Eclesiastés 9:12 - Q'eqchi Bible

¹² Jo'wi' anchal, ink'a' naqanaw jo'q'e tqak'ul junaq ch'a'ajkilal. Jo'keb' li kar chapb'ileb' sa' yooy ut eb' li xik'anel xul chapb'ileb' sa' ch'imb', jo'kan ajwi' naqak'ul laa'o: chi maak'a'aq sa' qach'ool, taachalq sa' qab'een chi junpaat li ink'a' usil honal.

Li Santil hu

¹² Li cui̱nk incꞌaꞌ naxnau jokꞌe tixcꞌul junak chꞌaꞌajquilal. Chanchaneb li car li nequeꞌchapeꞌ riqꞌuin yoy. Ut chanchaneb li xul li nequeꞌchapeꞌ riqꞌuin raꞌal. Joꞌcan ajcuiꞌ nequeꞌxcꞌul li cui̱nk. Eb aꞌan nequeꞌxcꞌul li chꞌaꞌajquilal chi ma̱cꞌaꞌeb saꞌ xchꞌo̱l nak nacuulac xkꞌehil.

Eclesiastés 9:12 ပူးပေါင်းရင်းမြစ်များ

1 Ts 5:3

Naq yooqeb' chi xyeeb'al: “Wanko sa' tuqtuukilal ut maak'a' chik qak'a'uxl”, toja' naq taachalq li roso'jikeb' sa' junpaat chi maak'a'aq sa' xch'ooleb', jo' naq nachalk xrahil li alank sa' xb'een li ixq; ut ink'a' naru te'eleliq chiru.

Proverbios 29:6

Li maak li naxb'aanu li winq, a'an ajwi' nat'anok re; ab'an li tiik xch'ool sa wank ut sa nab'ichank.

2 Timoteo 2:26

Chi jo'kan taatuqlaaq ru li xk'a'uxeb' ut te'risi rib' sa' li xra'al laj tza li chapchookeb' wi' chi xb'aanunkil li naraj a'an.

2 Corintios 6:2

xb'aan naq naxye: “Sa' chaab'il kutan xatwab'i, sa' xkutankil li kolb'a ib' xatintenq'a”. Chek'e reetal, a'an a'in li kutan q'axal chaab'il, a'an a'in xkutankil li kolb'a ib'!

Proverbios 6:15

Jo'kan naq taanaq li rahilal sa' xb'een chi maak'a' sa' xch'ool; taa'oso'q chi junpaat, chi maak'a' chik xja'lenkil.

2 Pedro 2:12

A'ut eb' a'in chanchaneb' li xul maak'a'eb' xna'leb', li yal reheb' chape'k ut kamsiik naq xe'yo'laak chaq: neke'xmajewa li k'aru ink'a' neke'xnaw, ut te'kamq jo' nakamsiik junaq xul.

1 Pedro 2:12

Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.

San Lucas 12:39

“Chenawaq a'in: wi laj eechal kab'l tixnaw ta jo'q'e honal taak'ulunq laj elq', ink'a' raj tixkanab' chi weqe'k li rochoch.

San Lucas 12:20

A'ut li Yos kixye re: «At jip, sa' ajwi' li q'oqyink a'in taamaq'e'q chawu laayu'am. Ut li k'a'aq re ru xakawresi, ani taa'eechaninq re?».

Isaías 30:13

Jo'kan naq wank leemaak. Chanchanex li jorol tz'ak najt xteram li taat'ane'q chi maak'a'aq sa' eech'ool.

Eclesiastés 8:11

Naq ink'a' naraqmank aatin sa' junpaat sa' xb'een li yib'ru xna'leb', eb' li tenamit neke'xik wi' chik xch'ooleb' chi xb'aanunkil li maa'usilal.

Salmos 11:6

Tixtaqla chaq xam ut asuupr sa' xb'eeneb' li wankeb' xmaak, ut tixq'ajkamuheb' rik'in kaqsut-iq' li tixk'at chixjunil.

Eclesiastés 3:19

Relik chi yaal naq laa'o ut eb' li xul juntaq'eet naqak'ul: aajel ru li musiq'ej re naq yo'yooqo, ut teneb'anb'il kamk sa' qab'een chiqajunilo. Li winq maak'a' naxq'ax wi' ru li xul, xb'aan naq maak'a' rajb'al chixjunil.

Eclesiastés 9:13

Jo'kan ajwi' xwil a'in sa' li ruuchich'och' a'in, ut q'axal xk'anjelak cho'q we.

Isaías 24:18

Li ani ink'a' taakamq xb'aan li xxiw toxt'ane'q sa' li jul; ut li taa'elq chaq sa' li jul toxt'ane'q sa' li ra'al. Taateeq'uuq li choxa ut taachalq chaq li b'ut'iha', ut te'chiq'chiq'iiq eb' li roqechal li ruuchich'och'.

Oseas 9:8

Taqlanb'ilin chaq xb'aan li Yos li xinxaqab' cho'q propeet re rilb'aleb' laj Efraín. A'ut laa'ex yalaq b'ar nekeraj inra'lenkil, ut sa' ajwi' li rochoch linYos xik' nikineril.

Proverbios 24:22

xb'aan naq te'oso'q chi junpaat, ut maajun nanawok re li rahilal taak'ehe'q sa' xb'eeneb' xb'aan li Qaawa' ut li awab'ej.

Eclesiastés 8:8

Maa'ani junaq wank xwankil sa' xb'een li iq' re naq tixtz'ap, chi moko wank xwankil sa' xb'een xkutankil li kamk malaj sa' xb'een xq'ehil li yalok. Ut ink'a' naru naq taakole'q li ink'a' us xna'leb' xb'aan li maa'usilal xb'aanu.

Ezequiel 32:3

«Jo'ka'in xye li Qaawa': Us ta wanqat sa' xyankeb li k'iila tenamit, tinkut linkanleb' sa' aab'een ut tatinchap.

Oseas 7:12

A' yaal li b'ar te'xikje'q, laa'in tinhel linra'leb'aal sa' xb'eeneb', teb'inchap jo'eb' li xik'anel xul ut tinrahob'tesiheb' xb'aan li maa'usilal xe'xb'aanu.