Eclesiastés 7:4 - Q'eqchi Bible

⁴ Sa' rochochil li rahil ch'oolej, aran natawmank li winq wank xna'leb'; ut sa' li na'ajej yo wi' li ninq'e, aran wank li maak'a' xna'leb'.

Li Santil hu

⁴ Li ani cuan xnaꞌleb nacꞌoxlac chirix li ca̱mc. Ut li ani ma̱cꞌaꞌ xnaꞌleb caꞌaj cuiꞌ li ninkꞌei̱c naxcꞌoxla.

Eclesiastés 7:4 ပူးပေါင်းရင်းမြစ်များ

Oseas 7:5

Sa' xninq'e li awab'ej, neke'yajerk li xninqaleb' ru winq xb'aan li num uk'ak; neke'reetz'u eb' li poyanam, ut li awab'ej naxb'aanu jo' neke'xb'aanu eb' a'an.

Daniel 5:30

Chiru ajwi' li q'oqyink a'an kikamsiik laj Baltasar, awab'ej re Kaldeha.

Jeremías 51:57

Li Qaawa', li xnimal ru Awab'ej, xyehom chi jo'ka'in: “Tinkaltesiheb' li xninqal ru winq jo' ajwi' eb' li wankeb' xna'leb' aran Babilonia, eb' li xjolomileb' li tenamit, eb' laj raqol aatin ut eb' laj puub'. Te'warq chi junwaakaj ut ink'a' chik te'ajq ruheb' -chan li Qaawa'-.

Jeremías 51:39

Naq taachaqiq reheb', tink'e li ruk'a'eb' re naq tsaho'q sa' xch'ooleb'; tinkaltesiheb' re naq taasachq li xna'leb'eb', te'warq chi junajwa ut ink'a' chik taa'ajq ruheb' -chan li Qaawa'-.

Isaías 21:4

Tik xsachk inna'leb' ut nachalk ke chiwix xb'aan linxiw; xiwajel aj chik cho'q we naq na'ewuuk ut ink'a' chik sa wankin naq na'ok li q'oqyink.

1 Reyes 20:16

Ke'elk chaq tuqtuuk wa'leb', naq laj Ben-Adad yo chi kalaak aran Sukot, rochb'eeneb' li kab'laju xka'k'aal chi awab'ej li ke'okenk chirix.

2 Samuel 13:28

ut kixye reheb' laj k'anjel chiru: “Kawal wanqex. Naq sahaq xch'ool laj Amnón xb'aan li b'iin ut laa'in tinye eere: «Teekamsi», kamsihomaq chi maak'a'aq eexiw, xb'aan naq a'an eetaqlankil inb'aan. Kawaq b'i' eech'ool ut yo'oon wanqex”.

1 Samuel 30:16

Ut kixk'am rik'ineb' laj Amalek li wankeb' yalaq b'ar sa' li na'ajej a'an, yookeb' chi wa'ak uk'ak ut chi xajok xb'aan chixjunil li k'a'aq re ru ke'relq'a sa' xna'ajeb' laj Filistea ut eb' laj Judá.

1 Samuel 25:36

Naq lix Abigahil kiwulak sa' rochoch, kixtaw li xb'eelom chi ninq'ehik: k'ajo' li sahil ch'oolej aran, jo' li na'uxmank sa' xninq'e junaq awab'ej. Sa sa' xch'ool laj Nabal ut taakalaaq; jo'kan naq maak'a' kiyehe'k re toj sa' li kutan jun chik.

Nahum 1:10

xb'aan naq eb' li xik' neke'ilok re, te'oso'q chi junajwa chanchaneb' li k'ix xchapomeb' rib'; jo'qeb' li chaqi k'im naq te'k'ate'q, ut k'ajo'eb' chi kalaak sa' xninq'eheb'.

Eclesiastés 2:1

Xinye ajwi' sa' inch'ool: “Inyalaq xsahil li ruuchich'och' re naq sahaq li waanm”. Ab'anan xink'e reetal naq a'in maak'a' ajwi' rajb'al.

Eclesiastés 7:3

Q'axal us li yaab'ak chiru li se'ek, xb'aan naq li rahil ch'oolej nokooxtenq'a chi xtawb'al qana'leb'.

Eclesiastés 7:5

Jwal us naq tooq'use'q xb'aaneb' li wankeb' xna'leb' chiru naq taak'ehe'q qaloq'al xb'aaneb' li jip.