Efesios 1:10 - Q'eqchi Bible

¹⁰ re naq tixb'aanu sa' xtz'aqlojik ru li kutan: a'an xxaqab'ankil li Kriist chi xjolomil chixjunil li wank sa' choxa ut li wank sa' ruuchich'och'.

Li Santil hu

¹⁰ Ta̱cuulak xkꞌehil nak ta̱tzꞌaklok ru chixjunil joꞌ naraj li Dios. Tixjunaji chixjunil li cꞌaꞌru cuan joꞌ saꞌ choxa joꞌ saꞌ ruchichꞌochꞌ. Ut aꞌ chic li Cristo ta̱jolomi̱nk re chixjunil.

Efesios 1:10 ပူးပေါင်းရင်းမြစ်များ

Colosenses 1:20

Sa' xk'ab'a' li Kriist ut cho'q re A'an, li Yos kiraj xk'amb'al wi' chik sa' rusilal chixjunil li k'a'aq re ru, rik'in xk'eeb'al sa' tuqtuukilal chixjunil li wank sa' ruuchich'och' ut sa' choxa, sa' xk'ab'a' li xkik'el hoyb'il chiru krus.

Gálatas 4:4

A'ut naq kixtaw xtz'aqlojik li kutan, li Yos kixtaqla chaq li Ralal, yo'lajenaq rik'in ixq, yo'lajenaq rub'el xwankil li Najter Chaq'rab',

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

San Marcos 1:15

“Xtz'aqlok xkutankil, li xnimajwal awab'ejihom li Yos ak nach' wank -chan-. Yot'omaq eech'ool jalomaq eek'a'uxl, ut paab'omaq li Chaab'il Esilal”.

Hebreos 1:2

Ab'an anaqwan, sa' roso'jikeb' li kutan, xooraatina sa' xk'ab'a' li Ralal, li kixxaqab' cho'q aj eechaninel re chixjunil; sa' xk'ab'a' ajwi' a'an kixb'aanu li choxach'och'.

Colosenses 1:16

xb'aan naq sa' xk'ab'a' a'an kiyoob'tesiik chixjunil li k'a' re ru li wank sa' choxa jo'wi' sa' ruuchich'och', li na'ilmank ut li ink'a' na'ilmank ru, li wankeb' xnimal xk'anjel ut xwankil, li neke'taqlank ut neke'awab'ejink: chixjunil kiyoob'tesiik sa' xk'ab'a' a'an ut cho'q re a'an.

1 Pedro 1:20

A'an ak sik'b'il chaq ru rub'elaj xk'ojlajik li ruuchich'och', ut anaqwan xk'utb'esi rib' sa' roso'jikeb' li kutan xb'aan eeraab'al laa'ex.

Efesios 3:15

a'an li xyo'leb'aal chixjunil li komonil sa' choxa ut sa' ruuchich'och',

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

Efesios 1:22

Kixk'e chixjunil rub'el roq li Kriist ut kixxaqab' A'an sa' xb'een chixjunil cho'q xjolomil li Iklees,

1 Corintios 11:3

Ab'anan twaj teenaw naq li xjolomil chixjunileb' li winq a'an li Kriist, ut li xjolomil li ixq a'an li winq, ut li xjolomil li Kriist a'an li Yos.

Amós 9:11

“Sa' li kutan a'an tinwaklesi wi' chik li t'anjenaq ochoch re laj David. Tintz'api li xpaapookil, tinyiib' wi' chik li ak juk'ulk ut tinkab'la jo' naq kiwank chaq junxil,

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Hebreos 11:40

Li Yos ak xkawresihom chaq li q'axal chaab'il cho'q qe, ut kiraj naq eb' a'an ink'a' te'tz'aqloq ru wi ink'a' ta qochb'eenaqeb'.

Colosenses 3:11

Arin maak'a' chik aj griego ut aj Judiiy, maak'a' chik li xk'ulum li sirkunsisyon ut li ink'a', maak'a' chik li jalan xtenamit, li ch'ol winq, laj loq'b'il k'anjel ut li ach'ab'anb'il, a' b'an li Kriist a'an chixjunil ut wank sa' chixjunileb'.

Efesios 2:15

Li Kriist kixsach xwankil li Najter Chaq'rab' rik'in chixjunileb' li xtaqlahom ut xyehom, ut rik'in li wiib' chi tenamit kixk'uub' ru sa' li xjunxaqalil jun Ak' Winqilal. Chi jo'kan kiroksi li tuqtuukilal.

1 Corintios 10:11

Chixjunil a'an kichalk sa' xb'eeneb' jo' loq'laj eetalil, ut kitz'iib'aak re xk'eeb'al qana'leb' laa'o li wanko sa' roso'jikeb' li kutan.

San Mateo 25:32

Chixjunileb' li tenamit talaje'ch'utub'aaq chiru, ut taarisi li junch'ol sa' xyanqeb' li junch'ol chik, jo' laj k'aak'alenel ketomq narisiheb' li karneer sa' xyanqeb' li chib'aat.

Malaquías 3:1

Li Nimajwal Yos kixye chi jo'ka'in: “K'ehomaq reetal, laa'in tintaqla lintaql re xtuqub'ankil linb'e. Chi seeb' li Qaawa', li yookex chi xsik'b'al, taa'ok sa' li rochoch. Chalk re laj yehol resil li sumwank, li raaro eeb'aan!”.

Hebreos 9:10

chixjunil a'an yal ruuchich'och'il chaq'rab' li na'aatinak chirix tzekemq, uk'a', jo'wi' chirix li k'iila paay chi ch'ajob'resink ib', ut kiwank xwankil toj kiwulak xq'ehil xjalb'al chixjunil.

Efesios 3:2

Ak xerab'i resil link'anjel k'eeb'il we cho'q eere laa'ex, xb'aan xnimal rusilal li Yos.