Eclesiastés 8:12 - Q'eqchi Bible

^12-13 Mare wankeb' aj maak li neke'b'aanunk maa'usilal k'iila sut, ut yo'yooqeb' chiru naab'al chihab'. Ab'an laa'in ninnaw naq ink'a' us te'elq, chi moko najtaq roq li xyu'ameb'; kama'aq li mu li xyu'ameb', xb'aan naq ink'a' neke'roxloq'i li Yos. A'ut ch'olch'o naq eb' laj paab'anel li neke'rahok re li Yos, us te'elq.

Li Santil hu

¹² Usta nanumta li ma̱usilal li nequeꞌxba̱nu laj ma̱c ut usta najt rok lix yuꞌameb arin saꞌ ruchichꞌochꞌ, la̱in ninnau nak eb li nequeꞌxucuan ru li Dios us teꞌxcꞌul chiruheb aꞌan.

Eclesiastés 8:12 ပူးပေါင်းရင်းမြစ်များ

Salmos 37:11

A'ut eb' li neb'a' te'reechani li chaab'il na'ajej. K'ajo' xnimal li tuqtuukil usilal te'xyal chi junelik!

2 Pedro 2:9

Jo'kan utan, chixjunil a'in a'an reetalil naq li Yos naxnaw xkolb'aleb' laj paab'anel chiru li aaleek; a'ut eb' li ink'a' neke'paab'ank, naxk'uulaheb' cho'q re xkutankil li raqb'a aatin naq te'rahob'tesiiq:

Eclesiastés 7:15

Yal numelin arin sa' ruuchich'och', ut xink'e reetal chixjunil a'in: wankeb' chaab'ileb' xch'ool li neke'kamk, us ta chaab'il li xna'leb'eb'; ut wankeb' li ink'a' useb' xch'ool najt neke'wank sa' ruuchich'och', us ta k'ajo' xmaa'usilaleb'.

Eclesiastés 3:14

Ninnaw ajwi' naq chixjunil li naxb'aanu li Yos, wanq chi junelik. Maak'a' tiqe'k chi moko jeb'e'k naraj. Li Yos xb'aanu chixjunil chi jo'kan, re naq taaqoxloq'i li xnimal xwankil.

Romanos 9:22

Li Yos q'axal kixkuy eb' li xk'ulub'eb' raj li tojb'amaak ut li sachk. Rik'in a'an kiraj xk'utb'al li xtiikilal xch'ool ut li xwankil.

San Lucas 1:50

Li ruxtaan junelik wank sa' xb'eeneb' li neke'xiwank re.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

San Mateo 25:34

“Toja' naq li Rey tixye reheb' li wanqeb' sa' xnim uq': «Kimqex laa'ex, osob'tesinb'ilex xb'aan linYuwa'! Eechanihomaq li nimajwal wankilal kawresinb'il cho'q eere chalen chaq sa' xk'ojlajik li ruuchich'och'.

Eclesiastés 7:18

Wanqat sa' xyi li b'e. Chawoxloq'i li Yos; chi jo'kan us tat-elq sa' chixjunil laak'anjel.

Eclesiastés 5:16

A'in q'axal ra ajwi' xk'ulb'al: jo' naq xk'ulunk sa' ruuchich'och', jo'kan ajwi' naq taakamq. Ut k'aru xra naq xtawasi rib'

Proverbios 13:21

Laj maak ink'a' nakanab'aak xb'aan li rahilal; a'ut li chaab'il xna'leb' naq'ajkamuuk xb'aan li usilal.

Salmos 115:13

trosob'tesi eb' li neke'paab'ank re li Qaawa', trosob'tesi chixjunileb', jo' kok' jo' ninq.

Salmos 112:1

Aleluya! Us xaq re li naroxloq'i li Qaawa' ut q'axal nasaho'k sa' xch'ool rik'in xpaab'ankil li xchaq'rab'!

Salmos 96:9

Wiq'lanqex chiru li Qaawa' sa' li xloq'laj na'aj; chexiwa ru chejunilex li wankatqex sa' ruuchich'och'.

1 Crónicas 16:30

chexiwa ru chejunilex li wankatqex sa' ruuchich'och'! Kixk'ojob' sa' xna'aj li ruuchich'och', ut maajaruj taa'eek'anq.

1 Reyes 21:25

Relik chi yaal naq maajun chik kiwank jo' laj Ajab, li k'ajo' li maa'usilal kixb'aanu chiru li Qaawa', takchi'inb'il xb'aan lix Jesabel li rixaqil.

Deuteronomio 12:25

Maatzeka li kik' re naq sa wanqat chiru laayu'am, aawochb'eeneb' laawalal aak'ajol, rik'in xb'aanunkil li q'axal us chiru li Qaawa'.

Éxodo 1:20

Li Yos kirusilaheb' laj xokol k'uula'al ut kixk'e naab'al li ralal xk'ajoleb', xb'aan naq ke'xxiwa ru li Qaawa'. Ut eb' laj Israel ke'naab'alo'k ut ke'xtaw xwankilaleb';

Deuteronomio 4:40

Paab' li xchaq'rab' ut li xtaqlahom li yookin chi xyeeb'al aawe anaqwan, re naq sahaq aach'ool laa'at ut eb' laawalal aak'ajol, ut taanajto'q roq laayu'am sa' li ch'och' tixk'e aawe chi junajwa li Qaawa' laaYos.

Deuteronomio 12:28

“Ab'i ut paab' chixjunil li nakatintaqla wi', re naq junelik sa wanqat laa'at jo'wi' eb' laawalal aak'ajol, rik'in xb'aanunkil li q'axal us ut tiik chiru li Qaawa' laaYos.

Salmos 128:2

Rik'in li naruuchin laak'anjel tattzekanq. K'ajo' naq taasaho'q laach'ool; us tat-elq rik'in chixjunil li taab'aanu.

Eclesiastés 5:7

Laa'at chaloq'oni ut chapaab' li Yos! Li matk'ek naxk'am chaq li k'iila aatin maak'a' na'ok wi'.

Eclesiastés 12:13

Tz'aqalaq li aatin. Ak xinye chixjunil. Chawoxloq'i li Yos ut paab' li xchaq'rab', xb'aan naq a'in naxk'ul wi' rib' chixjunil laatzolb'al.

Li xHu LAJ JOB 35:15

Laa'at nakaye naq ink'a' najosq'o'k ut ink'a' narahob'tesink, chi moko naxk'e reetal li maa'usilal.

Proverbios 28:14

Li Yos narosob'tesi li napaab'ank chiru; ab'an li nakawuuk xch'ool sa' li maak, ra tixk'ul.

Jeremías 44:10

Ab'anan, chalen toj anaqwan, toj maji' nayot'e'k eech'ool chi moko nekexxiwak b'ayaq; tik ink'a' nekeb'aanu jo' naxye li waatin chi moko linchaq'rab' ink'ehom eere laa'ex ut reheb' leena' leeyuwa'.