Eclesiastés 6:9 - Q'eqchi Bible

⁹ Jwal us xyalb'al xsahil li k'aru wank qe chiru naq junelik yooqo xrahinkil xtz'aqob' a'an. Ab'anan a'in ajwi' maak'a' xyaalal ut chanchan li chapok iq'.

Li Santil hu

⁹ Kꞌaxal us nak tixcꞌojob xchꞌo̱l riqꞌuin li joꞌ qꞌuial cuan re chiru nak yo̱k chi cꞌoxlac chirix nabal xtzꞌakob li cꞌaꞌru re xban nak aꞌan ma̱cꞌaꞌ na-oc cuiꞌ. Junes raylal naxqꞌue.

Eclesiastés 6:9 ပူးပေါင်းရင်းမြစ်များ

Eclesiastés 1:14

Xink'e reetal naq chixjunil li nak'ulmank sa' ruuchich'och', a'an maak'a' rajb'al ut chanchan li chapok iq'.

Li xHu LAJ JOB 31:7

Wi ink'a' chik xinb'aanu li tiikilal ut xkoho linch'ool chirix li maa'usilal, wi wank k'a'aq re ru xwelq'a laa'in,

Eclesiastés 11:9

Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom.

Eclesiastés 6:2

wankeb' li neke'k'ehe'k xb'ihomal ut xloq'al xb'aan li Yos. Chixjunil wank reheb' ut maak'a' namajelo'k chiruheb'; ab'anan li Yos ink'a' naxk'eheb' chi xyalb'al xsahil li xb'ihomaleb': jalan chik taayaloq xsahil. Ma ink'a' tab'i' nimla rahilal a'in ut maak'a' xyaalal?

Eclesiastés 5:18

Xink'e reetal naq li jwal us cho'q re li winq, a'an li wa'ak uk'ak, xyalb'al xsahil li xk'anjela ru jo' najtil roq li xyu'am xmaatani sa' ruq' li Yos, xb'aan naq a'in rajom li Qaawa'.

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.

Eclesiastés 2:11

Moqon xin'ok chi k'oxlak chirix link'anjel ut li tawasij ib' li xkoho inch'ool xb'aanunkil, ut xink'e reetal naq maak'a' rajb'al ut chanchan li chapok iq': maak'a' naqara chirix li k'anjelak arin sa' ruuchich'och'.

Eclesiastés 1:2

Li qayu'am maak'a' na'ok wi' -chan laj Ch'olob'anel-; jo'ch'inal jo'nimal wank sa' ruuchich'och', a'an maak'a' xyaalal ut maak'a' rajb'al!

Jeremías 2:20

“Laa'at ak junxil chik kawisi aawib' rub'el inwankil, ut kaq'etq'eti aawib' chiwu ut kaye: «Ink'a' chik nawaj k'anjelak chawu», chankat. Ut sa' xb'eenatq eb' li b'ool ut rub'elatq li ninqi che' katyoklaak ut kamux aawib' jo' junaq aj yumb'eet.

Eclesiastés 1:17

Xink'e inch'ool re xnawb'al b'ar wank li choxahil na'leb' ut li xseeb'al k'a'uxl, jo'wi' li memil ut li jipil, ut xintaw ru naq a'in ajwi' chanchan li chapok iq'”, chankin sa' inch'ool.