Eclesiastés 8:1 - Q'eqchi Bible

¹ Maajun truuq tixjuntaq'eeta rib' rik'in li wank xna'leb'. Ani naxnaw xch'olob'ankil xyaalalil chixjunil li k'a'aq re ru? Li wank xna'leb' junelik se'se' ru na'ilok.

Li Santil hu

¹ Ma̱ ani ta̱ru̱k tixjuntakꞌe̱ta rib riqꞌuin li cuan xnaꞌleb. Li ani cuan xnaꞌleb naxnau cꞌaꞌut nak nacꞌulman li cꞌaꞌak re ru saꞌ ruchichꞌochꞌ. Lix naꞌleb naxqꞌue chi sahocꞌ lix chꞌo̱l ut najala li riloba̱l xban nak sa chic saꞌ xchꞌo̱l.

Eclesiastés 8:1 ပူးပေါင်းရင်းမြစ်များ

Hechos 6:15

Naq chixjunileb' li k'ojk'ookeb' sa' li raqleb'aal aatin ke'xka'ya laj Esteban, chanchan xnaq' ru junaq ánjel naq ke'ril.

Deuteronomio 28:50

jun tenamit q'axal josq'eb' li ink'a' te'roxloq'i li cheekel winq li cheekel ixq, chi moko te'ril xtoq'ob'aal ruheb' li kok'al.

2 Pedro 1:20

Ab'anan chetawaq xyaalal a'in xb'enwa: naq chixjunil li raatin propeet li wank sa' li Santil Hu maa'ani taaruhanq chi xch'olob'ankil xyaalal yal xjunes rib',

2 Timoteo 4:17

Ab'an li Qaawa' xoltenq'anq we ut xk'e xkawub' linch'ool re xpuktesinkil chi yaal li Aatin re naq xe'rab'i chixjunileb' li tenamit. Ut xinkole'k sa' re li kaqkoj.

Hechos 4:29

Ut anaqwan, at Qaawa', k'e reetal chanru nokoohe'xxib'esi, ut chak'e taxaq reheb' laj k'anjel chawu xpuktesinkil laawaatin chi kaweb' xch'ool.

Hechos 4:13

Naq ke'xk'e reetal li xkawub' xch'ooleb' laj Pedro ut laj Jwan, ke'sachk xch'ool, xb'aan naq ch'olch'o chiruheb' naq eb' li winq a'in moko tzolb'ileb' ta ut aj k'aleb'aaleb'. Neke'xnaw chi us naq xe'rochb'eeni li Jesus.

Proverbios 17:24

Li seeb' xk'a'uxl junelik naxsik' xtz'aqob' li xna'leb'; a'ut li maak'a' xna'leb' ink'a' naxnaw b'ar yo chi xik.

Li xHu LAJ JOB 33:23

Ab'an wi wank chak'atq jun xtaql li Yos, junaq aj k'anjel chiru li Qaawa' li tixjultika chawu li teneb'anb'il sa' aab'een,

Efesios 6:19

jo' ajwi' chiwix laa'in, re naq li Yos tixk'e we li loq'laj Aatin li tento xpuktesinkil ut kawaq inch'ool chi xk'eeb'al chi nawe'k li xmuqmuukil yaalal li Chaab'il Esilal.

San Mateo 17:2

Ut kilemtz'uno'k li xjunxaqalil chiruheb': li rilob'aal kilemtz'uno'k kama' li saq'e ut li raq' kisaqo'k kama' li saqenk.

Daniel 2:47

Chirix chik a'an kixye re laj Daniel: “Relik chi yaal naq leeYos laa'ex, a'an tz'aqal li Yos nim xloq'al, li awab'ej q'axal nim xwankil sa' xb'een chixjunileb' li awab'ej. A'an laj kutanob'resinel re li muqmuukil na'leb', xb'aan naq laa'at xach'olob' xyaalal li tz'aptz'ookil na'leb' a'in”.

Proverbios 24:5

Jwal us li winq wank xna'leb' chiru li kaw rib'; ut q'axal loq' li seeb' xk'a'uxl chiru li nim xwankil.

Proverbios 1:6

re xtawb'al xyaalal li xyehomeb' li wankeb' xna'leb', jo'wi' eb' li muqmuukil ut jaljookil ru aatin li ch'a'aj xtawb'al ru.

Génesis 40:8

Ke'chaq'ok eb' a'an ut ke'xye: “Xoomatk'ek ut maajun nach'olob'ank xyaalal chiqu”. Kixye laj José reheb': “Ma ink'a' tab'i' re li Yos li xch'olob'ankil xyaalal li matk'? Seeraq'iiq we laa'in”, chan.

Romanos 13:5

Jo'kan utan, tento texpaab'anq chiruheb', moko ka'aj ta wi' re naq ink'a' texrahob'tesiiq, re aj b'an wi' naq k'ojk'ooq leech'ool.

Proverbios 21:29

Li ink'a' us xna'leb', naxb'aanu rib' naq kaw xch'ool; a'ut ka'ajwi' li nawank sa' li tiikilal k'ojk'o xch'ool xb'aan naq maak'a' xmaak.

Éxodo 34:35

ut eb' laj Israel neke'ril naq nalemtz'unk li xnaq' ru. Chirix chik a'an laj Moisés naxmuq wi' chik li xnaq' ru, tojo' re naq na'ok wi' chik chi raatinankil li Qaawa'.

Proverbios 12:8

Li ani seeb' xch'ool nak'ehe'k xloq'al; a'ut li maak'a' xna'leb', a'an yal re tz'eqtaanaak.

Daniel 2:22

A'an nak'ehok chi kutankil li muqmuukil k'a'uxl ut li ch'a'aj xtawb'al ru; naxnaw li k'aru muqmu sa' li aak'ab', xb'aan naq na'ochb'eeniik xb'aan li kutan saqenk.