Eclesiastés 6:3 - Q'eqchi Bible

³ Wi junaq najt roq li xyu'am ut o'k'aal ralal taawanq, ab'anan wi ink'a' naxyal xsahil li k'aru wank re chi moko namuqe'k sa' xyaalal, laa'in ninye naq q'axal chik us junaq k'uula'al li xyo'laak chi kamenaq chiru li winq a'an.

Li Santil hu

³ Junak cui̱nk naru nacuan jun cientak li ralal xcꞌajol. Ut naru ajcuiꞌ nacuan nabalak chihab saꞌ ruchichꞌochꞌ. Usta kꞌaxal najt rok lix yuꞌam saꞌ ruchichꞌochꞌ, ma̱cꞌaꞌ na-oc cuiꞌ cui incꞌaꞌ naxyal xsahil li cꞌaꞌru cuan re chi moco namukeꞌ saꞌ xya̱lal. La̱in nincꞌoxla nak kꞌaxal us junak li cꞌulaꞌal yal nanumeꞌ chiru li cui̱nk aꞌan.

Eclesiastés 6:3 ပူးပေါင်းရင်းမြစ်များ

Li xHu LAJ JOB 3:16

K'a'ut naq ink'a' kine'xmuq jo' junaq tz'eqb'il k'uula'al, jo'keb' li k'uula'al ink'a' neke'ilok kutan?

Jeremías 22:19

Taamuqmanq jo' junaq b'uur: chi jukunb'il te'risi sa' li tenamit ut toxe'xtz'eq chaq chirix xsuttz'akil Jerusalén”.

Eclesiastés 4:3

Ab'anan q'axal wi' chik us cho'q reheb' li maji' neke'yo'laak, xb'aan naq maji' rilomeb' li maa'usilal na'uxk sa' li ruuchich'och' a'in.

2 Reyes 9:35

Ab'an naq koheb' raj chi xmuqb'al, ka'aj chik ke'xtaw li xjolom, eb' li roq ut eb' li ruq'.

Génesis 47:9

Kichaq'ok laj Jakob ut kixye: “Lajeeb' xwuqk'aal (130) chihab' li wokik chi b'eek laa'in yalaq b'ar. Naab'al rahilal xink'ul sa' linyu'am ut ink'a' k'iheb' linchihab' jo' li xchihab'eb' linxe'toonil yuwa' naq ke'wank sa' ruuchich'och'”.

San Mateo 26:24

Li K'ajolb'ej taaxik jo' tz'iib'anb'il chirix, ab'an ra chaalel sa' xb'een li winq a'an li taaq'axtesinq re li K'ajolb'ej! Q'axal us raj cho'q re li winq a'an naq ink'a' xyo'laak chaq.

Jeremías 36:30

At Johakín, awab'ej re Judá, laa'in li Qaawa' ninye aawe naq maajun aawalal taak'ojlaaq chi awab'ejink sa' li xk'ojarib'aal laj David; ut naq tatkamq, jiljo taakanaaq laatz'ejwal chiru xtiqwal li kutan ut chiru xkehal li q'oqyink.

Jeremías 8:2

ut te'hire'q chiru li saq'e, chiru li po ut chiruheb' chixjunil li xchahimal li choxa li ke'xra ut ke'xk'anjela ru, li ke'xtaaqe, li ke'patz'ok wi' ut ke'xloq'oni ru. Ink'a' chik te'xoke'q chi moko te'muqmanq; jo'kaqeb' aj chik li k'ot chiru ch'och'.

Proverbios 17:6

Li xsahil xch'ooleb' li ak tiixeb' a'aneb' li ri xmameb'; li xloq'al eb' li alal k'ajolb'ej a'aneb' li xna' xyuwa'eb'.

Salmos 58:8

Che'ha'lesiiq ta kama' naxk'ul li ha' yal nanume'k; che'q'aaq ut che'oso'q jo' li pim nayeq'iik.

Ester 7:10

Ut ke'xt'uyub' laj Amán sa' li t'uyleb'aal kixyiib' re raj xkamsinkil laj Mardokeo. Chi jo'kan kich'anaak xjosq'il li awab'ej.

Ester 5:11

kixseeraq'i reheb' li xloq'al ut li xb'ihomal, li xk'ihaleb' li ralal xk'ajol ut chanru naq kik'ehe'k xwankil sa' xb'eeneb' li xjolomileb' li tenamit jo'wi' eb' laj k'anjel chiru li awab'ej.

2 Crónicas 11:21

Laj Robohán q'axal kixra lix Mahaká, xrab'in laj Absalón, chiru chixjunileb' li rixaqil. A'an kiwank waqxaqlaju tz'aqal rixaqil ut oxk'aaleb' li ixq li maawa'eb' tz'aqal rixaqil; kiwank waqxaqib' xka'k'aaleb' li ralal ut oxk'aaleb' xrab'in.

1 Crónicas 28:5

Sa' xyanqeb' chixjunil li walal (xb'aan naq naab'aleb' li walal xk'ehom li Qaawa') xsik' ru li walal laj Salomón re naq taak'ojlaaq sa' xk'ojarib'aal li Qaawa' re rawab'ejinkil Israel.

2 Reyes 10:1

Lajeeb' xkaak'aaleb' li ralal xk'ajol laj Ajab wankeb' sa' li tenamit Samaria. Jo'kan naq laj Jehú kitz'iib'ank hu ut kixtaqla rik'inatqeb' li xjolomileb' li tenamit, rik'ineb' li cheekel winq ut rik'ineb' ajwi' li neke'ilok reheb' li ralal xk'ajol laj Ajab, aran Samaria; ut kixye reheb':

Génesis 33:5

Tikto kixtaqsi li rilob'aal ut, naq kirileb' li ixq ut eb' li xkok'al, kixye: “Aniheb' a'in li neke'ochb'eenink aawe?”. “A'aneb' li ralal laj k'anjel chawu li ke'k'ehe'k re xb'aan li Qaawa'”, chan laj Jakob.

Eclesiastés 6:4

Xb'aan naq li k'uula'al a'an ink'a' ki'ilok kutan, chi moko kixnaw li k'aru wank sa' ruuchich'och'; ink'a' kinawe'k ru xb'aan anihaq chi moko kinawe'k li xk'ab'a'. Ab'anan q'axal us kixk'ul li k'uula'al a'an

Li xHu LAJ JOB 3:11

K'a'ut naq ink'a' kinkamk naq kin'elk rik'in linna', sa' xkutankil linyo'lajik?