab'anan aj q'etolat Chaq'rab'.

Romanos 11:17

Wi wankeb' li ruq' ke'q'ete'k, ut laa'at li yal k'iche'il olivo kattz'ejwaliik sa' xyanqeb' li ruq' ut kat-ok chi tz'aqonk rik'in li xxe' ut li xya'al li tz'aqal olivo,

Efesios 2:2

Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

San Mateo 20:7

Ke'xsume ut ke'xye: Xb'aan naq maa'ani xyehok k'anjelak qe. Kixye ut reheb': «Ayuqex ajwi' laa'ex sa' li wawimq».