Eclesiastés 8:10 - Q'eqchi Bible

¹⁰ Wilom ajwi' naq li ink'a' useb' xna'leb' neke'k'ehe'k xloq'al naq neke'muqe'k; a'ut eb' li neke'xik rajlal sa' rochoch li Yos, chi moko sa' li xtenamiteb' najultikamank li xk'ab'a'eb'. Ut a'in ajwi' maak'a' xyaalal!

Li Santil hu

¹⁰ Ut ninqꞌue ajcuiꞌ retal nak eb li incꞌaꞌ useb xnaꞌleb nequeꞌqꞌueheꞌ xlokꞌal nak nequeꞌmukeꞌ. Abanan li nequeꞌxic rajlal saꞌ li templo, ma̱ ani nacꞌoxlan re li ti̱quilal li queꞌxba̱nu saꞌ li tenamit. Chixjunil aꞌin ma̱cꞌaꞌ na-oc cuiꞌ.

Eclesiastés 8:10 ပူးပေါင်းရင်းမြစ်များ

Eclesiastés 9:5

Li yo'yookeb' neke'xnaw naq te'kamq, a'ut li kamenaqeb' maak'a' neke'xnaw ut maak'a' neke'royb'eni; moko paatz'ajeleb' ta chik.

Eclesiastés 2:16

Ink'a' patz'b'ilaq li wank xna'leb' chi moko li jip, ut xkab'ichaleb' te'kamq. Naq yooqeb' chi xik li kutan, nasachmank sa' qach'ool chixjunil.

Proverbios 10:7

Junelik osob'tesinb'il li xk'ab'a' li winq chaab'il; a'ut li ink'a' us xna'leb' sa' junpaat taasache'q li xk'ab'a'.

Hebreos 10:38

Li tiik xch'ool chiwu taawanq xyu'am xb'aan li xpaab'aal; a'ut wi tixkanab' inpaab'ankil, ink'a' taasaho'q inch'ool rik'in”, chan li Yos.

Hechos 6:13

Toja' naq ke'xxaqab' aniheb' te'tik'ti'iq chirix: —Li winq a'in ink'a' naxkanab' xyeeb'al yib'ru chirix li santil na'ajej ut li Chaq'rab'.

San Lucas 16:22

“Kiwulak xq'ehil naq kikamk li neb'a' ut kik'ame'k xb'aaneb' li ánjel toj chi xk'atq laj Abraham. Kikam ajwi' li b'ihom ut kimuqe'k.

Jeremías 17:13

At Qaawa', laa'at tz'aqal li royb'enihom laj Israel. Chixjunileb' li te'tz'eqtaananq aawe, xutaanal te'kanaaq. Eb' li te'najto'q aawik'in, taasachmanq li xk'ab'a'eb' jo' tawi' tz'iib'anb'il sa' pojtz', xb'aan naq xe'xkanab' li Qaawa', a'an li yu'amha'.

Eclesiastés 1:11

Ink'a' jultik qe jo'nimal xk'ulmank junxil, chi moko eb' li poyanam chalkeb' re te'jultiko'q reheb' li k'aru xqab'aanu laa'o.

Salmos 31:12

Se'b'eetalin xb'aaneb' chixjunil li xik' neke'ilok we, nikine'xyib' aj chik chixjunileb' li wechkab'al. K'ajo' naq nikine'xxiwa eb' li wech'alal; jo'k'ihal li nekeb'ink'ul sa' b'e, neke'elelik chiwu.

Li xHu LAJ JOB 21:18

Ma xe'cha'cha'iik tab'i' jun sutaq jo' nak'ame'k li k'im xb'aan li iq', jo' nasaapuuk li xmoqoj ixim xb'aan li kaqsut-iq'?

Eclesiastés 9:15

Aran sa' li tenamit wank jun li winq neb'a', ab'an q'axal wank xna'leb'. Li winq a'an kiruuk raj xkolb'al li xtenamit rik'in xnimal xk'a'uxl, ab'anan maa'ani kipatz'ok re, xb'aan naq neb'a'!