Eclesiastés 7:2 - Q'eqchi Bible

² Q'axal us xik sa' rochochil li kamenaq chiru li xik sa' rochoch li ninq'e. Xb'aan naq li kamk, a'an li nokooraqe'k wi' chiqajunilo, ut us raj naq a'in wanq sa' xch'ooleb' li yo'yookeb'.

Li Santil hu

² Kꞌaxal us nak toxic chi yoꞌlec camenak chiru nak toxic chi ninkꞌei̱c. Li ani toj yoꞌyo, tento nak cua̱nk saꞌ xchꞌo̱l lix camic xban nak aꞌan li rosoꞌjic li junju̱nk.

Eclesiastés 7:2 ပူးပေါင်းရင်းမြစ်များ

Salmos 90:12

Chak'ut chiqu k'aru xyaalal li qayu'am re naq tqak'e qach'ool chi xtawb'al qana'leb'.

Deuteronomio 32:29

Wi ta wank xna'leb'eb', te'xtaw raj ru, te'xk'e raj reetal k'aru te'oso'q wi'.

Hebreos 9:27

Teneb'anb'il sa' xb'eeneb' chixjunil naq jun sut ajwi' te'kamq ut, chirix chik a'an, a' chik li raqb'a aatin.

Deuteronomio 32:46

kixye ajwi' reheb': “Chek'e reetal chixjunil li xexintaqla wi' sa' li kutan a'in. Chechaq'rab'iheb' leeralal eek'ajol re naq te'xk'e xch'ool chi xk'anjelankil ru chixjunil li raatinul li Chaq'rab' a'in.

Filipenses 3:19

Ab'an li xraqikeb' a'in, a'an li sachk; li xyoseb' a'an li xsa'eb'; neke'xnimob'resi rib' sa' li xutaanalil na'leb' neke'xye neke'xb'aanu, ut ka'ajwi' li k'a'aq re ru wank sa' ruuchich'och' neke'reek'a xsahil.

San Mateo 5:4

Us xaq reheb' li neke'yaab'ak, xb'aan naq li Yos taak'ojob'anq xch'ooleb'.

Hageo 1:5

Ma ink'a' nekeril li k'aru yookex chi xk'ulb'al?

Isaías 47:7

Xaye ajwi' sa' laach'ool: «Taawanq inwankil chi junwaakaj». Ab'anan ink'a' xak'oxla rix a'an chi moko xnume'k sa' laawaanm k'aru toxraqe'q wi'.

Números 23:10

Ani taaruhanq xb'isb'al xpojtz'il laj Jakob, ut ani taaruhanq rajlankil li xk'ihaleb' laj Israel? Kamqin laa'in jo' naq neke'kamk li tiikeb' xch'ool, ut oso'qin jo' taxaq naq neke'oso'k eb' a'an”, chan.

Malaquías 2:2

Wi ink'a' nekex'ab'ink ut ink'a' nekek'e sa' leech'ool li xk'eeb'al inloq'al, texinmajewa ut ink'a' texwosob'tesi, xb'aan naq maajun eere naxk'e xch'ool chinpaab'ankil -chan li Nimajwal Yos-.

Eclesiastés 2:14

Li ani wank xna'leb' naxnaw b'ar yo chi xik, a'ut li jip nab'eek sa' aak'ab'. Ab'anan xintaw ru naq juntaq'eet toxe'raqe'q wi' chi xkab'ichaleb'.

Eclesiastés 2:16

Ink'a' patz'b'ilaq li wank xna'leb' chi moko li jip, ut xkab'ichaleb' te'kamq. Naq yooqeb' chi xik li kutan, nasachmank sa' qach'ool chixjunil.

Eclesiastés 3:19

Relik chi yaal naq laa'o ut eb' li xul juntaq'eet naqak'ul: aajel ru li musiq'ej re naq yo'yooqo, ut teneb'anb'il kamk sa' qab'een chiqajunilo. Li winq maak'a' naxq'ax wi' ru li xul, xb'aan naq maak'a' rajb'al chixjunil.

Eclesiastés 3:20

Chixjunileb' juntaq'eet toxe'raqe'q, xb'aan naq sa' pojtz' elenaqeb' chixjunil, ut pojtz' te'sutq'iiq wi' chixjunileb'.

Eclesiastés 6:6

chiru junaq winq li kiyo'yook wiib' mil chihab' ut ink'a' kixyal xsahil li k'aru wank re. Chiqajunilo junaj toxooraqe'q wi'.

Eclesiastés 9:2

Juntaq'eet te'xk'ul chixjunileb': jo' li tiik xch'ool jo'wi' li ink'a' tiik xch'ool, jo' li chaab'il xna'leb' ut li ink'a' us xna'leb', jo' li naxpaab' li Chaq'rab' ut li ink'a' naxpaab', jo' li namayejak ut li ink'a' namayejak, jo' li saq ru xch'ool ut laj maak, jo' li naxb'aanu jurament ut li ink'a' naxb'aanu.

Eclesiastés 9:3

Ut a'an a'in li ink'a' us xink'e reetal sa' ruuchich'och': naq juntaq'eet tqak'ul chiqajunilo. Nujenaq li qach'ool chi maa'usilal, ut junes memil na'leb' yooko xk'oxlankil chiru li qayu'am. Chirix chik a'an tookamq!

Jeremías 16:8

“Mat-ok sa' junaq ochoch b'arwi' yo li ninq'ehik, maak'ojob' aawib' chi tzekank ut chi uk'ak sa' xyanqeb'.

Eclesiastés 9:5

Li yo'yookeb' neke'xnaw naq te'kamq, a'ut li kamenaqeb' maak'a' neke'xnaw ut maak'a' neke'royb'eni; moko paatz'ajeleb' ta chik.