Eclesiastés 9:1 - Q'eqchi Bible

¹ Relik chi yaal laa'in xink'e inch'ool chi xtawb'al ru chixjunil a'in, ut xink'e reetal naq li k'aru neke'xb'aanu li wankeb' xna'leb' ut li tiikeb' xch'ool wank sa' ruq' li Yos. Maajun qe laa'o naxnaw k'aru li rahok ut k'aru li xik' ilok.

Li Santil hu

¹ Relic chi ya̱l la̱in quinqꞌue inchꞌo̱l chixtzolbal rix chixjunil li cꞌaꞌak re ru aꞌin. Ut quinqꞌue retal nak li ti̱queb xchꞌo̱l ut li cuanqueb xnaꞌleb cuanqueb saꞌ rukꞌ li Dios, joꞌ ajcuiꞌ li cꞌaꞌru nequeꞌxba̱nu. Ma̱ ani naxnau ma nequeꞌraheꞌ malaj ut xicꞌ nequeꞌileꞌ. Ut incꞌaꞌ nequeꞌxnau cꞌaꞌru teꞌxcꞌul mokon.

Eclesiastés 9:1 ပူးပေါင်းရင်းမြစ်များ

Deuteronomio 33:3

Laa'at nakaraheb' li qaxe'toonil yuwa'; chixjunil laasantil tenamit wank sa' laawuq'. Eb' a'an wiq'wookeb' rub'el laawoq rub'el aawuq', ut naxik xch'ooleb' chirix laawaatin.

1 Pedro 1:5

li xokxookex xb'aan xwankil li Yos, sa' xk'ab'a' leepaab'aal, cho'q re li kolb'a ib' li taak'utb'esiiq sa' roso'jikeb' li kutan.

Eclesiastés 8:14

Sa' li ruuchich'och' a'in wank jun chik li maak'a' rajb'al: wankeb' li chaab'ileb' xch'ool neke'xk'ul li xk'ulub'eb' raj laj maak, ut wankeb' laj maak neke'xk'ul li xk'ulub'eb' li tiikeb' xch'ool. Ut laa'in ninye naq a'in ajwi' maak'a' xyaalal!

Li xHu LAJ JOB 12:10

sa' ruq' li Qaawa' wank li xyu'am chixjunileb' li yo'yookeb'.

2 Timoteo 1:12

ut yookin chi xk'ulb'al li rahilal a'in. Ab'an ink'a' ninxutaanak xb'aan naq ninnaw chi us ani k'ojk'o wi' inch'ool, ut ch'olch'o chiwu naq A'an q'axal kaw rib' re xk'uulankil li k'aru q'axtesinb'il we, toj reetal taawulaq li Kutan a'an.

Isaías 26:12

At Qaawa', laa'at toohaak'e chi wank sa' tuqtuukilal, xb'aan naq ka'ajwi' laa'at nakatk'ehok naq us too'elq rik'in li nalajqab'aanu.

Proverbios 16:3

Kanab' sa' ruq' li Qaawa' laab'aanuhom, ut taa'uxmanq jo' chanru xak'oxla xb'aanunkil.

Salmos 31:5

Chinaawisi taxaq sa' linra'lenkil xe'xk'e: relik chi yaal naq laa'at linmuheelahom.

1 Samuel 2:9

A'an nab'eresink reheb' li neke'paab'ank re, a'ut li ink'a' useb' xna'leb' te'oso'q sa' li aak'ab', xb'aan naq maa'ani naq'axok u yal rik'in li xmetz'ew.

Eclesiastés 10:14

Li jip k'ajo' nawulak chiru aatinak, ab'an maajun naru tixye k'aru taak'ulmanq wulaj kab'ej. K'aru chalk re sa' qab'een? Maa'ani nanawok re.

Eclesiastés 8:16

Naq xinq'axtesi wib' chi xnawb'al ut xk'eeb'al reetal li nak'ulmank sa' ruuchich'och' ut xinyal inq'e chi xtawb'al ru b'ar wank li choxahil na'leb', chi q'eq ut chi kutan ink'a' nachalk linwara.

Eclesiastés 7:25

Toja' naq xink'e inch'ool chi xtzolb'al jo'ch'inal jo'nimal naxk'e rib' chiwu, re naq twanq b'ayaq inna'leb'. Ut xink'e reetal naq moko us ta li memil, ut li memil a'an kama' li jipil.

Eclesiastés 7:15

Yal numelin arin sa' ruuchich'och', ut xink'e reetal chixjunil a'in: wankeb' chaab'ileb' xch'ool li neke'kamk, us ta chaab'il li xna'leb'eb'; ut wankeb' li ink'a' useb' xch'ool najt neke'wank sa' ruuchich'och', us ta k'ajo' xmaa'usilaleb'.

Eclesiastés 1:17

Xink'e inch'ool re xnawb'al b'ar wank li choxahil na'leb' ut li xseeb'al k'a'uxl, jo'wi' li memil ut li jipil, ut xintaw ru naq a'in ajwi' chanchan li chapok iq'”, chankin sa' inch'ool.

Salmos 73:3

xb'aan xkaqalinkileb' li q'etq'eteb' ut xb'aan rilb'al naq wankeb' sa' sahilal li ink'a' useb' xna'leb'.

Salmos 10:14

Laa'at aawilom chik li xmaa'usilal ut li xq'etq'etil; nakawil re xk'eeb'al sa' tojb'amaak. Li q'axal xtoq'ob'aal ru naxq'axtesi rib' rub'el laawoq rub'el laawuq', laa'at nakattenq'ank re li neb'a'yox.

Li xHu LAJ JOB 5:8

Wi laa'in ta laa'at, ak xinsik' raj intenq'ankil rik'in li Yos.

Salmos 119:109

Xiw xiw wank linyu'am chi junelik, ab'an ink'a' nasachk sa' inch'ool laawajom.

Eclesiastés 9:6

Ink'a' chik neke'rahok chi moko xik' neke'ilok, ink'a' chik neke'kaqalink chi moko neke'okenk chik rik'in li na'uxmank arin sa' ruuchich'och'. Ak xraqe'k chixjunil a'an!

Jeremías 43:6

eb' li winq, li ixq, li kok'al, li xrab'ineb' li awab'ej ut chixjunileb' li poyanam li ke'kanab'aak rub'el xwankil laj Kedalías, ralal laj Ajikán ut ri laj Safán, xb'aan laj Nabusaradán, xjolomileb' laj k'aak'alenel. Ke'xch'utub' ajwi' laj Jeremías, li propeet, ut laj Baruk, ralal laj Nerías.

Li xHu LAJ JOB 27:12

Ut wi chejunilex ak eerilom li naxb'aanu, k'a'ut naq nekex'aatinak chi maak'a' xyaalal?

Eclesiastés 8:7

ink'a' naqanaw li k'aru chaalel, chi moko wank ta junaq taayehoq resil li k'aru taak'ulmanq.