Eclesiastés 9:3 - Q'eqchi Bible

³ Ut a'an a'in li ink'a' us xink'e reetal sa' ruuchich'och': naq juntaq'eet tqak'ul chiqajunilo. Nujenaq li qach'ool chi maa'usilal, ut junes memil na'leb' yooko xk'oxlankil chiru li qayu'am. Chirix chik a'an tookamq!

Li Santil hu

³ Li cꞌaꞌru incꞌaꞌ us ninqꞌue retal, aꞌan nak juntakꞌe̱t nequeꞌxcꞌul chixjunileb li cuanqueb saꞌ ruchichꞌochꞌ. Junes ma̱usilal ut to̱ntil naꞌleb nequeꞌxcꞌoxla xba̱nunquil joꞌ najtil nequeꞌcuan saꞌ ruchichꞌochꞌ. Ut chirix aꞌan nequeꞌcam.

Eclesiastés 9:3 ပူးပေါင်းရင်းမြစ်များ

Jeremías 17:9

“Q'axal aj b'alaq' li xch'ool li poyanam, k'ajo' xyib'al ru chiru chixjunil li k'a'aq re ru. Maajun natawok ru li naxk'oxla.

Eclesiastés 8:11

Naq ink'a' naraqmank aatin sa' junpaat sa' xb'een li yib'ru xna'leb', eb' li tenamit neke'xik wi' chik xch'ooleb' chi xb'aanunkil li maa'usilal.

Eclesiastés 1:17

Xink'e inch'ool re xnawb'al b'ar wank li choxahil na'leb' ut li xseeb'al k'a'uxl, jo'wi' li memil ut li jipil, ut xintaw ru naq a'in ajwi' chanchan li chapok iq'”, chankin sa' inch'ool.

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

2 Pedro 2:16

ab'an kiq'use'k xb'aan naq kiq'etok aatin: jun li xul aj iiqom ut mem ki'aatinak rik'in xyaab' xkux winq, ut chi jo'kan kirame'k li xmemil li propeet a'an.

Hechos 26:24

Naq yo laj Pablo chi aatinak chi jo'kan re xkolb'al rib', laj Festo kixjap re chi xyeeb'al: —Wax aawu, a Pablo. Li k'iila tzolok xsachok aana'leb'.

Hechos 12:23

Ab'anan chi junpaat li x'ánjel li Qaawa' kixrahob'tesi laj Herodes, xb'aan naq kixmaq' cho'q re li xloq'al li Yos. Ut kikamk li awab'ej, chi lowb'il xb'aaneb' motzo'.

San Lucas 15:17

“Ut naq ak xk'ulunk xch'ool, kixye: «Naab'aleb' xmoos linyuwa' wankeb' xwa chi numtajenaq, ut laa'in oso'k we arin xb'aan tz'okaak!

San Lucas 6:11

Ut eb' a'an k'ajo' naq ke'po'k, yookeb' chi k'uub'ank chirib'ileb' rib' k'a' raj ru te'xb'aanu rik'in li Jesus.

Eclesiastés 12:7

Naq taachalq li kutan a'an, pojtz' tatsutq'iiq wi', xb'aan naq pojtz' okenaqat; ut laamusiq' taasutq'iiq wi' chik rik'in li Yos xb'aan naq A'an kik'ehok aawe.

Eclesiastés 9:2

Juntaq'eet te'xk'ul chixjunileb': jo' li tiik xch'ool jo'wi' li ink'a' tiik xch'ool, jo' li chaab'il xna'leb' ut li ink'a' us xna'leb', jo' li naxpaab' li Chaq'rab' ut li ink'a' naxpaab', jo' li namayejak ut li ink'a' namayejak, jo' li saq ru xch'ool ut laj maak, jo' li naxb'aanu jurament ut li ink'a' naxb'aanu.

Eclesiastés 7:25

Toja' naq xink'e inch'ool chi xtzolb'al jo'ch'inal jo'nimal naxk'e rib' chiwu, re naq twanq b'ayaq inna'leb'. Ut xink'e reetal naq moko us ta li memil, ut li memil a'an kama' li jipil.

Proverbios 14:32

Li ink'a' us xna'leb', a' ajwi' li xmaa'usilal nasachok re; a'ut li tiik xch'ool nakole'k xb'aan li xtiikilal.

Salmos 51:5

Ninnaw chi us naq xinq'et laawaatin, rajlal nanaqk sa' inch'ool li maak xinb'aanu.

Li xHu LAJ JOB 15:16

Ma tojo' tana chik laa'o li ink'a' us qana'leb' ut naqab'aanu li maa'usilal rajlal jo' naq na'uk'e'k li ha'?

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

Hechos 26:11

K'iila sut kinrahob'tesiheb' ut kinmin ruheb' chi xmajewankil li xpaab'aaleb'. Ut a'in kinb'aanu sa' chixjunileb' li ch'utleb'aal kab'l; k'ajo' linjosq'il sa' xb'eeneb' naq kinsik'ihatqeb' toj sa'eb' li jalanil tenamit.

Génesis 6:5

Kiril li Qaawa' naq li xmaa'usilaleb' li winq yo chi numtaak sa' ruuchich'och' ut junes tz'i'b'eetalil na'leb' neke'xk'oxla sa' xch'ooleb';

Eclesiastés 2:14

Li ani wank xna'leb' naxnaw b'ar yo chi xik, a'ut li jip nab'eek sa' aak'ab'. Ab'anan xintaw ru naq juntaq'eet toxe'raqe'q wi' chi xkab'ichaleb'.

Eclesiastés 7:2

Q'axal us xik sa' rochochil li kamenaq chiru li xik sa' rochoch li ninq'e. Xb'aan naq li kamk, a'an li nokooraqe'k wi' chiqajunilo, ut us raj naq a'in wanq sa' xch'ooleb' li yo'yookeb'.

Eclesiastés 9:4

Jo' najtil roq li qayu'am, toj xaqxo li qoyb'enihom; jo'kan naq nayeemank: “Jwal us li yo'yookil tz'i' chiru li kamenaqil kaqkoj”.

Jeremías 16:12

Ut laa'ex q'axal yib' wi' chik ru xeb'aanu chiruheb' a'an, xb'aan naq li junjunq eere laa'ex naxb'aanu li maa'usilal li naraj xch'ool xb'aanunkil ut ink'a' ajwi' nikineepaab'.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Li xHu LAJ JOB 9:22

Li Yos juntaq'eet naxsacheb' li maak'a'eb' xmaak ut li tiikeb' xch'ool.

Li xHu LAJ JOB 21:26

Ab'anan juntaq'eet neke'kanaak chixjunileb': neke'kamk ut neke'motzo'ink.

Salmos 64:7

Ani tab'i' taak'ehoq reetal li k'aru yooko?”. Neke'xyoob' raaxiik' ut neke'xmuq li ralahomeb' xch'ool, xb'aan naq k'ajo' xchamal li xch'ool ut xk'a'uxl li winq.

Eclesiastés 9:11

Wank jun chik xwil laa'in sa' ruuchich'och': naq maawa' li jwal seeb'eb' neke'eechanink re li maatan sa' li aanilak, chi moko li q'axal kaweb' rib' neke'q'axok u sa' li yalok. Wan naq li wankeb' xna'leb' ink'a' neke'xtaw xtzekemqeb'; wan naq li seeb'eb' xk'a'uxl ink'a' neke'b'ihomo'k, ut eb' li tzolb'ileb' chi us ink'a' neke'k'ule'k chi chaab'il. Xb'aan naq xtaw xhonal xk'ulb'al li ch'a'ajkilal cho'q reheb'.