Eclesiastés 7:9 - Q'eqchi Bible

⁹ Matjosq'o'k sa' junpaat, xb'aan naq li josq'il wank sa' xch'ooleb' li jipeb'.

Li Santil hu

⁹ Ut incꞌaꞌ tatjoskꞌokꞌ saꞌ junpa̱t joꞌ nequeꞌxba̱nu li ma̱cꞌaꞌeb xnaꞌleb. Eb aꞌan nequeꞌjoskꞌoꞌ saꞌ junpa̱t.

Eclesiastés 7:9 ပူးပေါင်းရင်းမြစ်များ

Santiago 1:19

Ex was wiitz'in raarookex inb'aan, chiwanq sa' eech'ool a'in: li junjunq seeb'aq xch'ool chi ab'ink, chixkuyaq rib' chi aatinak ut chixkuyaq rib' chi josq'o'k.

Proverbios 14:17

Li sa' junpaat najosq'o'k ink'a' naxk'oxla li naxb'aanu; ut li naxnaw k'oxlak, wank xkuyum.

Proverbios 16:32

Q'axal us naq wanq aakuyum chiru li xkawilal aawib'; ut jwal us xkuyb'al aawib' chiru reechaninkileb' li k'iila tenamit.

San Marcos 6:19

Lix Herodías xik' naril laj Jwan ut naraj raj xkamsinkil, ab'anan ink'a' naru xb'aanunkil,

Jonás 4:9

Toja' naq li Yos kixpatz' re laj Jonás: “Ma us naq nakatjosq'o'k sa' xk'ab'a' naq xchaqik li jun toon chi che'kenq'?”, chan re. Kichaq'ok laj Jonás ut kixye: “Us ninb'aanu naq ninjosq'o'k. Wank xyaalal naq ninpo'k toj reetal nawaj raj kamk!”.

2 Samuel 19:43

Ke'chaq'ok eb' laj Israel: “Laa'o yaal qe sa' xb'een li awab'ej, sa' xb'een laj David. K'a' naq nokooheetz'eqtaana? Laa'o asb'ejo cheru ut laa'o li tz'aqal xoo'aatinak xb'enwa re naq taasutq'iiq chaq li awab'ej”, chankeb'. Ab'anan eb' laj Judá q'axal kaw wi' chik ke'aatinak chiruheb' laj Israel.

2 Samuel 13:22

Laj Absalón maajun aatin kixye re laj Amnón, ab'anan xik' naril xb'aan naq kixsach xtuq'ixqilal lix Tamar li ranab'.

2 Samuel 13:28

ut kixye reheb' laj k'anjel chiru: “Kawal wanqex. Naq sahaq xch'ool laj Amnón xb'aan li b'iin ut laa'in tinye eere: «Teekamsi», kamsihomaq chi maak'a'aq eexiw, xb'aan naq a'an eetaqlankil inb'aan. Kawaq b'i' eech'ool ut yo'oon wanqex”.

San Marcos 6:24

Ki'elk aran li ixqa'al ut koxye re li xna': —K'aru tinpatz'? Ut a'an kixye: —Patz' li xjolom laj Jwan aj kub'sihomha'.

2 Samuel 13:32

ab'an laj Jonadab, ralal laj Simá li ras laj David, ki'ok chi aatinak ut kixye: “At awab'ej, maak'oxla naq kamenaqeb' chixjunileb' laawalal. Ka'ajwi' laj Amnón xkamk. Ak wank sa' xch'ool laj Absalón xkamsinkil laj Amnón chalen naq a'in kixmux lix Tamar li ranab'.

Génesis 4:8

Chirix chik a'an kixye laj Kaín re laj Abel li riitz'in: “Yo'o sa' k'aleb'aal”. Ut naq wankeb' sa' k'aleb'aal, laj Kaín kixkut rib' sa' xb'een laj Abel li riitz'in ut kixkamsi.

Proverbios 14:29

Li wank xna'leb' ink'a' najosq'o'k sa' junpaat; li maak'a' xkuyum naxk'ut li xmemil.

Eclesiastés 7:10

Maaye: “K'a' naq q'axal useb' li kutan ak xe'nume'k, chiruheb' li kutan anaqwan?”. Maaye a'an, xb'aan naq ka'ajwi' li maak'a' xna'leb' napatz'ok chirix a'an.

Proverbios 25:8

matxik sa' aanil chi jitok sa' raqleb'aal aatin, xb'aan naq mare jalan chik toxch'olob'anq li yaal ut laa'at ink'a' chik taanaw k'aru taab'aanu.

Jonás 4:3

Jo'kan, at Qaawa', nintz'aama chawu naq isi linyu'am sa' li ruuchich'och'. Q'axal us naq tinkamq chiru naq yo'yooqin”, chan laj Jonás.

Jonás 4:8

ut naq ki'elk chaq li saq'e, li Yos kixtaqla chaq jun tiqwal iq'. K'ajo' naq kitawasiik laj Jonás xb'aan xtiqwal li saq'e: kichalk xlub'ik ut kixpatz' li xkamik: “Q'axal us li kamk cho'q we chiru naq yo'yooqin”, chan.